សុបិនងូតទឹក ជីវិតពិតនឹងធូរស្រាលពីបញ្ហាស្មុគស្មាញ

ការ​ងូត​ទឹក​គឺ​ជា​ការ​លាង​ជម្រះសេចក្ដីស្មោគគ្រោក និង​អំពើ​អាក្រក់របស់ខ្លួន។ នេះមានន័យថា បើសុបិនងូតទឹក អ្នកកំពុងព្យាយាមយកសេចក្តីកខ្វក់នានាចេញពីជីវិត និងជានិមិត្តរូបនៃជីវិតថ្មីមួយរបស់អ្នក។

វាក៏អាចមាន័យថា អ្នកចង់កែខៃអ្វីៗនៅក្នុងជីវិត និងអ្វីដែលអ្នកបានធ្វើខុស មិនថាចំពោះខ្លួនឯង ឬមនុស្សជុំវិញខ្លួន។

បើតាម​គម្ពីរ​បុរាណ សុបិននេះអាចបកស្រាយដែរថា អ្នក​នឹងជោគជ័យ​ក្នុង​ការ​ប្រកប​របរ​រកស៊ី​ជួញដូរ អាជីព ឬ​កិច្ចការ​ទូទៅ​នឹង​បាន​ធូរស្រាល​ពី​ទុក្ខ។

ក្នុងន័យការងារ នឹងមានឱកាសខ្ពស់ក្នុងការទទួលបានការងារថ្មី ឬការវិនិយោគថ្មី ដែលនឹងហុចផលល្អ។

ចំណែកហិរញ្ញវត្ថុ ងូតទឹកក្នុងសុបិន នឹង​ទទួលបាន​លាភ​ធំ​ពីគ្រប់ច្រកល្ហក។

ដោយឡែក ចំពោះសុខភាព សុបិននេះ មានន័យថា ប្រសិនបើកំពុងឈឺថ្កាត់ រោគសញ្ញានឹងចាប់ផ្តើមប្រសើរឡើងច្រើន។

យ៉ាងណាមិញ បើឃើញអាងងូតទឹកដ៏ធំមួយ មានន័យថា យើង​កំពុងព្យាយាមគេចចេញពីបញ្ហា​ស្មុគស្មាញអ្វីមួយ៕

អត្ថបទ៖ សន្យា

ចុចអាន៖ សុបិនឃើញផ្កា គ្មានអ្វីត្រូវព្រួយបារម្ភទេ!

ចុចអាន៖ យល់សប្តិឃើញឈាម និងបាក់ធ្មេញ អត្ថន័យមិនអាក្រក់ដូចគិតទេ