វប្បធម៌ ជំនឿ

យល់សប្ដិឃើញគេ ដោយសារគេកំពុងនឹក? ហេតុផល ៤ យ៉ាងធ្វើឲ្យអ្នកសុបិនឃើញម្នាក់នោះ

បានផុស

៤ years មុន

នៅ

ថ្ងៃព្រហស្បតិ៍ ១៤ មករា ២០២១

ដោយ

Sonya

ធ្លាប់ទេ យល់សុបិនឃើញនរណាម្នាក់ដែលមិនបានគិតឬនឹកដល់ម្ដងណាឡើយ តែបែរជាឃើញរូបគេក្នុងយល់សប្ដិទៅវិញ? ការយល់សប្ដិបែបនេះរមែងធ្វើឱ្យយើងមានអារម្មណ៍មិនអស់ចិត្ត និងចេះតែគិតចុះឡើងមិនដឹងថា មានអ្វីកើតឡើងលើរឿងនោះ ទើបបានជាត្រូវឃើញគេ។

អានអត្ថបទនេះសិន ប្រហែលវាជាហេតុផលខ្លះដែលធ្វើឱ្យយើងយល់សប្ដិឃើញនរណាម្នាក់!

គេកំពុងគិតពីយើង?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សច្រើនគ្នានិយាយថា នៅពេលសុបិនឃើញនរណាម្នាក់ បញ្ជាក់ថា គេកំពុងតែនឹករលឹកដល់យើង តែនេះគ្រាន់តែជាពាក្យចចាមអារ៉ាមដែលនិយាយតៗគ្នាប៉ុណ្ណោះ។ គ្មាននរណាអាចបញ្ជាក់បាននៅឡើយថា វាជាការពិតឬអត់ទេ។ ពេលខ្លះអាចជាការចៃដន្យ ឬប្រហែលគេកំពុងគិតដល់យើងពិតមែន។ ទោះយ៉ាងណា នៅតែគ្មានការបញ្ជាក់ថាពិតឬមិនពិតឡើយ។

សុបិនឃើញគេញឹកញាប់?

ជួនកាលយើងតែងតែឃើញម្នាក់នោះជានិច្ចកាល រាល់ពេលគេងលក់។ ជាធម្មតា ក្ដីសុបិនជាការឆ្លុះបញ្ចាំងពីជីវិត គំនិតគិតច្រើន ហេតុការណ៍ ឬទីកន្លែងដែលបានកើតឡើងនាពេលថ្មីៗនេះក្នុងពេលពេញមួយថ្ងៃ។

ដូច្នេះសុបិនអំពីនរណាម្នាក់ មិនថាជាមនុស្សដែលយើងមិនជិតស្និទ្ធឬមិនចូលចិត្តទេ មានន័យថា ជាអ្វីដែលដក់ជាប់កាលពីពេលថ្ងៃប៉ុណ្ណោះ។

សុបិនអាចតំណាងឱ្យអារម្មណ៍?

សុបិនសុទ្ធតែអាចបង្ហាញពីអារម្មណ៍ដែលកំពុងគិតចំពោះវត្តមានមនុស្សនៅក្នុងសុបិននោះ។ ជួនកាលបុគ្គលនោះបានធ្វើអ្វីមួយឱ្យយើង ផ្ដល់នូវការចងចាំដែលបូករួមទាំង សុភមង្គល ទុក្ខព្រួយ កំហឹង។ល។ សុបិននេះមិនទាក់ទងអ្វីនឹងពួកគេទេ ប៉ុន្តែជាអារម្មណ៍ដែលយើងកំពុងមាន នៅពេលគេងលក់ ទើបបានជាឃើញគេ។

មនុស្សក្នុងសុបិនគឺជាការចងចាំឬ?

ពេលខ្លះមនុស្សដែលឃើញក្នុងសុបិន ជាបុគ្គលពិសេសដែលយើងចង់ក្លាយជាអ្វីនឹងគេ ឬជាមនុស្សដែលយើងចង់បាននៅក្នុងជីវិត។ យើងខ្លួនឯង ចង់ជួបគេក្នុងសុបិន ទើបចំណង់នេះនាំឲ្យឃើញគេបង្ហាញវត្តមានក្នុងយល់សប្តិតែម្ដង៕

ប្រែសម្រួល៖ សន ផានិត

ចុចអាន៖ សុបិនឃើញរៀបការ មានន័យដូចម្តេចដែរ?

ចុចអាន៖ សុបិនអំពីទឹកដោះគោ ឬទឹកសណ្ដែក ប្រផ្នូលសមិទ្ធផលដ៏អស្ចារ្