វប្បធម៌ ជំនឿ
អ្នករៀបចំកម្មវិធី រាត្រីលង្វែក៖ សូមឈប់ចោទគេលួចវប្បធម៌ តែសូមមកឈ្វេងយល់ គាំពារ
កម្មវិធី រាត្រីលង្វែក កំពុងប្រារព្ធរយៈពេល ២ថ្ងៃ រៀបចំដើម្បីអបអរសាទរ ទិវាវប្បធម៌ជាតិរបស់កម្ពុជា លើកទី២៦ ក្រោមប្រធានបទ យុវជនដើម្បីវប្បធម៌ ពិសេសដើម្បីចូលរួមអភិរក្ស និងអភិវឌ្ឍវប្បធម៌ អរិយធម៌ដ៏មានតម្លៃរបស់ជាតិខ្មែរឱ្យស្ថិតស្ថេរគង់វង្ស។ ជាមួយគ្នានេះ អ្នករៀបចំកម្មវិធី សំណូមពរមហាជនសូមឈប់ចោទប្រទេសដទៃលួចសម្បត្តិវប្បធម៌ខ្មែរ តែសូមមកឈ្វេងយល់ គាំពារមរតកដូនតារបស់ខ្លួនវិញ។

អ្នកនាង សូ ចាន់ម៉ូលីដា តំណាងសាលាសិល្បៈហ៊្វូណន និងគណៈកម្មការរៀបចំកម្មវិធី រាត្រីលង្វែក បានឱ្យ “កម្ពុជាថ្មី” ដឹងថា កម្មវិធីរាត្រីលង្វែក បានរៀបចំចំនួន ៣ដងរួចមកហើយ ដោយទទួលបានការគាំទ្រពីសំណាក់យុវជន និងមហាជនកាន់តែច្រើន ពីមួយលើក ទៅមួយលើក។

អ្នកនាង សូ ចាន់ម៉ូលីដា មានប្រសាសន៍បន្តថា៖ “សូមផ្ដាំផ្ញើ យុវជន ដែលជាអ្នកបន្តវេន សូមសិក្សា ឈ្វេងយល់សិល្បៈ និងវប្បធម៌ខ្មែរឱ្យបានច្រើន ហើយសូមឈប់បន្ទោស ឬចោទគេថា លួចយករបស់យើងទៀត សំខាន់ យើងស្រលាញ់ យើងសិក្សា ថែរក្សា គាំពារមរតករបស់យើងផង ដើម្បីស្គាល់របស់យើង និងចៀសវាងការច្រឡំ ឬយករបស់គេវិញ”។

ជាមួយគ្នានេះ អ្នកនាង សូ ចាន់ម៉ូលីដា បានសង្កេតឃើញថា បច្ចុប្បន្ននេះ ប្រជាពលរដ្ឋកម្ពុជា បានងាកមកចាប់អារម្មណ៍ យកចិត្តទុកដាក់សិក្សាស្រាវជ្រាវ ឈ្វេងយល់ពីសិល្បៈវប្បធម៌ខ្មែរ សឹងគ្រប់កម្មវិធី។ ជាក់ស្ដែង កម្មវិធី រាត្រីលង្វែក រាល់ដង រៀបចំតែ ១ថ្ងៃទេ ប៉ុន្តែក្នុងឆ្នាំ២០២៤ នេះ គឺរៀបចំរហូតទៅដល់ ២ថ្ងៃ ដោយមានការចូលរួមពីសមាគមន៍ ក្រុមសិល្បៈវប្បធម៌នានាជាច្រើនផងដែរ។

អ្នកនាង សូ ចាន់ម៉ូលីដា បញ្ជាក់បន្ថែមថា៖ “ក្នុងនោះ នៅថ្ងៃទី៣ មីនា ស្អែកនេះ នឹងមានដង្ហែក្បួនវប្បធម៌ នៅពេលព្រឹក ដោយហែរពី សាលាសិល្បៈហ្វូណន ឆ្ពោះទៅកាន់ វត្តព្រែកថ្មី ដែលមានទីតាំងជិតសាលា។ ខ្ញុំសង្ឃឹមថា អ្នកចូលរួម កម្មវិធី នឹងបានដឹងបន្ថែមទៀត នូវអ្វីដែលខ្មែរមានតាំងពីបុរាណ ទាំងពីការសាក់យន្តខ្មែរ បាញ់ធ្នូ ល្បុក្កតោ រួមទាំងសិល្បៈជាច្រើនទៀត។ ក្នុងនោះ អ្នកចូលរួមក៏អាចស្លៀកពាក់សម្លៀកបំពាក់សម័យលង្វែក ក្នុងតម្លៃជួលសមរម្យ គឺ ១ឈុត តម្លៃ ៥ ពាន់រៀល”។

គួរបញ្ជាក់ថា កម្មវិធី “រាត្រីលង្វែក” រយៈពេលពីរថ្ងៃ គឺនៅសៅរិ៍ អាទិត្យ ទី២ ទី៣ ខែមិនា ២០២៤ នេះ ដោយក្នុងនោះមានការស្លៀកពាក់បុរាណបែបសម័យលង្វែក ការសម្តែងរបាំ ១០០ ឆ្នាំ ល្ខោនស្បែកធំ ស្បែកតូច ល្ខោនខោល គុនល្បុក្កតោ បាញ់ធ្នូបុរាណខ្មែរ និងការតាំងពិពរណ៍ផ្សេងៗទៀតផងដែរ។ មហាជន អាចចូលរួមដោយឥតគិតថ្លៃ ទីតាំង នៅផ្ទះលេខ ១០៥០ ផ្លូវ ៣៦៩ ភូមិព្រែកថ្មី សង្កាត់ ព្រែកថ្មី ខណ្ឌច្បារអំពៅ រាជធានីភ្នំពេញ។ សម្រាប់ព័ត៌មានបន្ថែម សូមទាក់ទងទូរសព្ទលេខ 096 20 30 240 / 096 39 59 050 ៕
អត្ថបទ៖ ច័ន្ទ វីរៈ




-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ