វប្បធម៌ ជំនឿ

សុបិនឃើញខ្លួនឯងទៅឋានសួគ៌ អត្ថន័យល្អគាប់ប្រសើរដល់ជីវិត

បានផុស

១ year មុន

នៅ

ថ្ងៃចន្ទ ២៥ កញ្ញា ២០២៣

ដោយ

កាលបើអ្នកគេងយល់សប្ដិឃើញខ្លួនឯងទៅកាន់ឋានសួគ៌ យោងតាមការទស្សន៍ទាយបញ្ជាក់ឲ្យដឹងថា ក្ដីសុបិនមួយនេះតាមពិតគឺជារឿងល្អ ជួបតែសំណាងល្អ។ អ្នកនឹងមានសំណាង ឬទទួលបានលាភសំណាងពីមនុស្សជិតស្និទ្ធដែលអ្នកស្គាល់។

លើសពីពនេះទៀតសោត ក្នុងដំណាក់កាលនេះ អ្នកអាចមានឱកាសត្រូវបានដំឡើងឋានៈការងារខ្ពស់ ដោយសារតែការខិតខំប្រឹងប្រែងកន្លងមករបស់ខ្លួន។ បើអ្នកដែលមានជំងឺដំកាត់មកយូរក្រែល ឬមានសុខភាពមិនសូវជាល្អប្រសើរ គេនឹងបានធូរស្រាលហើយឆាប់ជាសះស្បើយមកវិញ។ ពេលនេះ អាចត្រូវបានចាត់ទុកថាជាចង្វាក់ដ៏ល្អនៃជីវិតកំពុងមកបន្តិចម្ដងៗ។

ស្នេហា៖ អ្នកនៅលីវក្នុងដំណាក់កាលនេះ ទំនងជាមានការទាក់ទាញខ្លាំងចំពោះភេទផ្ទុយ។ និយាយឲ្យសាមញ្ញទៅ នឹងមានអ្នកមកចែចង់ចង់បានជាគូគាប់, ឱកាសរបស់អ្នក គឺដៃគូរបស់អ្នកជាជនបរទេសផង។ ចំណែកអ្នកដែលមានទំនាក់ទំនងស្នេហាឬអ្នកមានគ្រួសារ ចូរប្រយ័ត្នចំពោះភាគីទីបី ដែលអាចបង្កើតបញ្ហាដល់គ្រួសារអ្នក។ សូមប្រយ័ត្ន! ជាពិសេសជាមួយមនុស្សជិតស្និទ្ធ និងធ្លាប់ស្គាល់គឺជាមេនាំភ្លើងមកចូលផ្ទះ។

ហិរញ្ញវត្ថុ៖ ទិដ្ឋភាពហិរញ្ញវត្ថុនាពេលនេះចាត់ទុកថាល្អ រមានសំណាងល្អមានគេជួយជ្រោមជ្រែងច្រើន។ ចំណែកការងារវិញ ចាត់ទុកថាល្អនិងមានការរីកចម្រើនក្នុងអាជីពកាន់តែខ្ពស់។ ធ្វើអ្វីក៏ទទួលបានជោគជ័យរលូនគ្មានការរំខាន បើអ្នកធ្វើជំនួញ ឬវិនិយោគលើអ្វីក៏ទទួលបានជោគជ័យ និងទទួលបានប្រាក់ចំណេញច្រើនចូលដល់ផ្ទះ៕