វប្បធម៌ ជំនឿ

ជោគជតារាសីប្រចាំឆ្នំាថោះ សម្រាប់មនុស្សកើតក្នុងឆ្នាំជូត

បានផុស

២ years មុន

នៅ

ថ្ងៃអង្គារ ១១ មេសា ២០២៣

ដោយ

តាមក្បួនហោរាសាស្ត្រក្នុងឆ្នាំនីមួយៗ តែងមានរាសីខុសគ្នាទាំងប្រុសនិងស្រី ត្បិតថាមានឆ្នាំដូចគ្នាក្ដី តែមិនប្រាកដថាបុគ្គលម្នាក់ៗរាសីដូចគ្នានោះទេ។

បើយោងតាមសៀវភៅមហាសង្ក្រាន្តដោយលោកបណ្ឌិត អ៉ឹម បុរិន្ទ នាយកនៃគណៈកម្មការស្រាវជ្រាវវិជ្ជាហោរាសាស្ត្រ និងប្រពៃណីទំនៀមទម្លាប់ខ្មែរបានបង្ហាញនូវជោគជតារាសីឆ្នាំជូតប្រចាំឆ្នាំថោះ២០២៣ដូចខាងក្រោមនេះ។

បើជាមនុស្សប្រុសកើតឆ្នាំជូតទំនាយថាៈ ក្នុងឆ្នាំនេះជាឆ្នាំដែលអ្នកមិនសូវជារីករាយសោះឡើយ ទោះយ៉ាងនេះក៏ដោយអ្នកគង់បានសម្រេចក្នុងការដែលអ្នកបានតាំងចិត្តទុកប្ដូរផ្ដាច់មិត្តភ័ក្ដិរបស់អ្នក ឬមនុស្សធ្វើការជាមួយ។ ប៉ុន្តែពេលនេះអ្នកមិនគួររាប់អានមនុស្សអាប់ជោគថោករាសីដឹកនាំអ្នកឲ្យខកខាតទុនក្នុងរយៈឆ្នាំនេះ អ្នកក៏មិនគួរធ្វើដំណើរផ្លូវឆ្ងាយពេកទេ សូម្បីតែតែបើកហាងលក់ដូរឥវ៉ាន់ថ្មី ឬប្រកបការយ៉ាងណាក៏ដោយ កុំធ្វេសប្រហែស ហើយមិនគួរពឹងរកឲ្យគេជួយទុក្ខធុរៈខ្លួនជាដាច់ខាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើជាមនុស្សស្រីកើតក្នុងឆ្នាំជូតទំនាយថាៈ ក្នុងឆ្នាំនេះអ្នកនឹងបានមុខការងារធ្វើជាពិតប្រាកដ បើសិនជាការរៀបចំមង្គលការផ្ទាល់ខ្លួន មុខជាបានសម្រេចដូចសេចក្តីប្រាថ្នាជួបលាភផលយ៉ាងបន្ទាន់ តែបើទោះទៅជាយ៉ាងនោះក៏ដោយ ក៏គង់តែនៅមានមនុស្សឫស្សាចំពោះលទ្ធផលរបស់អ្នកជានិច្ច នៅក្នុងរឿងនេះអ្នកកុំខ្លាចឲ្យសោះ ព្រោះមានគេរង់ចាំជួយឈឺឆ្អាលអ្នកពេញទំហឹង ពោលនេះ ចូរអ្នកប្រយ័ត្នមនុស្សមានទុក្ខទោសគ្របសង្កត់ ណាមួយមកបញ្ចុះបញ្ចូលបញ្ចោរលើកជើង អ្នកឲ្យចូលរួមការងារជាមួយគេ ទោះការងារនោះមានសភាពយ៉ាងណាក៏ដោយ សុទ្ធតែមិនបរិសុទ្ធទាំងអស់។ ហើយមិនគួរលីសែងរែកពុនលើកដាក់របស់ធ្ងន់ហួសពេកទេ ក្រែងភ្លោះចង្កេះគេចឆ្អឹងខ្នង៕