ព័ត៌មានជាតិ
វត្តខ្មែរដំបូងគេ សង់ជាប់មាត់សមុទ្រ ជនជាតិថៃមានជំនឿ មកទាំងឡានៗមកធ្វើបុណ្យ
វត្តសមុទ្ធារាម ឬវត្តប៉ាក់ខ្លង ដែលអ្នកស្រុកច្រើនហៅវត្តលោកតាមឹក មានចម្ងាយប្រមាណ ១0 គ.ម ពីក្រុងខេមរភូមិន្ទ។ វត្តប៉ាក់ខ្លងគឺជាវត្តដ៏ចំណាស់មួយ ជាទីកន្លែងគោរពបូជាដ៏សក្ដិសិទ្ធិ និងជាតំបន់ទេសចរណ៍ដ៏ពេញនិយមទាំងភ្ញៀវជាតិ និងអន្តរជាតិ។
វត្តចំណាស់នេះ មានភាពល្បីល្បាញក្រៅពីទីកន្លែងកម្សាន្តដោយសារមានទីតាំងប្របតាមមាត់សមុទ្រតាមបណ្តោយឆ្នេរប៉ាក់ខ្លង ទីអារាមនេះត្រូវបានជនជាតិថៃមានជំនឿ តែងតែឆ្លងដែនមកទាំងឡានមកដាំស្លធ្វើបុណ្យនៅថ្ងៃឈប់សម្រាក ឬពេលមានកម្មវិធីធំៗ។
តាមគេហទំព័រទេសចរណ៍មួយបានរៀបរាប់ប្រវត្តិវត្តសមុទ្ធារាមថា ក្នុងទសវត្សទី ៨០ -៩០ ទីតាំងវត្តនេះជាច្រកសេដ្ឋកិច្ចមួយយ៉ាងសំខាន់របស់ខេត្តកោះកុង ព្រោះថានាសម័យនោះ មានការដោះដូរធ្វើពាណិជ្ជកម្មជាមួយប្រទេសថៃ និងសិង្ហបូរី តាមផ្លូវទឹក។ ទំនិញគ្រប់ប្រភេទដូចជា សម្ភារៈប្រើប្រាស់ទំនិញហូបចុកផ្សេងៗតែងតែនាំតាមច្រកនេះដើម្បីចែកចាយទូទាំងប្រទេសកម្ពុជា។
ប្រជាជនដែលរស់នៅក្នុងតំបន់នេះមានជីវភាពធូរធា និងមានទ្រព្យសម្បត្តិស្តុកស្ដម្ភ ភាគច្រើនជាអ្នកមានមុនគេក្នុងសម័យនោះ។ លោកតាមឹក គឺជាព្រះចៅអធិការដែលមានបារមីខ្លាំងពូកែ ពេល មានឈ្មួញទុច្ចរិតដែលរកស៊ីខុសច្បាប់ដូចជា វត្ថុបូរាណដើម្បីឆ្លងយកទៅលក់នៅប្រទេសថៃនោះ ត្រូវបារមីលោកតាមឹកនេះរារាំង ឃាត់ផ្អាកដំណើរ មិនអាចចេញទៅរួច រហូតត្រូវបានសមត្ថកិច្ចចាប់បញ្ជូនទៅ ខេត្តជាបន្តបន្ទាប់។
លោកតាមឹក បានចាប់កំណើតក្នុងត្រកូលកសិករមួយស្ថិតក្នុងភូមិដូង (បច្ចុប្បន្នហៅភូមិចំការដូង) ជិតភ្នំកោះយ៉ ឃុំប៉ាក់ខ្លង ស្រុកមណ្ឌលសីមា ខេត្តកោះកុង ដែលមានបងប្អូនប្រុស ចំនួន ០៣ នាក់ ( ទី០១ ឈ្មោះ ពៀវ ទី០២ ឈ្មោះមឹក និងចុងក្រោយឈ្មោះ ពឺ) ។
លុះដល់ពេលធំពេញវ័យ លោកតាមឹកបានបួសរៀន បម្រើក្នុងវិស័យពុទ្ធសាសនា ប៉ុន្តែពុំមានអ្នកណា បានដឹងថាលោកតាបានបួសនៅវត្តណាទេ ក្រោយមកលោកតាបាននិមន្ត មកវត្តសមុទ្ធារាម (វត្តប៉ាក់ខ្លង) ធ្វើជាព្រះចៅអធិការវត្ត តាំងពីឆ្នាំ ១៩២៩ រហូតដល់ឆ្នាំ ១៩៧៥ លោកបានសុគត់ ហើយបន្ទាប់មកប្រទេសជាតិក៏មានសង្គា្រម ។
កាលពីសម័យ លោកតានៅមានព្រះជន្ម គង់ធ្វើជាព្រះចៅអធិការ លោកតាដឹកនាំពុទ្ធបរិស័ទ កសាងវត្តអារាមនេះ មានដូចជា ព្រះវិហារមួយខ្នងធ្វើអំពីឈើប្រកក្បឿង កុដិមួយខ្នងធ្វើអំពីឈើ និងសាលាបុណ្យមួយខ្នងធ្វើអំពីឈើដែរ ។ លោកតាមឹកនាសម័យនោះ ត្រូវបានប្រជាជនមានជំនឿយ៉ាងមុតមាំ ព្រោះលោកមានបារមីខ្លាំងពូកែ ផ្នែកមន្តអាគមគាថា និងអាចព្យាបាលជម្ងឺផ្សេងៗថែមទៀតផង។ ហេតុដូច្នេះហើយទើបលោកតាត្រូវបានប្រជាជនគោរពបូជាតៗគ្នារហូតដល់សព្វថ្ងៃនេះ។
ដោយសារតែភាពល្បីល្បាញ និងបារមីដ៏ពូកែសក្ដិសិទ្ធរបស់លោកតា អំពីពុទ្ធបរិស័ទទាំងក្នុង និងក្រៅប្រទេសទើបព្រះសង្ឃនិងគណៈកម្មាការវត្តសមុទ្ធារាម ព្រមទាំងពុទ្ធបរិស័ទចំណុះជើងវត្ត បានមូលមតិគ្នាជាឯកច្ឆ័ន្ទ ផ្ទួចផ្ដើមកសាងរូបសំណាក់លោកតាមឹកអង្គធំ(ស្ថិតក្នុងវត្ត សមុទ្ធារាមឬ វត្តប៉ាក់ខ្លង ស្រុកមណ្ឌលសីមា) សម្រាប់អោយប្រជាជនគោរពបូជាប្រតិបត្តិ ដល់អ្នកជំនាន់ក្រោយបានដឹង បានស្គាល់លោកតា និងជាកេរ្តិ៍ដំណែលប្រចាំពុទ្ធសាសនាខេត្តកោះកុងតរហូតទៅ។
គួរបញ្ជាក់ថា រូបសំណាក់លោកតាមឹកអង្គធំនេះ បានដឹកនាំកសាងដោយព្រះតេជគុណ ធី អាំភុន (បិយធម្មោ) ទីប្រឹក្សាផ្ទាល់សម្តេច មហាសុមេធាធិបតី នន្ទ ង៉ែត សម្តេចព្រះសង្ឃ ដោយចាប់ផ្តើមកសាងនៅថ្ងៃទី ២៣ ខែមេសា ឆ្នាំ ២០១៤ ហើយរួចរាល់ជាស្ថាពរនៅថ្ងៃទី ១១ ខែ មីនា ឆ្នាំ២០១៦៕
កម្ពុជាដាក់ឱ្យដំណើរការកម្មវិធី «ជំនាញបង្កើនផលិតភាពសហគ្រាស» ដើម្បីការប្រកួតប្រជែងរបស់ SMEs
Mbappe ទម្លាយឈ្មោះកីឡាករទី១ ធ្វើឱ្យគេស្រឡាញ់ Real Madrid តែមិនមែន CR7
ថ្ងៃចូលឆ្នាំ៖ មន្ត្រីជំនាញរម្លឹកពលរដ្ឋឱ្យប្រុងប្រយ័ត្នគ្រោះអគ្គិភ័យ
តម្រូវការគ្រឿងសំណង់នៅថៃ រំពឹងកើនឡើងក្រោយគ្រោះរញ្ជួយដី
ចំណុចធំ ៤ ធ្វើឱ្យ”សង្ក្រាន្តសាលាមធ្យមវិចិត្រសិល្បៈ” ក្លាយជាការបំផុសតម្លៃនៃវប្បធម៌ជាតិដ៏ប្រសើរបំផុត
ក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
លោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
ទារលុយមិនបានហើយ ត្រូវកូនបំណុលប្តឹងពីបទគំរាមកំហែងហែកកេរ្តិ៍ទៀត! តើអ្វីទៅ ជាអំពើគំរាមកំហែងហែកកេរ្តិ៍?
អង់គ្លេស ព្រមានពលរដ្ឋ ត្រូវត្រៀមរបស់របរសំខាន់ៗ សម្រាប់ការប្រើក្នុងគ្រាអាសន្នឲ្យបាន៧២ម៉ោង
ខេត្តថៃចំនួន២ នៅភាគខាងជើង កើតរញ្ជួយដីកម្រិតស្រាលជាង ២០លើក ត្រឹមមួយព្រឹក
-
សន្តិសុខសង្គម២ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម១ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម៣ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ៧ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានជាតិ២៤ ម៉ោង agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
ព័ត៌មានអន្ដរជាតិ៣ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ៧ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៥ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា