សុបិនឃើញ “ក្អែក” និមិត្តរូបនៃសេចក្ដីស្លាប់?

សុបិន​ឃើញ​ក្អែក​ជា​សុបិន​ដែល​ច្រើន​តែ​បង្ហាញ​ពី​ប្រផ្នូល​អាក្រក់ ព្រោះក្អែកជានិមិត្តរូបនៃសេចក្តីស្លាប់ និងសំណាងអាក្រក់។ យ៉ាងណាក្ដី ជំនឿខ្លះជឿថា សុបិនឃើញសត្វក្អែក ក៏ជាប្រផ្នូលល្អដែរ ដោយសារវាជាសត្វដែលមានអាយុវែងរហូតដល់ ៩០ឆ្នាំឯណោះ។ ដូច្នេះសុបិនឃើញក្អែក មិនអាក្រក់ទាំងអស់ទេ។

សុបិនឃើញក្អែកមួយក្បាល

សុបិន្តឃើញក្អែកមួយក្បាល ចង់សំដៅដល់ទំនាក់ទំនង ដែលមានន័យថា នរណាម្នាក់នឹងចែករំលែកដំណឹងល្អមកឱ្យអ្នក។

សុបិនឃើញក្អែកពីរក្បាល

សុបិនឃើញក្អែកពីរក្បាល មានន័យថា អ្នកនឹងទទួលបានសារពីរផ្សេងគ្នាពីមនុស្សនៅឆ្ងាយ ក្នុងពេលឆាប់ៗនេះ។

សុបិនឃើញក្អែកច្រើនក្បាល​ ឬហ្វូងសត្វក្អែក

សុបិនឃើញក្អែករាប់សិបក្បាល មានន័យថា អ្នកមានការភ័ន្តច្រឡំពីរឿងដែលអ្នកបានទទួល ជាពិសេសទំនាក់ទំនងស៊ីជម្រៅជាមួយមនុស្សជិតដិត។

សុបិនឃើញក្អែកធំ

សុបិននេះ មានន័យថា ប្រសិនបើអ្នកមានបញ្ហា នឹងមានមនុស្សចូលមកជួយឧបត្ថម្ភគាំទ្រ។

សុបិនឃើញក្អែកដេញចឹក

សុបិនឃើញក្អែកដេញចឹក មានន័យថា អ្នកអាចទទួលបានសារពីសាច់ញាតិ ដើម្បីសុំជំនួយ៕

អត្ថបទ៖ សន្យា

ចុចអាន៖ គេថា យល់សប្តិឃើញ “សត្វស្លាប” នឹងឈ្នះរង្វាន់ធំ?

ចុចអាន៖ យល់សប្ដិឃើញសំបុកឪម៉ាល់ ប្រយ័ត្នមានសត្រូវប៉ងអាក្រក់