វប្បធម៌ ជំនឿ

ឃើញពស់សកស្រកាក្នុងយល់សប្ដិ ត្រូវប្រយ័ត្នចំពោះសុខភាព និងហិរញ្ញវត្ថុ

បានផុស

៣ years មុន

នៅ

ថ្ងៃចន្ទ ៣ តុលា ២០២២

ដោយ

ប្រសិនបើយល់សប្ដិឃើញសត្វពស់ យោងតាមជំនឿពីបុរាណកាលមកបានចែងថា វាទាក់ទងនឹងគូព្រេង ឬមានគេតាមស្រលាញ់ជាដើម។ ប៉ុន្តែបើឃើញពស់សកស្រកាក្នុងសុបិនវិញ អត្ថន័យអាចនឹងមិនសូវល្អខ្លះ និងល្អខ្លះ អាស្រ័យលើរូបភាពដែលបានឃើញនេះឯង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យល់សប្ដិឃើញពស់សក់ស្រកានៅនឹងមុខ

ក្នុងពេលនេះ អាចមានសមាជិកគ្រួសារកើតជំងឺ រួមទាំងខ្លួនអ្នកផង ដូច្នេះចូរប្រយ័ត្នបំផុតចំពោះសុខភាព ហើយបញ្ហាស្ត្រេសផ្សេងៗក៏អាចកើតមានលើអ្នកបានដូចគ្នា! សម្រាប់ស្នេហា អ្នកនៅលីវមានឱកាសជួបមនុស្សថ្មី ហើយថែមទាំងមានការទាក់ទាញខ្លាំងពីមនុស្សភេទផ្ទុយទៀតផង។ ចំណែកឯក្នុងវិស័យការងារ អាចនឹងមានបញ្ហា ជាពិសេសហិរញ្ញវត្ថុមិនគួរចាយវាយច្រើនហួសហេតុពេកទេ។

យល់សប្ដិឃើញស្រកាពស់ជាច្រើនពេញផ្លូវ

ជីវិតក្នុងរយៈពេលនេះ នឹងទទួលបានលាភសំណាងខាងហិរញ្ញវត្ថុ អ្នកដែលជួបនឹងទុក្ខលំបាក ឬសំណាងអាក្រក់អាចមានរាសីល្អកាន់តែប្រសើរមកវិញជាបណ្ដើរៗ។ សម្រាប់អ្នកនៅលីវ ប្រាកដជាបានជួបមនុស្សថ្មី ដែលខ្លួនតែងតែប្រាថ្នាចង់ជួបចូលចិត្ត។ ប៉ុន្តែសម្រាប់អ្នកដែលរៀបការរួច អាចឃ្លាតឆ្ងាយពីគូស្នេហ៍របស់ពួកគេ ដោយសារតែត្រូវធ្វើដំណើរផ្លូវឆ្ងាយ។ កុំបារម្ភអី! ព្រោះនេះជាការឃ្លាត ដើម្បីការងារតែប៉ុណ្តោះ! យ៉ាងណា ក៏ត្រូវប្រយ័ត្នបញ្ហាសុខភាពវិញដែរ។

យល់សប្ដិឃើញកាន់ស្រកាពស់

បកស្រាយបានថា ក្នុងអំឡុងពេលនេះបើមានអ្វីដែលអ្នកកំពុងតែមានក្ដីសង្ឃឹមលើវា អាចនឹងមិនដូចការរំពឹងទុកឡើយ។ ប៉ុន្តែអ្វីដែលមិនបានរំពឹងទុក វាអាចទទួលបានដោយមិនដឹងខ្លួនវិញ។ ទន្ទឹមនោះដែរអ្នកក៏ត្រូវប្រយ័ត្នចំពោះការប្រើពាក្យសំដីចំពោះមនុស្សជុំវិញ ព្រោះអាចនឹងមានគេយល់ខុស បើយើងហ៊ានតែប្រហែស។ ម៉្យាងទៀតក្នុងពលេនេះ ត្រូវការឲ្យអ្នកអត់ធ្មត់ និងមានខំប្រឹងប្រែងធ្វើការងារ ទើបឆាប់ជោគជ័យ។

ទោះយ៉ាងណាក៏ដោយ នៅភាគខាងលិចឯណោះវិញ គេមានជំនឿថា ប្រសិនបើយល់សុបិនឃើញពស់សកស្រកានោះមានន័យថា សត្រូវដែលប៉ុនប៉ងព្យាបាទអ្នក នឹងទទួលបានផលកម្មត្រលប់ទៅរកគេវិញមិនខាន។ ត្បិតថាលោកខាងលិចជឿបែបនេះ តែយ៉ាងណាចំពោះជនជាតិអាស៊ីយើង មានជំនឿយ៉ាងមុខមាំដូចគ្នា ចំពោះការបកស្រាយពីបុរាណមក៕

គ្រូ ណុប

ចុចអាន៖សុបិនឃើញពស់ អត្ថន័យមិនមែនសំដៅដល់គេលួចស្រលាញ់មួយមុខឡើយ តែក៏មានអ្នកស្អប់ដូចគ្នា

ចុចអាន៖យល់សប្ដិឃើញហូបបួស អត្ថន័យយ៉ាងណាដែរ?