វប្បធម៌ ជំនឿ
ហុងស៊ុយទាំង ៥ ជនជាតិចិនជឿថានឹងជំរុញអាជីពឱ្យជោគជ័យខ្លាំង
តើលោកអ្នកធ្លាប់បរាជ័យ មានបញ្ហាឬអារម្មណ៍អាក្រក់ៗហ៊ុមព័ទ្ធជុំវិញខ្លួនដែរទេ?
បើបែបនេះគួរតែមានរបស់អ្វីមួយជាហុងស៊ុយ ដើម្បីបោសសម្អាតថាមពលអវិជ្ជមាននៅកន្លែងធ្វើការ និងធ្វើឱ្យអាជីពរបស់លោកអ្នកកាន់តែរីកចម្រើន។
១. ដាក់គ្រឿងអេឡិចត្រូនិកនៅខាងឆ្វេងដៃ
ល្បិចសាមញ្ញនេះគឺដើម្បីទាក់ទាញសំណាងល្អនិងថាមពលវិជ្ជមាននៅកន្លែងធ្វើការ គឺដាក់ទូរស័ព្ទឬកុំព្យូទ័ររបស់យើងនៅខាងឆ្វេងដៃ កន្លែងដែលយើងអង្គុយធ្វើការ។
មូលហេតុគឺថា ផ្នែកខាងឆ្វេង ជារបស់នាគបៃតងដែលនាំមកនូវភាពរុងរឿងនិងភាពសុខដុមរមនានៅកន្លែងធ្វើការ។ ផ្នែកខាងស្តាំជាកម្មសិទ្ធិរបស់ខ្លាស ដែលទាក់ទាញការប្រកួតប្រជែងកាន់តែច្រើននៅកន្លែងធ្វើការ ។
២. ប្រើរុក្ខជាតិដើម្បីបង្កើនថាមពលសុខភាពវិជ្ជមាន
ទីតាំងធ្វើការរបស់យើង មិនថាផ្ទះឬការិយាល័យដែលនៅជិតផ្លូវដើរឬកាច់ជ្រុង គួរតែមានរុក្ខជាតិតូចមួយ នៅពីមុខតុរបស់យើង ដើម្បីនាំថាមពលវិជ្ជមានទៅកន្លែងដែលគ្មានស្ថិរភាព។
រុក្ខជាតិទាំងនោះនឹងជួយពង្រឹងសុខភាពនិងកម្លាំងរបស់យើង។ ចៀសវាងរុក្ខជាតិណាដែលមានបន្លាឬផ្កាច្រើនពេក ព្រោះអាចជាឧបសគ្គច្រើនជាងជំនួយ ។
ត្រូវប្រាកដថា ប្រើរុក្ខជាតិពិត ព្រោះរុក្ខជាតិក្លែងក្លាយអាចទាក់ទាញថាមពលអវិជ្ជមានឬបន្ថយអារម្មណ៍ល្អៗរបស់យើង។
៣. បើកតន្ត្រីដើម្បីលុប “Sha Qi” ថាមពលអវិជ្ជមានដែលបង្កើតភាពតានតឹង
ដើម្បីធានាបាននូវភាពសុខដុម និងបន្ធូរអារម្មណ៍បែបស្ងប់ស្ងាត់នៃផ្នែកសរសៃប្រសាទរបស់យើង តន្ត្រីគឺជាគន្លឹះហុងស៊ុយនាំមនុស្សទៅកាន់ទីនោះ។
សម្រាប់អ្នកដែលបើកអាជីវកម្មផ្ទាល់ខ្លួន ការមានតន្ត្រីនៅក្នុងការិយាល័យគឺល្អសម្រាប់ម្ចាស់អាជីវកម្មនិងនិយោជិកដែលធ្វើការជាមួយគ្នា។
ម៉្យាងវិញទៀត ការដែលឲ្យអតិថិជនរបស់យើងទៅជួបនៅកន្លែងណាមួយ មានសំឡេងតន្ត្រីអាចទទួលបាននូវឱកាស ការពិភាក្សាឬកិច្ចព្រមព្រៀងបានលឿនរហ័ស និងលុបបំបាត់ Sha Qi ដែលជាថាមពលនៃភាពអវិជ្ជមាន។
៤. ចៀសវាងដាក់តុការិយាល័យប្រឈមមុខនឹងជ្រុងគែមមុតស្រួចណាមួយ
ត្រូវប្រាកដថា តុការងារឬកន្លែងធ្វើការរបស់យើង មិនប្រឈមមុខនឹងជ្រុងឬគែមមុតស្រួចណាមួយឡើយ។ ដូចជាសសរអគារ ឬជញ្ជាំងផ្សេងទៀត។ល។
គែមមុតស្រួចទាំងនេះអាចហៅថាមពលអវិជ្ជមានចូលមក។ វានឹងបណ្ដាលឱ្យឈឺក្បាល ប្រកាំង សម្ពាធ មិនសប្បាយចិត្តសម្រាប់ខ្លួនឯង និងអ្នកដទៃ។
គួរបែរតុទៅរកផ្លូវផ្សេង ឬព្យាយាមដាក់ការរាំងស្ទះអ្វីមួយនៅចន្លោះតុ និងគែមឬជ្រុងដែលមុត ប្រសិនបើយើងអាចផ្លាស់ទីបាន។
បើមិនអាចជៀសវាងបាន សូមដាក់ចានមានអំបិលមួយនៅចន្លោះយើង និងជ្រុងស្រួចដើម្បីកាត់បន្ថយសម្ពាធ។
៥. ដាក់គ្រីស្តាល់នៅជ្រុងខាងស្តាំនៃតុរបស់យើង
គ្រីស្តាល់ជួយបំបែកថាមពលដែលមានភាពតានតឹង នៅកន្លែងធ្វើការ។ វាក៏អាចកាត់បន្ថយការវាយប្រហារពីមនុស្សដែលមានល្បិច ឬអ្នកដែលចង់ឈ្នានីសយើងគ្រប់រឿង។
គ្រីស្តាល់ក៏អាចទាក់ទាញអ្នកផ្ដល់ជំនួយ ដើម្បីជួយយើងក្នុងការងារដែរ។ ត្រូវសម្អាតគ្រីស្តាល់ឱ្យបានទៀងទាត់ ដើម្បីឱ្យវាមានប្រសិទ្ធភាពជាងមុន៕
អត្ថបទ ៖ សាង ស្រីល័ក្ខ
ចុចអាន៖ ត្បូង៧ប្រភេទនេះ គួរមានជាប់ខ្លួនក្នុងឆាកជីវិត
ចុចអាន៖ ហុងស៊ុយទាំង ៥ វិធីបង្កើតក្លិនក្រអូប និងនាំលាភសំណាងចូលក្នុងផ្ទះ
Liverpool ចាប់ដៃជាមួយ Adidas ទទួលបានតម្លៃកុងត្រាកប់ពពក
ចំអកឱ្យក្រុមប្រឆាំង សម្ដេច ហ៊ុន ម៉ាណែត ថា ៥ឆ្នាំម្ដងពលរដ្ឋខ្មែរក្រោកឈរទៅបោះឆ្នោតរើសមេដឹកនាំ
ឧទ្ធម្ភាគចក្រពេទ្យធ្លាក់នៅរដ្ឋ Mississippi បណ្តាលឲ្យស្លាប់៣នាក់
តម្លៃប្រេងសាំងលក់រាយធ្លាក់ចុះ ១០០ រៀល
ក្រោមបទចោទដូចគ្នា Duterte ត្រូវចាប់ខ្លួន ខណៈ Min Aung Hlaing បន្តកាន់អំណាច
កប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
ឆ្លងចរន្តអគ្គិភ័យឆាបឆេះផ្ទះប្រជាពលរដ្ឋអស់៣ខ្នង នៅខណ្ឌដង្កោ
អតីតប្រធានាធិបតីហ្វីលីពីន លោក Duterte ត្រូវបានចាប់ខ្លួន ពីបទឧក្រិដ្ឋកម្មប្រឆាំងមនុស្សជាតិ
ការផ្សាយថាយុវតីម្នាក់ស្លាប់ព្រោះពត់ធ្មេញ៖ គណៈទន្តពេទ្យកម្ពុជា ចេញមកបញ្ជាក់ថាអ្នកជំងឺស្លាប់ព្រោះជំងឺពីកំណើត
កូរ៉េខាងជើងបាញ់មីស៊ីលចូលសមុទ្រលឿង ខណៈអាមេរិក-កូរ៉េខាងត្បូងកំពុងធ្វើសមយុទ្ធ
-
សន្តិសុខសង្គម១ សប្តាហ៍ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ១ សប្តាហ៍ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
សន្តិសុខសង្គម៣ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ១ សប្តាហ៍ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ៥ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៦ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៥ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ចរាចរណ៍១ សប្តាហ៍ agoបុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង