ហោរាសាស្រ្តមនុស្សឆ្នាំ “រោង ម្សាញ់ មមី មមែ” ​សម្រាប់ថ្ងៃទី៣០ កក្កដា ដល់ថ្ងៃទី៥ សីហា

អត្ថបទនេះនឹងលើកយកហោរាសាស្ត្រមនុស្សចំនួនបួនក្រុមដែលកើតក្នុងឆ្នាំ រោង ម្សាញ់ មមី មមែ ដោយយោងតាមប្រតិទិនចន្ទគតិ ក្នុងក្បួនតម្រាចិន សម្រាប់ថ្ងៃទី៣០ ខែកក្កដា ដល់ថ្ងៃទី៥ ខែសីហា ឆ្នាំ២០២៣។

ឆ្នាំរោង  (នាគ)

រាសីរបស់ នាគ ​នៅសប្ដាហ៍នេះ មានរឿងគួរសប្បាយចិត្ត និងរឿងត្រូវប្រយ័ត្នមួយចំនួន។ ក្នុងអាជីព ទាំងទ្រព្យសម្បត្តិ និងសុខភាពនឹងឆ្ពោះទៅមុខយ៉ាងល្អប្រសើរ។ ប៉ុន្តែទន្ទឹមគ្នានោះ នាគ ងាយប្រឈមនឹងហានិភ័យនៃការក្ស័យធន ឬបាត់បង់ចំណូល ដូច្នេះត្រូវប្រុងប្រយ័ត្នបន្ថែមទៀត។ ចូរកុំឱ្យធ្វើការវិនិយោគតាមពាក្យបញ្ចុះបញ្ចូលពីនរណាឱ្យសោះ ត្បិតថាអាចនាំឱ្យមានគ្រោះថ្នាក់ឈានដល់ការបាត់បង់ទ្រព្យធំ។

ឆ្នាំម្សាញ់ (ពស់)

រាសី​របស់ ពស់ មិនប្រសើរ​ឡើង​ខ្លាំង​​ទេក្នុងសប្ដាហ៍នេះ ត្បិតអ្នក​នឹង​ជួប​បញ្ហា​ច្រើន​ក្នុង​ការងារ។ ជាពិសេស ពស់ ក្នុងអាជីវកម្ម នឹងមានដៃគូប្រជែងប៉ងអាក្រក់មកលើរបររបស់អ្នក ដូច្នេះគួរតែយកចិត្តទុកដាក់ និងប្រយ័ត្នខ្ពស់ចំពោះគូប្រជែង។

ឆ្នាំមមី (សេះ)

រាសីរបស់ សេះ ធ្លាក់ចុះបន្តិច ហើយអ្នកត្រូវប្រឹងប្រែងធ្វើការខ្លាំងជាមុនទ្វេដង ពុំនោះទេមិនអាចរក្សាភាពរីកចម្រើនជាវិជ្ជមានក្នុងអាជីពបានឡើយ។

ចូរ សេះ ឧស្សាហ៍យកចិត្តទុកដាក់ចំពោះមិត្តភាព ជាពិសេសពេលដែលមិត្តមកលេង គួរទម្លាក់ការងារទុកមួយឡែកសិន ដើម្បីស្វាគមន៍ពួកគេ ត្បិតអ្នកទាំងនោះនឹងជ្រោមជ្រែងអ្នក ពេលអ្នកធ្លាក់ដុនដាប។ សប្ដាហ៍នេះ​អ្នកនឹង​ចំណាយ​ធនធាន​ហិរញ្ញវត្ថុ និង​សម្ភារៈ​ច្រើន​ក្នុង​ដំណើរការ​បដិសណ្ឋារកិច្ច ខណៈអ្វីៗនឹងចាប់ផ្តើមកកកុញនៅកន្លែងធ្វើការច្រើនខ្លាំង ប៉ុន្តែវានឹងទទួលផលល្អមកវិញ។

ឆ្នាំមមែ (ពពែ)

សម្រាប់ ពពែ ពុំមានអ្វីគួរឱ្យបានរម្ភទេ ក្នុងសប្ដាហ៍នេះ។ ការងាររីកចម្រើនទៅមុខដោយរលូន និងមិនសូវមមាញឹកប៉ុន្មានឡើយ។ ការខំប្រឹងរបស់អ្នកនៅក្នុងម៉ោងធ្វើការ នឹងនាំឱ្យអ្នកទទួលបានការកោតសរសើរពីអ្នកដឹកនាំ ដោយមានឱកាស​ទទួល​ការងារ​ពិសេស ឬ​តំឡើង​ប្រាក់​ខែ​បន្ថែម​ទៀត។

ចំពោះស្ត្រីដែលកើតក្នុងឆ្នាំមមែ អាចមានផ្ទៃពោះក្នុងអំឡុងពេលនេះ។ ពពែ​ដែលកំពុង​មានដៃគូ អាចចូលរោងការឆាប់ៗ។ ចំណែកអ្នកធ្លាប់មានជម្លោះពីមុនមក អាចដោះស្រាយបញ្ហាជាមួយគ្នាយ៉ាងរលូន ហើយទំនាក់ទំនងអាចកាន់តែស៊ីជម្រៅថែមទៀត៕

អត្ថបទ៖ សន្យា

ចុចអាន៖ ហោរាសាស្រ្តមនុស្សឆ្នាំ “ជូត ឆ្លូវ ខាល ថោះ” ​សម្រាប់ថ្ងៃទី៣០ កក្កដា ដល់ថ្ងៃទី៥ សីហា