វប្បធម៌ ជំនឿ

ទាយទម្លាប់និងចរិតពិត តាមរយៈការកាន់ទូរស័ព្ទដៃ

បានផុស

២ years មុន

នៅ

ថ្ងៃព្រហស្បតិ៍ ១៧ វិច្ឆិកា ២០២២

ដោយ

របៀបនៃការកាន់ទូរស័ព្ទដៃ តាមការពិតអាចប្រាប់ពីបុគ្គលិកលក្ខណៈពីធម្មជាតិពិតរបស់អ្នកថាតើជាមនុស្សប្រភេទណា និងមានទំនោរគិតបែបណាក្នុងជិវិតពិត។

១ កាន់ទូរស័ព្ទដោយដៃម្ខាង ហើយប្រើមេដៃវាយអក្សរ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រសិនបើអ្នកកាន់ទូរស័ព្ទតាមរបៀបនេះ អ្នកមានសុទិដ្ឋិនិយម គ្មានកង្វល់ និងមានទំនុកចិត្តលើខ្លួនឯង អ្នកអាចទទួលយកអ្វីដែលបោះចូលក្នុងជីវិតព្រោះ តែជឿជាក់លើសមត្ថភាពខ្លួនឯង។ អ្នកនឹងឆ្ពោះទៅមុខ និងចាប់យករាល់ឱកាសថ្មី ហើយប្រសិនបើមានហានិភ័យ អ្នកអាចជំរុញខ្លួនឯងឲ្យសម្រេចបាននូវគោលដៅ និងមហិច្ឆតារបស់អ្នក ជាមួយនឹងអាកប្បកិរិយានេះធ្វើឲ្យការងារទទួលបានជោគជ័យ។ ប៉ុន្តែក្នុងទំនាក់ទំនងមួយ អ្នកមានទំនោរយករឿងយឺតៗ នោះអាចបណ្តាលឲ្យដៃគូរបស់អ្នកមានអារម្មណ៍ថា អ្នកមិនសកម្មក្នុងទំនាក់ទំនង។

២ កាន់ទូរស័ព្ទដោយដៃទាំងពីរ ប្រើមេដៃវាយអក្សរ

ប្រសិនបើអ្នកកាន់ទូរសព្ទរបៀបនេះ បញ្ចាក់ថាអ្នកជាមនុស្សឆ្លាត ហើយចូលចិត្តប្រើវិចារណញាណដោយប្រុងប្រយ័ត្ន។ អ្នកជាមនុស្សដែលយកចិត្តទុកដាក់ និងមានចិត្តមេត្តា មានសមត្ថភាពក្នុងការអានគំនិតអ្នកដទៃ។ លើសពីនេះទៀត ដោយសារតែភាពវៃឆ្លាតរបស់អ្នកអាចជួយសង្រ្គោះខ្លួនឯងពីការបោកប្រាស់ គុណសម្បត្តិទាំងនេះ ធ្វើឲ្យទំនាក់ទំនងរបស់អ្នកកាន់តែរលូននិងងាយស្រួល។

៣ កាន់ទូរស័ព្ទដោយដៃទាំងពីរ វាយដោយមេដៃទាំងពីរវាយអក្សរ

ការកាន់ទូរស័ព្ទបែបនេះ បង្ហាញថាអ្នកឆ្លាត និងមានគំនិតច្នៃប្រឌិតប្រកបដោយប្រសិទ្ធភាព និងគ្មានកង្វល់ អ្នកអាចទទួលយកការផ្លាស់ប្តូរ ដឹងពីរបៀបដោះស្រាយការទាមទារនៃស្ថានភាពផ្សេងៗ។ ប៉ុន្តែងាកមកជីវិតស្នេហា អ្នកត្រូវប្រឹងប្រែងបន្តិច ព្រោះមិនសូវចញស្វីតនឹងគ្នាឡើយ។

៤ កាន់ទូរស័ព្ទដោយដៃម្ខាង ហើយប្រើម្រាមដៃចង្អុលនៃដៃម្ខាងទៀតវាយអក្សរ

ប្រសិនបើអ្នកកាន់ទូរស័ព្ទដៃតាមរបៀបនេះ អ្នកមានគំនិតច្នៃប្រឌិត និងដោយឯកឯង ហើយក៏ជាមនុស្សដែលមានការស្រមើស្រមៃដែ និងគំនិតមិនដូចអ្វីផ្សេងទៀត។ អ្នកអាចជាអ្នកនិពន្ធ ឬជាវិចិត្រករម្នាក់ ដែលមានទេពកោសល្យពីកំណើត។ ក្នុងរឿងស្នេហា អ្នកមានភាពអៀនខ្មាស់ ហើយចង់ឲ្យអ្នកដទៃចាប់ផ្តើមធ្វើនេះធ្វើនោះ ហើយក៏មិនមានន័យថាអ្នកខ្វះចំណាប់អារម្មណ៍ក្នុងការកសាងទំនាក់ទំនងថ្មីនោះទេ។ ប៉ុន្តែនៅពេលដែលដៃគូរបស់អ្នក ដឹងពីអត្តសញ្ញាណរបស់អ្នក គាត់ស្រឡាញ់អ្នកដោយគ្មានលក្ខខណ្ឌឡើយ៕

គ្រូ ណុប

ចុចអាន៖ប្រវែងម្រាមដៃ អាចទាយដឹងពីចរិតខាងក្នុងថា ជាមនុស្សប្រភេទណា

ចុចអាន៖ទម្លាយអត្តចរិត ថ្ងៃកំណើតទាំង ៧ ពេលមានស្នេហា

Related Topics:ការទស្សន៍ទាយ