ទម្លាយអត្តចរិត ថ្ងៃកំណើតទាំង ៧ ពេលមានស្នេហា

ស្នេហានឹងធ្វើឲ្យមនុស្សប្រែប្រួល ទៅជាបុគ្គលមួយផ្សេងទៀត​ ខណៈអ្នកខ្លះបានប្ដូរទម្លាប់ពីបែបនេះ ទៅជាបែបនោះ។​យ៉ាងណាមិញអត្ថបទខាងក្រោមនេះ នឹងនាំមិត្តអ្នកអានឲ្យដឹងថា តើអ្នកអត្ថចរិតអ្នកនឹងទៅជាបែបណា នៅពេលដែលស្នេហាជ្រាបចូលមកដល់។

សូមអានលម្អិតខាងក្រោមនេះ៖

ថ្ងៃច័ន្ទ

បុគ្គល​នេះមាន​ចិត្ត​រង្គោះរង្គើ ងាយ​រសើប​ ងាយ​ផ្ដល់​ក្ដី​ស្រលាញ់​ដល់គេ។ ពេល​ចូល​ចិត្ត តែង​គិត​ថា​នឹង​ស្រលាញ់​យក​តែ​ម្ដង​ ដោយ​មិន​គិត​មុខ​ក្រោយ​ថា​ នឹង​មាន​អ្វី​កើតឡើង។

ថ្ងៃអង្គារ

មនុស្ស​កើត​ក្នុង​ថ្ងៃអង្គារ មាន​ចិត្ត​រឹងត្អឹង​បន្តិច ខណៈ​មាត់​និយាយ​ថា​មិន​ស្រលាញ់ ឬ​មិន​ខ្វល់​ ដើម្បី​ឲ្យ​មើល​ទៅ​រឹងមាំ​នៅ​ខាងក្រៅ ប៉ុន្តែ​នៅ​ខាង​ក្នុង​ចិត្ត​ទន់​ខ្សោយ ងាយរសើបណាស់។ តាមពិត​បុគ្គល​នេះ ​ចូលចិត្ត​ឲ្យគេ​យក​ចិត្ត​ទុក​ដាក់នឹងខ្លួនហើយបើស្រលាញ់គេ ​អស់​ពីពោះអស់ពីពង់ តែមិនព្រមបង្ហើប​វាចាសោះឡើយ។​

ថ្ងៃពុធ

មនុស្សកើតក្នុងថ្ងៃពុធ ជាបុគ្គលគោរព​ស្រឡាញ់​យក​សេចក្ដី​ស្រឡាញ់​​ មាន​ជំហរ​​លះបង់​ខ្លាំង​ពេកដល់ដៃគូ ដែល​ពេល​ខ្លះ​ទំនាក់ទំនង​ត្រូវ​បញ្ចប់​ ដោយ​សារ​យើង​ផ្ដល់​ឲ្យអ្នក​ដទៃ​ច្រើន​ពេក។ ដូច្នេះ​សូម​ស្រលាញ់​ខ្លួនឯងឲ្យ​បានច្រើនៗ​ បើ​លះបង់​ខុស​ អ្នក​អាចនឹង​សោកស្ដាយ។

ថ្ងៃព្រហស្បតិ៍

ពូកែ​ចែចង់ តែចង់មានស្នេហាបែប​សំងាត់ៗ មិនចង់ប្រកូកប្រកាសឲ្យអ្នកណាដឹង។​ បើ​​ស្រឡាញ់នរណាម្នាក់ ​ស្រលាញ់គេអស់ពីចិត្ត តែនៅតែ​អាត្មានិយម​សម្រាប់ខ្លួនឯងពេក ទើបចេះតែឈឺចិត្តនឹងរឿងដដែល។

ថ្ងៃសុក្រ

អ្នកកើតថ្ងៃសុក្រ​ មានទម្លាប់​ខូចចិត្ត​នឹង​រឿងស្នេហាដដែលៗ តែក៏ឆាប់បាត់ទៅវិញលឿន។ តែបុគ្គលនេះក៏មានភាពស្មោះត្រង់នឹងសេចក្ដីស្នេហាដែរ។

ថ្ងៃសៅរ៍

ជាមនុស្ស​ចូលចិត្ត​ការ​ប្រច័ណ្ឌ មិនទុកចិត្តអ្នកណាមកក្បែរសង្សារខ្លួនឡើយ។ ម៉្យាង​ទៀត​ គេក៏​ជាបុគ្គល​ដែល​លះបង់ដើម្បីស្នេហាផងដែរ។

ថ្ងៃអាទិត្យ

ជា​មនុស្ស​ដែល​ងាយ​ស្រួល​ មាន​ចរិត​ល្អ​ ចេះ​ធ្វើរឿងឲ្យសប្បាយចិត្តដោយ​ខ្លួន​ឯង​ក្នុង​រឿង​ស្នេហា។ មានទម្លាប់​សុំទោស​ចេះដាក់ខ្លួន​ទោះបីជាមានរឿងខ្លះខុស​ក៏ដោយ។

ក្រោយ​បាន​អាន​អត្ថបទ​រួច​មក ​តើ​មិត្ត​អ្នក​អាន​របស់​គ្រូណុប​កើត​នៅក្នុង​ថ្ងៃណាដែរ? តើអ្នក​មាន​ចរិត​ពិត​ ដូច​ដែល​បាន​រៀបរាប់​ខាងលើ​ដែរ​ឬទេ?

គ្រូ ណុប

ចុចអាន៖អាហារដែលអ្នកចូលចិត្តញ៉ាំខ្លាំងបំផុត អាចមើលដឹងពីចរិតលក្ខណៈខាងក្នុង

ចុចអាន៖ទាយបុគ្គលិកលក្ខណៈ តាមរយៈពណ៌ដែលអ្នកចូលចិត្ត