វប្បធម៌ ជំនឿ
លោក ម៉ុង ឫទ្ធី ស្នើអ្នករៀបចំជំនូនជួយប្រាប់ម្ចាស់ដើមការរៀបផលិតផលខ្មែរឱ្យបានច្រើន
អ្នកជំនួញដ៏ល្បីល្បាញ គឺលោក ម៉ុង ឫទ្ធី បានស្នើដល់អ្នករៀបចំផ្លែឈើក្នុងពិធីអាពាហ៍ពិពាហ៍ ឱ្យជួយប្រាប់ម្ចាស់ដើមការឱ្យបានច្រើនទាក់ទងនឹងដាក់ផ្លែឈើទាំង ៣៦មុខឱ្យត្រូវបានប្រពៃណីខ្មែរ ព្រោះលោកឃើញថា ភាគច្រើនម្ចាស់ដើមការយកផ្លែឈើពីបរទេសច្រើនជាងផលិតផលខ្មែរ។

លោកលើកឡើងបែបនេះ នៅក្នុងសំណេរនៅលើហ្វេសប៊ុករបស់លោក កាលពីថ្ងៃទី១៥ ខែធ្នូនេះ។ នៅក្នុងនោះលោកចង់ឱ្យអ្នករៀបចំផ្លែឈើ ប្រាប់ទៅម្ចាស់សាមីដើមការ រៀបផ្លែឈើឱ្យត្រូវតាមទំនៀមទម្លាប់ខ្មែរ ដើម្បីជួយលើកស្ទួយផលិតផលខ្មែរ និងប្រពៃណី ទំនៀមទម្លាប់ដ៏ផូរផង់របស់ជាតិផងដែរ។

ពិតណាស់ តាមការសង្កេត សម័យនេះជាសម័យជឿនលឿន ហើយការរៀបអាពាហ៍ពិពាហ៍ភាគច្រើន នៅក្នុងទីក្រុងគឺមានការកាត់ចោលច្រើនមិនសូវធ្វើតាមប្រពៃណីប៉ុន្មានទេ ព្រោះចំណេញពេលវេលា និងថវិកាផង។ ប៉ុន្តែ ប្រសិនជាមានការកាត់ចោលច្រើនពេក ឬ ធ្វើមិនសូវបានត្រឹមត្រូវតាមប្រពៃណី ក៏អាចធ្វើឱ្យមនុស្សជំនាន់ក្រោយមិនបានយល់ដឹងពីប្រពៃណីបានច្បាស់ជុំវិញនឹងការរៀបអាពាហ៍ពិពាហ៍នេះ ពោលគឺ កាត់ពិធីខ្លះចោលតាមគ្នាកូនខ្មែរជំនាន់ក្រោយនឹងមិនដឹងថា តើមានពិធីអ្វីខ្លះនៅក្នុងថ្ងៃមង្គលការតាមទំនៀមទម្លាប់ខ្មែរ?

ជាមួយគ្នានេះ លោក ម៉ុង ឫទ្ធី បានសរសេរថា គ្រប់ពេលដែលលោកចូលរួមពិធីអាពាហ៍ពិពាហ៍ លោកតែងតែអង្គុយនិយាយជាមួយអ្នកច្រៀង និងស្តាប់ការច្រៀងរៀបរាប់ផ្លែឈើ ៣៦មុខតាមលំនាំបទចៅពា្រហ្ម ដែលអ្នកចម្រៀងបានរៀបរាប់ពីផ្លែឈើខ្មែរជាច្រើន។

លោកសង្កត់ធ្ងន់ថា៖ “តែជាការពិតភាគច្រើន ជាផ្លែឈើដែលបាននាំចូលមកពីបរទេសទៅវិញ ខ្ញុំបានអង្គុយនិយាយសំណូមពរជាមួយអ្នករៀបចំផ្លែឈើ សុំឱ្យគាត់ជួយមានសំណូមពរដល់ម្ចាស់សាមីដើមការ សុំឱ្យពួកគាត់ជួយរៀបដាក់តាំងផលិតផលខ្មែរយើងអោយបានច្រើន ដើម្បីបានជួយលើតំម្កើងផលិតផល វប្បធម៌ អរិយធម៌ របស់ជាតិខ្មែរយើងអោយបានល្បីរន្ទឺកាន់តែច្រើជាបន្តបន្ទាប់”។
ពិតណាស់ អ្នកដែលត្រូវបានជួលក្នុងការរៀបអាពាហ៍ពិពាហ៍ មានដូចជាអ្នករៀបផ្លៃឈើ ភ្នួង អាចារ្យជាដើម មានតួនាទីសំខាន់ណាស់ក្នុងការដឹងពីវប្បធម៌ឱ្យបានច្បាស់ និងនិយាយណែនាំម្ចាស់ដើមការ ឬដល់ភ្ញៀវដែលបានជួល។ ទាំងនេះក៏ជាកត្តារួមចំណែកថែរក្សាវប្បធម៌ និងប្រពៃណីមួយផ្នែកដែរ៕


-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ