ផ្កា ៩ ប្រភេទ ជានិមិត្តរូបលាភសំណាង ប្រើសម្រាប់តាំងលម្អក្នុងថ្ងៃចូលឆ្នាំ ចិន

ក្រៅ​ពី​សំអាត​គេហដ្ឋាន​ហៅ​លាភសំណាងពេញមួយឆ្នាំ សូម្បី​ផ្កាក៏​ជា​ផ្នែក​សំខាន់​ខ្វះមិនបាន​ក្នុងថ្ងៃ​ពិធី​បុណ្យ​ចូល​ឆ្នាំ​ចិននាពេលខាងមុខនេះ។ ដោយឡែកផ្កាខាងក្រោមនេះ គេជឿជាក់យ៉ាងមុតមាំថាជួយនាំសំណាង បំផុតប្រសិនបើផ្តល់ជាអំណោយ និងប្រើជាគ្រឿងតុបតែងក្នុងពិធីបុណ្យចូលឆ្នាំចិន។

១ ដើមក្រូច – ទ្រព្យសម្បត្តិ និង​សំណាងល្អ

ដើមក្រូចគឺជារុក្ខជាតិដ៏ពេញនិយមមួយ​ប្រភេទដែលដាក់​តាំង​បង្ហាញក្នុងអំឡុង​ពិធីបុណ្យចូលឆ្នាំចិន ជាពិសេសនៅក្នុងតំបន់ដែលនិយាយភាសាចិន​កាតាំងភាគ​ខាងត្បូង​នៃ​ទីក្រុង​ហុងកុង ម៉ាកាវ ក្វាង​ទុង និង​ក្វាងស៊ី។ ការមានដើមក្រូចមួយផើង នៅផ្ទះតំណាងឲ្យ​ការ​ចង់​បាន​ទ្រព្យសម្បត្តិ​និង​សំណាងល្អ។ ម៉្យាង​វិញ​ទៀត​ នៅក្នុងភាសាកាតាំង និងចិនកុកងឺ ឈ្មោះ​ដើម​ឈើ​នេះ​ស្ដាប់​ទៅ​ដូចជា​ពាក្យ​ថា ‘សំណាង​ល្អ’។

២ ផ្កាអង្គារសិលបុរាណលុងថានហ្វេន– ការ​រីកចម្រើន​និង​វិបុលភាព

នៅពេលដែលពិធីបុណ្យចូលឆ្នាំចិនជិតមកដល់ ផ្កាអង្គារសិលបុរាណលុងថានហ្វេន​ នឹង​រីក​ស្គុះស្គាយ​ប្រែជា​ស្រស់ស្អាតស្ទើរតែដូចសូត្រ។ ផ្កា​នេះ​ជា​សញ្ញា​នៃ​ការ​រីក​ចម្រើន និង​តំណាង​ឲ្យ​ការ​មក​ដល់​នៃ​ភាព​រុងរឿង។

៣ ដើម​ឫស្សី​នាំ​សំណាង – កម្លាំង

ឫស្សី​នាំ​សំណាង​ជា​និមិត្តសញ្ញា​ចិន​ សម្រាប់ផ្ដល់​​កម្លាំង។ ជាធម្មតា វា​ត្រូវ​បាន​ពត់​ឲ្យកោង និង​បង្វិល​ជា​រាង​ផ្សេងៗ។ វា​ក៏​ត្រូវបានតុបតែងដោយខ្សែបូពណ៌ក្រហមនិង​លម្អ​នាំ​សំណាង​ផងដែរ។

៤ ផ្កាអ័រគីដេ – ការមានកូន​និង​ភាពសម្បូរបែប

ផ្កាអ័រគីដេគឺជាផ្កាដ៏ស្រស់ស្អាត និងឆើតឆាយនៅក្នុងប្រទេសចិន វា​ត្រូវបានគេចាត់ទុកថាជានិមិត្តរូបនៃ “កុមារជាច្រើន” ឬភាពមានកូន និងភាពសម្បូរបែប។ ផ្កាអ័រគីដេ​ក៏​តំណាង​ឲ្យ​ភាពចម្រាញ់ ភាពប្រណីត និងភាពគ្មាន​ទោសពៃរ៍។ ផ្កាទាំងនេះបង្កើតជា​​អំណោយ​ដ៏​​មាន​តម្លៃ​ក្នុង​រដូវកាល​នេះ។

៥ ផ្កា Peach – ភាពរុងរឿងនិងការរីកចម្រើន

ផ្កា Peach ជានិមិត្តរូបនៃមនោសញ្ចេតនា ភាពរុងរឿង និងការរីកចម្រើន។ ទាំងនេះ​កំពុង​ពេញ​និយម​ចំពោះ​យុវវ័យ​ដែល​នៅ​លីវ​ស្វែងរក​ស្នេហា។ រុក្ខជាតិ​នេះត្រូវបាន​ចាត់ទុក​ថា​ពិសិដ្ឋ​នៅ​ក្នុង​ប្រទេស​ចិន ហើយផ្លែ peach តំណាង​ឲ្យ​អាយុវែង ខណៈ​ផ្កា​របស់​វា​មាន​សារៈសំខាន់​ចំពោះ​ជនជាតិ​ចិន ជា​ពិសេស​នៅ​ពេល​ក្នុង​ពិធី​បុណ្យ​ចូលឆ្នាំ។

៦ ផ្កា plum – ការស៊ូទ្រាំនិងភាពក្លាហាន

ផ្កាពណ៌ផ្កាឈូកភ្លឺទាំងនេះតំណាងឲ្យ​ការតស៊ូ និងភាពជឿជាក់ លក្ខណៈពីរយ៉ាងសំខាន់​ដើម្បីទទួលបានជោគជ័យក្នុងជីវិត។ ផ្កា plum និមិត្តសញ្ញាដ៏សំខាន់បំផុត​មួយសម្រាប់ជនជាតិចិន វាតំណាង​ឲ្យ​ការស៊ូទ្រាំ និងភាព​ក្លាហាន។

៧ ផ្កា Peonies – ភាព​សម្បូរ​បែប និង​សន្តិភាព

នេះ​ជា​ផ្កា​ដ៏​ស្រស់​ស្អាត​ដែល​ជាប់​ពាក់​ព័ន្ធ​នឹង​ភាព​ស្រស់​ស្អាត​របស់​មនុស្ស​ស្រី ភាព​គ្មាន​កំហុស ការ​ស្រលាញ់ និង​ភាព​ទាក់​ទាញ។ វាត្រូវបានគេស្គាល់ថាជា “ផ្កានៃទ្រព្យសម្បត្តិនិងកិត្តិយស” ។ peonies ក្រហមគឺល្អជាពិសេស។

៨ ផ្កា Narcissus ឬ Water Fairy Flowers – សំណាងល្អ និងភាពរុងរឿង

ផ្កានេះគឺជានិមិត្តរូបនៃសំណាងល្អ និងភាពរុងរឿង និងមានរូបរាងស្រស់ស្អាតឥតទាស់។ ផ្កានេះតំណាងឲ្យសំណាងល្អបំផុតមួយក្នុងថ្ងៃចូលឆ្នាំចិន ពួកវាអាចដុះក្នុងចានទឹក និងគ្រួស និងមានក្លិនក្រអូបសាយភាយ។

៩ ផ្កា Flamingo Lily – ភាពរុងរឿង

ផ្ការំយោលពណ៌ក្រហម ឬពណ៌ផ្កាឈូកត្រូវបានស្វាគមន៍​ដោយប្រជាជន​សម្រាប់បុណ្យចូលឆ្នាំចិន។ វា​ត្រូវ​បាន​គេ​ចាត់​ទុក​ថា​ជា​ផ្កា​ដ៏​មាន​សំណាង និង​ជា​និមិត្តរូប​នៃ​ភាព​រុងរឿង។ ជាមួយនឹងផ្កាដែលមានរាងដូចបេះដូងតូចៗ ផ្កាទាំងនេះក៏ល្អឥតខ្ចោះសម្រាប់ថ្ងៃបុណ្យនៃក្តីស្រឡាញ់ផងដែរ។

គ្រូ ណុប

ចុចអាន៖ត្រណមធំ ៥ យ៉ាង អ្នកជាប់សែស្រឡាយ ចិន មិនអាចប្រព្រឹត្តិ នៅថ្ងៃសែនចូលឆ្នាំថ្មីបានឡើយ