ការទស្សន៍ទាយខុស ៥ លើក ពីទីបញ្ចប់នៃពិភពលោក

មនុស្សជាច្រើនជឿលើទីបញ្ចប់នៃពិភពលោក គ្រាន់តែមិនដឹងថាពេលណាប៉ុណ្ណោះ។ បន្ទាប់ពីភ្លើងឆេះកាលមក មនុស្សលោកធ្លាប់ធ្វើការទស្សន៍ទាយនិងអះអាងយ៉ាងជឿជាក់អំពីទីបញ្ចប់នៃពិភលោកខុសដល់ទៅ ៥ដងដូចជា៖

១. សម្តេចប៉ាប Innocent III ឆ្នាំ ១២៨៤ 

គាត់ជាអ្នកមានអំណាចនិងឥទ្ធិពល មុនការស្លាប់ក្នុងឆ្នាំ១២១៦ សម្ដេចប៉ាបបានធ្វើការទស្សន៍ទាយអំពីការយាងមកជាលើកទីពីររបស់ព្រះគ្រីស្ទ ដោយភ្ជាប់នឹងការងើបឡើងនៃសាសនាអ៊ីស្លាម។ សម្ដេចព្យាករណ៍ថាពិភពលោកនឹងបញ្ចប់នៅឆ្នាំ៦៦៦ បន្ទាប់ពីកំណើតនៃសាសនាឥស្លាម (ឆ្នាំ៦១៨) គឺឆ្នាំ១២៨៤។

២. Johannes Stöffler ឆ្នាំ ១៥២៤ 

ក្នុងឆ្នាំ ១៤៩៩  តារាវិទូ និងគណិតវិទូជនជាតិអាឡឺម៉ង់ Johannes Stöffler បានទស្សន៍ទាយថា នៅថ្ងៃទី២០ ខែកុម្ភៈ ឆ្នាំ១៥២៤ ពិភពលោកនឹងលិចនៅក្រោមទឹក បន្ទាប់ពីទឹកជំនន់ដ៏ធំ។ 

៣. Millerites ឆ្នាំ ១៨៤៣-១៨៤៤

ការទស្សន៍ទាយរបស់ William Miller បាននិយាយថា ការយាងមកជាលើកទីពីរនៃព្រះគ្រីស្ទនឹងកើតឡើងនៅឆ្នាំ១៨៤៣ ឬ ថ្ងៃទី២២ ខែតុលា ឆ្នាំ១៨៤៤ ក្នុងទម្រង់ជាភ្លើងឆេះកាល។ គេបញ្ជាក់ទៀតថា មានមនុស្សមាននិស្ស័យមួយចំនួនតូចនឹងត្រូវបានបញ្ជូនទៅឋានសួគ៌ជាមួយព្រះជាម្ចាស់។

៤. ផ្កាយដុះកន្ទុយ Halley ឆ្នាំ ១៩១០

ផ្កាយដុះកន្ទុយ Halley រកឃើញដោយតារាវិទូអង់គ្លេស Edmond Halley ក្នុងពាក់កណ្ដាលសតវត្សទី១៨។ យើងអាចមើលឃើញវាក្នុងរយៈពេលខ្លីរៀងរាល់ ៧៥-៧៩ឆ្នាំម្ដង បើនិយាយពី២០០ឆ្នាំកន្លងមកផ្កាយនេះធ្លាប់បង្ហាញខ្លួននៅឆ្នាំ ១៨៣៥ ១៩១០ និង១៩៨៦ ប៉ុន្តែកាលពីឆ្នាំ១៩១០ ជាពេលវេលាភ្ញាក់ផ្អើលបន្តិចព្រោះមនុស្សជឿថាវាកំពុងមកបំផ្លិចបំផ្លាញផែនដី។

៥. ប្រតិទិនម៉ាយ៉ាន ឆ្នាំ២០១២

ប្រតិទិន Mesoamerican Long Count ដែលប្រើដោយជនជាតិ Mayans នឹងត្រូវផុតកំណត់នៅថ្ងៃទី២១ ខែធ្នូ ឆ្នាំ២០១២ បន្ទាប់ពីវដ្តរយៈពេល ៥,១២៦ឆ្នាំ។ ចុងបញ្ចប់នៃ “វដ្តដ៏អស្ចារ្យ” ត្រូវមនុស្សជាច្រើនទស្សន៍ទាយថាជាថ្ងៃវិនាស។ ប្រធានបទនេះបានក្លាយជាប្រធានបទដ៏ពេញនិយមនាឆ្នាំនោះ ទោះជាយ៉ាងណាក៏ដោយ អ្នកជំនាញបានច្រានចោលទ្រឹស្ដីនេះថាជា “វិទ្យាសាស្ត្រក្លែងក្លាយ (pseudoscience)”៕ 

ប្រែសម្រួលដោយ៖ វារី

ចុចអាន៖ ទំនាយរបស់លោកយាយ Baba Vanga សម្រាប់ឆ្នាំ២០២៣ ពិតជារន្ធត់ខ្លាំង

ចុចអាន៖ រឿងដល់ទៅ២ទៀត កើតឡើងស្តែងៗដូចទំនាយលោកយាយ Baba Vanga ក្នុងឆ្នាំ២០២២នេះ