វប្បធម៌ ជំនឿ

រឿងអស្ចារ្យទាំង ៧ ដែលយើងមិនធ្លាប់បានដឹងពីសុបិន

បានផុស

៤ years មុន

នៅ

ថ្ងៃព្រហស្បតិ៍ ៣១ ធ្នូ ២០២០

ដោយ

Sonya

យើងទាំងអស់គ្នាដឹងហើយថា សុបិនគ្មានពណ៌គ្មានក្លិន ហើយអ្វីដែលយើងឃើញនៅក្នុងសុបិនគ្រាន់តែជាការស្រមើស្រមៃប៉ុណ្ណោះ។ អ្វីដែលយើងបានឃើញនៅក្នុងសុបិន អាចជះឥទ្ធិពលយ៉ាងខ្លាំងដល់ជីវិតរបស់យើង។

នេះជារឿងអស្ចារ្យទាំង ៧ ដែលយើងមិនធ្លាប់បានដឹងពីសុបិនទាល់តែសោះ ៖

១. ខួរក្បាលធ្វើសកម្មភាពពេលយើងសុបិន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តើអ្នកធ្លាប់គេងមិនលក់ ហើយរសាប់រសល់ក្នុងខួរក្បាលដែរឬទេ? នេះក៏ដោយសារតែខួរក្បាលមិនព្រមសម្រាកទាល់តែសោះ។ អ្វីដែលអស្ចារ្យដែលមនុស្សភាគច្រើនមិនមិនធ្លាប់បានដឹងពីមុនមកគឺថា ផ្នែកជាច្រើននៃខួរក្បាល ពិតជាមានសកម្មភាពនៅពេលយើងគេងពិតមែន។ ជាពិសេសផ្នែកដែលមើលឃើញ និងប្រព័ន្ធអវយវៈដែលទទួលខុសត្រូវចំពោះអារម្មណ៍។

២. សត្វ និងសុបិន

វេជ្ជបណ្ឌិតមិនប្រាកដ ១០០% ថា សត្វឆ្កែអាចសុបិនបានឬយ៉ាងណាទេ ប៉ុន្តែគេបានធ្វើរោគវិនិច្ឆ័យទៅក្នុង REM (អង្គចងចាំ) លើចលនានៃការដេក ភាគច្រើនពួកវាដេលបើកភ្នែក។ ការដេកបែបនេះ កើតឡើងចំពោះថនិកសត្វគ្រប់ប្រភេទ។

ជាទូទៅថនិកសត្វប្រើវិធីនេះជាយន្តការការពារ ពីព្រោះពួកវាអាចភ្ញាក់ដឹងខ្លួនភ្លាមៗនៅពេលពួកវាចូលក្នុងដំណាក់កាល REM ដូចដែលវេជ្ជបណ្ឌិតបានសន្និដ្ឋាន។ លំនាំនេះប្រែប្រួលពីសត្វមួយទៅសត្វមួយ ហើយជាការពិត វាខុសគ្នាសម្រាប់សត្វទាំងអស់ដែរ។

៣. មនុស្សញៀនកញ្ឆាមិនអាចសុបិន

មនុស្សដែលបានប្រើកញ្ឆា ពួកគេគេងលក់គ្មានសុបិនអ្វីទាំងអស់! សូម្បីតែមនុស្សដែលជក់បារីជាប្រចាំក៏ដូចគ្នា ដែលបណ្ដាលឱ្យគ្រូពេទ្យសន្និដ្ឋានថា ប្រហែលជាកញ្ឆាបានធ្វើឲ្យមានការរំខានជាមួយការគេង ។

ក្នុងនោះមនុស្សដែលបានឈប់ប្រើកញ្ឆា ពួកគេក៏ចាប់ផ្ដើមមានសុបិនឡើងវិញ។ វេជ្ជបណ្ឌិតក៏បានអះអាងលើការស្រាវជ្រាវថា កញ្ឆាពិតជាប៉ះពាល់ដល់ការគេងរបស់មនុស្សជាច្រើន (បន្ទាប់ពីការធ្វើតេស្តជាច្រើនលើអ្នកជក់បារីនិងអ្នកញៀនកញ្ឆា) ។

៤. ភាពខុសគ្នានៃសុបិនរវាងបុរសនិងស្ត្រី

តាមការស្រាវជ្រាវបានបញ្ជាក់ថា បុរសនិងស្ត្រីមានសុបិនខុសគ្នា។ តាមធម្មតា សុបិនរបស់ស្ត្រីមានរយៈពេលយូរជាង បុរស។ ស្រដៀងគ្នានេះដែរ សុបិនរបស់ស្ត្រីពាក់ព័ន្ធនឹងអារម្មណ៍ជាច្រើន ផ្ទុយពីសុបិនរបស់បុរសមិនមានច្រើននោះ ។

ដោយឡែកជិត ៨% នៃសុបិនរបស់មនុស្សរាប់បញ្ចូលទាំងផ្លូវភេទ មនុស្សប្រុសទូទៅសុបិនពីកន្លែងចៃដន្យនិងមនុស្សចម្លែក ចំណែកស្ត្រីមានទំនោរចង់សុបិនពីកន្លែងដែលគេស្គាល់ និងមនុស្សដែលនៅជិតខ្លួន។

៥. មនុស្សពិការភ្នែកក៏អាចសុបិនឃើញរូបភាព

យើងប្រហែលជាគិតថាសម្រាប់មនុស្សពិការភ្នែក វាមិនអាចទៅរួចទេ ដែលអាចសុបិនឃើញរូបភាពដូចមនុស្សធម្មតាទៀត។ ប៉ុន្តែសូម្បីតែមនុស្សពិការភ្នែកពីកំណើតក៏ដោយ ក៏អាចយល់សុបិនឃើញរូបភាពភាពរស់រវើកដូចមនុស្សធម្មតាដែរ។ បើទោះបីជាពួកគេមិនអាចមើលឃើញ នៅក្នុងជីវិតពិតក៏ដោយ។

៦. ៩០ % នៃសុបិនគឺមនុស្សមិនចងចាំឡើយ

ជិត ៥០% នៃសុបិនក្នុងរយៈពេល ៥ នាទី យើងនៅចងចាំ តែបន្ទាប់ពីយើងភ្ញាក់ពីគេង នៅសល់ ៩០% យើងនឹងភ្លេចបាត់ក្នុងរយៈពេល ១០ នាទីមិនខាន។ ទោះបីជាយើងគិតថា អាចនៅចងចាំសុបិនក៏ដោយ តែវាបានត្រឹមមួយភ្លែត ទីបំផុតយើងនឹងភ្លេចទាំងអស់ដដែល។

៧. កុមារសុបិនអាក្រក់ច្រើនជាងមនុស្សពេញវ័យ

ជឿឬមិនជឿ កុមារមានសុបិនអាក្រក់ច្រើនជាងមនុស្សពេញវ័យធម្មតា ជាពិសេសនៅពេលអាយុដែលមិនអាចនិយាយបាន។

ទារកជាធម្មតាយំនៅពេលឃើញមនុស្ស ឬនៅពេលពួកគេនៅក្បែរមនុស្សប្លែកមុខ ពីព្រោះពួកគេបានដឹងពីអនាគតរបស់ពួកគេម្នាក់ៗ។ ប៉ុន្តែនៅពេលក្មេងចាប់ផ្ដើមចេះនិយាយ និងធ្វើអន្តរកម្ម ពួកគេនឹងបាត់បង់អំណាចទាំងនោះ៕

ប្រែសម្រួល៖ សាង ស្រីល័ក្ខ

ចុចអាន៖ អត្ថន័យក្នុងសុបិន ៦យ៉ាងបញ្ជាក់ហេតុការណ៍ក្នុងជីវិតពិត ដែលអ្នកមិនគួរព្រងើយកន្តើយ

ចុចអាន៖ សុបិនផ្កាពណ៌លឿងប្រផ្នូលអំពីការកែលម្អជោគវាសនាដោយ ព្រលឹងវិញ្ញាណដែលយើងគោរពបូជា