វប្បធម៌ ជំនឿ

លេខសំណាងដែលគួរដាក់ក្នុងអាំងប៉ាវ នៅថ្ងៃចូលឆ្នាំចិន ២០២៤

បានផុស

១១ ខែ មុន

នៅ

ថ្ងៃព្រហស្បតិ៍ ៨ កុម្ភៈ ២០២៤

ដោយ

នៅពេលដែលបុណ្យចូលឆ្នាំចិនខិតជិតមកដល់ ការប្រគល់អាំងប៉ាវឬការប្តូរស្រោមសំបុត្រក្រហម បានក្លាយជាចំណុចសំខាន់នៃពិធីបុណ្យប្រពៃណីមួយនេះ។ អំណោយជាលុយកាក់ទាំងនេះ ជាប្រពៃណីផ្តល់ដល់កុមារ និងសមាជិកគ្រួសារតូចៗ ជានិមិត្តរូបនៃសំណាងល្អ និងមានបំណងការពារវិញ្ញាណអាក្រក់។

សិល្បៈនៃការផ្តល់អាំងប៉ាវគឺស្ថិតនៅក្នុងទំនៀមទំលាប់ និងអបិយជំនឿ ដោយចំនួនមួយចំនួនត្រូវបានគេជឿថានាំសំណាងដល់អ្នកដែលយើងប្រគល់ឲ្យពួកគេ។ ក្នុងវប្បធម៌ចិន លេខ៤ត្រូវបានគេចៀសវាងដាច់ខាត ព្រោះវាស្តាប់ទៅស្រដៀងនឹងពាក្យស្លាប់។ ដូច្នេះ វាត្រូវបានគេចាត់ទុកថាជារឿងមិនល្អក្នុងការបញ្ចូលចំនួនដូចជា ៤០០ ក្នុងស្រោមសំបុត្រក្រហមទាំងនេះ។ ផ្ទុយទៅវិញ លេខសំណាងដែលបង្ហាញពីសំណាងល្អ និងភាពរុងរឿងត្រូវបានលើកទឹកចិត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លេខ៦និង៨ជាសំណាងពិសេសតាមប្រពៃណីចិន។ ប្រាំមួយ (六, liù) តំណាងឲ្យភាពរលូន ហើយត្រូវបានគេគិតថាដើម្បីធានាថាជីវិតដំណើរការដោយរលូន ខណៈដែលប្រាំបី (八, bā) ប្រហាក់ប្រហែលនឹងពាក្យនាំទ្រព្យសម្បត្តិ ហើយត្រូវបានគេជឿថានាំមកនូវភាពជោគជ័យផ្នែកហិរញ្ញវត្ថុ។ សូម្បីតែបន្សំនៃលេខទាំងនេះដូចជា ១៦ ឬ ៣៦ ក៏អាចទទួលយកបានដែរ ព្រោះវាមានលេខសំណាងទាំងប្រាំមួយដូចគ្នា។

ទោះយ៉ាងណាក៏ដោយ នៅពេលជ្រើសរើសស្រោមសំបុត្រ វាក៏ចាំបាច់ផងដែរក្នុងការពិចារណាអំពីសត្វនៃឆ្នាំនីមួយៗ។ សម្រាប់ឆ្នាំ ២០២៤ ដែលជាឆ្នាំនាគ ស្រោមសំបុត្រដែលមានសត្វនេះត្រូវបានគេចាត់ទុកថាសមរម្យនិងត្រូវតាមក្បួនហុងស៊ុយ។ នេះមិនត្រឹមតែបង្កើនភាពរុងរឿងនៃអំណោយប៉ុណ្ណោះទេ ប៉ុន្តែថែមទាំងឆ្លុះបញ្ចាំងពីការយកចិត្តទុកដាក់ និងសុជីវធម៌របស់អ្នកផ្តល់អំណោយផងដែរ។

លើសពីនេះទៀតដែរ ចូលឆ្នាំចិនគឺប្រៀបដូចជាការសំណាង ដូច្នេះជារឿងប្រសើរដែលអ្នកត្រូវតែប្រគល់ស្រោមសំបុត្រក្រហម។ បើអ្នកប្រើអាំងប៉ាវឆ្នាំចាស់ក៏បាន ប៉ុន្តែគ្រាន់តែវាមិនត្រូវធាតុនៃឆ្នាំនាគ២០២៤ ប៉ុណ្ណោះ តែយ៉ាងណាមិនមានអ្វីត្រូវខាតបង់ប្រាក់កាសច្រើនឡើយ ដោយគ្រានតែចំណាយលើអាំងប៉ាវនោះ។ អ្វីដែលសំខាន់ក្នុងពិធីចូលឆ្នាំចិន មិនមែនជាចំនួនលុយទេ។ ប៉ុន្តែវាជាការជួបសមាជិកគ្រួសារ និងការគោរពដល់បុព្វបុរសដែលបានទទួលមរណភាពអស់កាលដ៏យូរលង់ណាស់មកហើយ។ នោះហើយជាបេះដូងនៃបុណ្យចូលឆ្នាំចិន ដែលគេតែងប្រារព្ធជារៀងរាល់ឆ្នាំ៕