វប្បធម៌ ជំនឿ

ផ្លែឈើ ៩ប្រភេទ សក្តិសមនឹងថ្ងៃចូលឆ្នាំចិន ២០២៤ ជួយទាញលាភសំណាង និងលុយកាក់

បានផុស

១០ ខែ មុន

នៅ

ថ្ងៃពុធ ៣១ មករា ២០២៤

ដោយ

បុណ្យចូលឆ្នាំចិន គឺជាថ្ងៃបុណ្យប្រពៃណីដ៏សំខាន់បំផុតរបស់ជនជាតិចិន ហើយនៅក្នុងប្រទេសចិន វាក៏ត្រូវបានគេស្គាល់ថា ជាពិធីបុណ្យនិទាឃរដូវ ។ យប់មុនចូលឆ្នាំចិន គឺជាថ្ងៃមួយដែលគ្រួសារជនជាតិចិនជួបជុំគ្នាសម្រាប់អាហារពេលល្ងាចប្រចាំឆ្នាំដែលគេស្គាល់ថាជា chuxi ឬពេលរាត្រី។ ដូច្នេះបុណ្យចូលឆ្នាំចិន ត្រូវបានគេហៅថាជាញឹកញាប់ថ្ងៃបុណ្យចូលឆ្នាំថ្មី។

ដើម្បីស្វាគមន៍បុណ្យចូលឆ្នាំចិនមនុស្សគ្រប់គ្នានឹងថ្វាយបង្គំជាមួយនឹងអាហារ ផ្លែឈើ និងតង្វាយផ្សេងៗដែលបានទិញ និងរៀបចំមុន។ ក្នុងនោះកូនចៅចិនគ្រប់គ្នាមិនថាអ្នកជាប់សែស្រឡាយចិន នឹងតុបតែងខ្លួនជាមួយសំលៀកបំពាក់យ៉ាងស្រស់ស្អាត ទៅគោរពនិងសុំពរពីញាតិសន្តានចាស់ទុំ ព្រមទាំងការប្រតិបត្តិតាមទំនៀមទំលាប់ដូចជាការចៀសវាងពីអំពើបាប មិននិយាយពាក្យគំរោះគំរើយជាដើមដើម្បីលាភសំណាងពេញមួយឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាក៏ដោយ ចូលឆ្នាំចិនឆ្នាំ ២០២៤ គេមិនដែលភ្លេចនូវគ្រឿងដង្វាយជាផ្លែឈើទាំង ៩មុខ ក្រោយពេលញ៉ាំហើយ អ្នកនឹងសំណាងពេញមួយជីវិត ហើយក្រុមគ្រួសារនឹងមានតែរឿងល្អៗចូលមកជានិច្ច។

១ ទឹកក្រូចពណ៌មាស ជានិមិត្តរូបនៃលាភសំណាង ទ្រព្យសម្បត្តិ និងសុភមង្គល ។

២ ចេក តំណាងឲ្យការលូតលាស់ មានកូននិងចៅដើម្បីបន្តនាមត្រកូល។

៣ ម្នាស់ ជាផ្លែនៃលាភសំណាង ប្រសិនបើអ្នកថ្វាយបង្គំព្រះដោយម្នាស់ វានឹងដូចជាការហៅសំណាងល្អដល់អ្នកថ្វាយបង្គំ។

៤ ផ្លែស្រកានាគ បង្កើនសិរីសួស្តីទ្វេរដង។

៥ ទំពាំងបាយជូឬទំពាំងបាយជូរក្រហម មានន័យថាការលូតលាស់ រុងរឿង។

៦ សារី តំណាងឲ្យទ្រព្យសម្បត្តិ និងលាភសំណាង ទទួលទានហើយមានអារម្មណ៍ស្រស់ស្រាយ នឹងមានតែសុខភាពល្អពេញដោយបរិបូរ។

៧ ទទឹមក្រហម ត្រូវបានគេជឿថានាំមកនូវភាពកក់ក្តៅដល់គ្រួសារ មិនមានជម្លោះឬការខ្វែងគំនិតគ្នាទេ។

៨ ផ្លែប៉ោមក្រហម ត្រូវបានគេជឿថាអាចជួយការពារជំងឺផ្សេងៗ ហើយជាលទ្ធផលធ្វើឲ្យរាងកាយមានសុខភាពល្អ និងរឹងមាំ។

៩ ទន្លាប់ មានន័យថាស្ថេរភាព មានចិត្តរឹងប៉ឹង មាំមួន ខ្លាំងក្លា៕