វប្បធម៌ ជំនឿ

សុបិនឃើញអាយដល មិនមែនសុទ្ធតែជួបសំណាងល្អនោះទេ

បានផុស

១ year មុន

នៅ

ថ្ងៃអង្គារ ៣១ តុលា ២០២៣

ដោយ

សុបិនឃើញតារាសំណព្វចិត្ត ឬជាអាយដលដែលស្រលាញ់ពេញចិត្ត យោងតាមការទស្សន៍ទាយពីបុរាណកាលមកបញ្ចាក់ថា ដំណើរជីវិតរបស់អ្នកនឹងបន្តកើតមានបញ្ហាមិនចេះចប់មិនចេះហើយឡើយ។ ប៉ុន្តែយ៉ាងណាក៏ដោយ អ្នកនៅតែអាចដោះស្រាយបានដោយរលូនទៅមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះទៀត ចំពោះមនុស្សមួយចំនួនអាចមានឱកាសទទួលបានលាភសំណាងពីការផ្សងសំណាងណាមួយ ឬអ្នកអាចទទួលបានអ្វីដែលល្អពីមិត្តភេទផ្ទុយយកមកឲ្យដល់ផ្ទះ។ ហើយអ្វីដែលអ្នកត្រូវប្រយ័ត្នគឺក្រុមមនុស្សជិតស្និទ្ធនឹងអ្នក អាចនាំមកនូវបញ្ហានិងទុក្ខទោសដល់ខ្លួនឯង។

ស្នេហា៖ មនុស្សនៅលីវនឹងជួបមនុស្សដែលខ្លួនស្រលាញ់ពេញចិត្ត។ ពេលនេះគឺជាឱកាសគយររៀនពីគ្នាទៅវិញទៅមក។ ប៉ុន្តែនាងឬគាត់ ក៏ប្រហែលជាមានមនុស្សជាច្រើនទៀតកំពុងស្វែងរកពួកគេដែរ។ ដូច្នេះត្រូវប្រឹងប្រែងបន្ថែមទៀត ដើម្បីបញ្ជាក់ថាអ្នកជាមនុស្សត្រឹមត្រូវឬស្រលាញ់ស្មោះ។

ដោយឡែក សម្រាប់អ្នកដែលមានទំនាក់ទំនងស្នេហាឬមានដៃគូ ចូរប្រយ័ត្នចំពោះអារម្មណ៍របស់អ្នក។ កាត់បន្ថយភាពឆេវឆាវនិងអារម្មណ៍ធ្ងន់កណ្ដុកមួយឡែកសិន។ បន្ទាប់មកអ្វីៗនឹងប្រសើរឡើងបន្តិចម្តងៗមិនខានឡើយ។

ចំណែកឯហិរញ្ញវត្ថុ ហាក់ដូចជាមិនមានបញ្ហាអ្វីជាដំកំភួននោះទេ។ ប៉ុន្តែយ៉ាងណាក៏ដោយ ក្នុងអំឡុងពេលនេះ ត្រូវប្រយ័ត្នកុំឲ្យអ្នកណាខ្ចីលុយ ព្រោះវាអាចជាបំណុលអាក្រក់សងមិនរួច។

បើនិយាយពីការងារក្នុងអំឡុងពេលនេះ អាចនឹងមានបញ្ហាជាបន្តបន្ទាប់មកហូរហែរ។ ប៉ុន្តែអ្នកនឹងអាចឆ្លងកាត់វាបានដោយរលូនមិនខាន។ ប្រសិនបើអ្នកជាប់គាំងក្នុងរឿងអ្វីមួយ ប្រាកដជាមានមនុស្សម្នាក់នឹងឈោងទៅជួយអ្នករហូតដល់ការងារត្រូវបានបញ្ចប់ដោយជោគជ័យ។ ក្នុងអំឡុងពេលនេះអ្នកនឹងជួបនិងនិយាយជាមួយមិត្តភក្តិថ្មី។ វាជាការល្អក្នុងការស្គាល់គ្នា។ ព្រោះពេលអនាគតអ្នកទាំងពីរអាចនឹងធ្វើការជាមួយគ្នាបាន៕