វប្បធម៌ ជំនឿ

ឃើញត្បូងក្នុងសុបិន យ៊ីអ៊ុនឡើងស្រឺតៗដោយសារតែសំណាងចូលមកដល់ជីវិត

បានផុស

១ year មុន

នៅ

ថ្ងៃសុក្រ ២០ តុលា ២០២៣

ដោយ

សុបិនឃើញត្បូង យោងតាមក្បួនទស្សន៍ទាយពីបុរាណកាលបានបញ្ចាក់ប្រាប់ថា អ្នកនឹងមានលាភសំណាងខាងផ្នែកពាណិជ្ជកម្ម និងការវិនិយោគ ជាពិសេសនោះទៀតសោត គូស្នេហ៍របស់អ្នកនឹងនាំសំណាងដល់អ្នកជាក់ជាមិនខាន។ ចំពោះគូស្នេហ៍ដែលរៀបការមកជាយូរឆ្នាំ ហើយគិតប៉ងមានកូនឆាប់ៗនេះ អ្នកទាំងពីរនឹងទទួលបានដូចការរំពឹងទុកដូចបំណង។ ហើយកូនដែលកើតមកនឹងនាំមកនូវលាភសំណាងដល់ឪពុកម្ដាយថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះដែរ អំឡុងពេលនេះត្រូវប្រយ័ត្នមនុស្សក្នុងផ្ទះអាចនឹងមានជំងឺដំកាត់កើតមានលើក្រុមគ្រួសារ តែយ៉ាងណាក៏កុំបារម្ភពេកអី វាគ្រាន់តែជំងឺតូចតាចប៉ុណ្ណោះ។ អ្វីដែលអ្នកត្រូវប្រយ័ត្នគឺ មនុស្សចម្លែកមិនធ្លាប់ស្គាល់គ្នា ដែលគេនោះបានព្យាយាមធ្វើជាមិត្តដើម្បីយកផលចំណេញពីអ្នក។

ស្នេហា៖ មនុស្សនៅលីវនឹងជួបគូស្រករនៅស្រុកក្រៅឆ្ងាយពីដែនដី។ ទំនាក់ទំនងលើកនេះនឹងមានភាពល្អប្រសើរ ហើយប្រាកដជាមានឱកាសបានស្គាល់គ្នាយូរអង្វែងរហូតចូលរោងជ័យ ។ ចំណែកអ្នកដែលមានទំនាក់ទំនងស្នេហា ចូរប្រយ័ត្នការប្រច័ណ្ឌហួសហេតុ។ ព្យាយាមកុំឲ្យអារម្មណ៍របស់អ្នកមកជាន់លើហេតុផលផ្ទាល់ខ្លួន។ ព្រោះបើមិនដូច្នេះទេ ជីវិតគូរបស់អ្នកទាំងពីរនឹងជួបនូវការបែកបាក់យ៉ាងងាយ។

ចំណែកបញ្ហាហិរញ្ញវត្ថុ ត្រូវបានចាត់ទុកថាល្អប្រសើរ អ្នកនឹងទទួលបានលាភសំណាងពីមនុស្សជាទីស្រឡាញ់។ ប៉ុន្តែសំណាងរបស់អ្នកអាចនឹងត្រូវគេបោក។ ដូច្នេះហើយ អ្នកត្រូវប្រយ័ត្នកុំទុកចិត្តអ្នកណាខ្លាំងពេក។ ចំពោះការងារ ចាត់ទុកថាជាការល្អ មានភាពរីកចម្រើនទៅមុខ ។ ព្យាយាមចូលទៅជិតមនុស្សចាស់ជាងខ្លួនឬមានអាយុច្រើន ការមានសុជីវធម៌ និងសុភាពនឹងផ្តល់ប្រយោជន៍ដល់អ្នកក្នុងអាជីពការងាររបស់អ្នក។ បើអ្នកមានគម្រោងវិនិយោគលើអ្វីនោះចាត់ទុកថាល្អ ហើយអ្នកនឹងមានសំណាងល្អនពេលនេះ៕