វប្បធម៌ ជំនឿ

ប្រាក់ក្នុងអាំងប៉ាវ កុំចេះតែឲ្យផ្ដេសផ្ដាស ប្រយ័ត្នជួបរឿងសយពេញមួយឆ្នាំ

បានផុស

៣ years មុន

នៅ

ថ្ងៃចន្ទ ៣១ មករា ២០២២

ដោយ

អាំងប៉ាវគឺជានិមិត្តរូបនៃសំណាងល្អ ភាពរុងរឿង សម្រាប់អ្នកផ្ដល់និងអ្នកទទួល ក្នុងពិធីបុណ្យចូលឆ្នាំចិន។ យ៉ាងណាមិញ ទាំងខ្មែរកាត់ចិន និងជនជាតិចិនជុំវិញពិភពលោក មានតំណមខ្លាំងណាស់ ជាមួយរឿងប្រគល់អាំងប៉ាវទៅដល់នរណាម្នាក់ គេមិនមែនចេះតែឲ្យឲ្យផ្ដេសផ្ដាសនោះទេ។

គ្រូណុប នឹងបង្ហាញពីរបៀបប្រគល់អាំងប៉ាវទៅសាច់ញាតិ ឬកូនចៅក្រោមបង្គាប់ ដើម្បីបានសំណាងល្អទាំងសងខាង ៖

១ ពីឪពុកម្ដាយដល់កូនៗ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាធម្មតា ឪពុកម្ដាយឬជីដូនជីតា គួរផ្ដល់អាំងប៉ាវប្រហែល ២០ ដុល្លារ គឺគ្រប់គ្រាន់សម្រាប់ក្មេងៗ អាចទិញរបស់ក្មេងលេងដោយខ្លួនឯង។ នេះជាលេខហុងស៊ុយ ដែលក្រុមគ្រួសារនិយមផ្ដល់ឲ្យកូនៗតូចៗ ដើម្បីនាំសំណាងល្អដល់សមាជិកក្នុងផ្ទះផងដែរ។

២ មនុស្សពេញវ័យរៀបការរួច

ការផ្ដល់អាំងប៉ាវពណ៌ក្រហម គឺជាពិធីដ៏សំខាន់មួយសម្រាប់មនុស្សពេញវ័យ និងជានិមិត្តរូបនៃការត្រៀមខ្លួនចែករំលែកទ្រព្យសម្បត្តិ និងពរជ័យរបស់អ្នកជាមួយអ្នកដទៃ។ សម្រាប់មនុស្សដែលរៀបការរួច សូមប្រគល់អាំងប៉ាវដល់មនុស្សជាទីស្រលាញ់ប្រហែល ១០ ដុល្លារ គឺសមរម្យបំផុត និងជាហុងស៊ុយនៃលេខសំណាងល្អថែមទៀត។

៣ កូនផ្ដល់ឲ្យឪពុកម្តាយ

ការផ្ដល់អាំងប៉ាវដល់ឪពុកម្ដាយ គឺជាសញ្ញានៃការគោរព និងជាកាយវិការចង្អុលបង្ហាញ ដែលមានយូរមកហើយ នៃជំនឿក្នុងការគោរពសាសនា។ កូនៗផ្ដល់ឲ្យចាស់ទុំ គឺជាការឲ្យពរពីពួកគាត់ មកថែមមួយកម្រិតទៀត ក្នុងអំឡុងពេលបុណ្យប្រពៃណីជាតិដ៏ធំនេះ ផងដែរ ។

ជាទូទៅ ទឹកប្រាក់ចន្លោះពី ៥០ ដុល្លារទៅ ១០០ ដុល្លារ ជានិមិត្តរូបនៃពរជ័យរបស់ឪពុកម្ដាយចំពោះកូនៗ ដែលប្រគល់ឲ្យពួកគាត់។

៤ ពេលទៅលេងក្រុមគ្រួសារនិងមិត្តភក្តិ

ថ្ងៃបន្ទាប់ពីថ្ងៃចូលឆ្នាំថ្មី គឺជាដំណើរទៅកាន់ផ្ទះរបស់គ្រួសារនិងមិត្តភ័ក្ដិ ដើម្បីជូនពរពួកគេឲ្យមានសំណាងល្អជារៀងរហូត។ ក្រៅពីអាំងប៉ាវដែលអ្នក អាចយកមកឲ្យកូនៗក្នុងផ្ទះ អ្នកក៏គួរតែមានអាំងប៉ាវមួយប្រភេទទៀត ដែលមានតម្លៃប្រហែល ២០ ដុល្លារ សម្រាប់ម្ចាស់ផ្ទះ ដែលបានទៅលេង ហើយដាក់នៅកណ្ដាលនៃអាហារសម្រន់ហូបរួមគ្នា។

៥ ពីមេទៅកាន់កូនចៅ

ជាធម្មតាជនជាតិចិន មានជំនឿខ្លាំងណាស់ ជាមួយនឹងការប្រគល់អាំងប៉ាវដល់អ្នកណាម្នាក់ ជាពិសេសបុគ្គលិក ឬកូនឈ្នួលដែលរស់នៅក្នុងផ្ទះជាមួយ។ នៅពេលដែលថៅកែផ្ដល់អាំងប៉ាវដល់បុគ្គលិក ឬកូនឈ្នួលក្នុងផ្ទះ ចូរកុំភ្លេចនូវគោលការណ៍ណែនាំទាំងនេះ៖

ជ្រើសរើសអាំងប៉ាវពណ៌ក្រហមថ្មីស្រឡាង ហើយមិនត្រូវដាក់បញ្ចូលកាក់ក្នុងអាំងប៉ាវ និងប្រាប់ពួកគេថា ត្រូវរង់ចាំដល់បំបែកគ្នាសិន ចាំបើកមើល។

ចំណែកចំនួនទឹកប្រាក់នៅក្នុងអាំងប៉ាវ គួរដាក់ជាលេខគូ ដូចជាលេខ ៨ (សំណាងល្អ) ឬលេខសេស ៩ (គង់វង្សយូរអង្វែង) លើកលែងតែលេខ ៤ ដោយសារតែពាក្យនេះមានន័យថាសេចក្ដីស្លាប់៕

គ្រូ ណុប

ចុចអាន៖១២ ចំណុចអំពីបុណ្យចូលឆ្នាំចិន អ្នកប្រហែលមិនធ្លាប់ដឹងឡើយ