រូបភាពឃើញដំបូងនឹងប្រាប់អ្នកថា គួរសេពគប់មិត្តប្រភេទណា ចូលមកក្នុងជីវិត

ការទស្សន៍ទាយរូបភាព ឬមើលរូបភាពគឺជាចិត្តសាស្រ្តដែលអាចមើលដឹងពីចរិតពីខាងក្នុងរបស់អ្នកថា ជាមនុស្សបែបណាក្នុងសង្គមបច្ចុប្បន្ន។ រូបភាពនេះដែរ មានឈ្មោះថា Rubin’s Vase គូរដោយអ្នកចិត្តសាស្រ្ត ដើម្បីបញ្ជាក់ថាមនុស្សម្នាក់ៗមានទស្សនៈខុសៗគ្នា។ ការធ្វើតេស្តនេះនឹងប្រាប់អ្នកថា តើអ្នកគួរនៅជាមួយមនុស្សប្រភេទណា។

ប្រសិនបើអ្នកបានឃើញមុខមនុស្សពីរនាក់មុនគេ

នេះមានន័យថា អ្នកមានទំនោរទទួលឥទ្ធិពលពីមជ្ឈដ្ឋានជុំវិញ និងឥទ្ធិពលខាងក្រៅខ្លាំងក្លាណាស់។ អ្នកនឹងផ្លាស់ប្តូរអារម្មណ៍របស់ខ្លួនឯងល្អឬអាក្រក់ អាស្រ័យលើស្ថានភាពជុំវិញ។ ដូច្នេះហើយ អ្នកគួរតែនៅជាមួយមនុស្សវិជ្ជមាន និងមានការគិតល្អៗ ដើម្បីទាញថាមពលទាំងនេះមកប្រើប្រាស់ វាប្រសើរជាងសេពគប់ឬរាប់អានប៉ះមនុស្សអវិជ្ជមានមួយថ្ងៃនាំតែរឿងឈឺក្បាលនិងនាំនិយាយដើមអ្នកដទៃមិនល្អបែបនេះឬបែបនោះ។ ព្រោះបើមិនដូច្នេះទេ អ្នកនឹងគិតអវិជ្ជមានតាមពួកគេ ហើយបន្ថែមពីនេះ ក៏អាចឈានទៅមានអារម្មណ៍ធុញទ្រាន់ជាមួយគ្នាថែមទៀត។

ប្រសិនបើអ្នកឃើញទៀនដំបូង

អ្នក​មិន​សូវ​យក​ចិត្ត​ទុក​ដាក់​ទៅ​លើ​អ្វី​ដែល​នៅ​ជុំវិញ​ខ្លួននោះ​ទេ។ អ្នកទាញការបំផុសគំនិត និងថាមពលពីខ្លួនឯងដោយមិនពឹងផ្អែកលើអ្នកដទៃណាម្នាក់ឡើយ។ និយាយឲ្យស្រួលស្ដាប់ ​អ្នក​ជា​មនុស្ស​​មិនខ្វល់ពីអ្វីដែលអ្នកដទៃនិយាយនោះទេហើយអ្នកមានឱកាសជោគជ័យដ៏អស្ចារ្យ ខណៈគ្រាន់តែដើរចេញពីការរិះគន់ពីមនុស្សឥតបានការឬក្រុមចាំតែនិយាយមិនល្អពីយើងប៉ុណ្ណោះ៕

គ្រូ ណុប

ចុចអាន៖ទាយទម្លាប់និងចរិតពិត តាមរយៈការកាន់ទូរស័ព្ទដៃ