យល់សប្តិឃើញ “ជីដូនស្លាប់” លុយកាក់នឹងបាត់បង់

យោងទៅតាមការបកស្រាយសុបិនបុរាណ យល់សប្តិនេះ ត្រូវឱ្យប្រយ័ត្នចំពោះកាបូបប្រាក់ឱ្យមែនទែន ដោយសារអ្នកនឹងជួបភាពខ្វះខាតមិនចេះចប់ និយាយ​ឲ្យ​ចំ​គឺ​ប្រយ័ត្ន​លុយ​កាក់ចាយវាយប្រចាំថ្ងៃ​ ជាពិសេស​ហាមខ្ចីបុលគេដាច់ខាត។ វាជាប្រផ្នូលប្រាប់ទៀតថា កំលុងពេលនេះ ប្រាក់ដែលទទួលបាននឹងបាត់បង់វិញដោយងាយ ​ពេលខ្លះវាបាត់ទៅទាំងមិនដឹងមុខ ពោលគឺរកមិនឃើញមូលហេតុ។ យ៉ាងណាមិញ ប្រសិនបើអ្នកបង្កើនការប្រុងប្រយ័ត្ន មិនចាយខ្ជះខ្ជាយ ប្រាក់ចំណូលនឹងផ្គត់ផ្គង់បានគ្រប់គ្រាន់។

ដោយឡែកចំពោះ​អ្នក​ធ្វើការ ចូរ​ប្រយ័ត្ន​ពាក្យសម្តី​ជាមួយមនុស្សជុំវិញខ្លួន បើមិនចាំបាច់ កុំនិយាយច្រើន ពុំនោះទេ​អាចកើតជាទំនាស់ក្ដៅក្រហាយ។

រីឯគូស្នេហ៍វិញក៏អាចឈ្លោះទាស់ទែងជាមួយគ្នាដែរ ដោយសារដៃគូម្ខាងទៀតខ្វះភាពអត់ធ្មត់ ​ឬប្រចណ្ឌជ្រុលហួសហេតុពេក៕

អត្ថបទ៖ សន្យា

ចុចអាន៖ សុបិនឃើញ “មិត្តសម្លាញ់មានផ្ទៃពោះ”​ នឹងមានគេយកអំណោយមកឱ្យ