វប្បធម៌ ជំនឿ
នៅក្រោយហេតុផល ដែលមនុស្សជាច្រើនមានតំណមនឹងលេខ១៣
លេខ ១៣ ត្រូវបានគេចាត់ទុកជាលេខគ្មានសំណាងតែមួយគត់ក្នុងចំណោមលេខទាំងអស់ ជាពិសេសនៅលោកខាងលិច។
មនុស្សជាច្រើនជឿថា ថ្ងៃសុក្រទី ១៣ ជាថ្ងៃស៊យបំផុត រីឯអាគារជាន់ទី ១៣ គឺជាអគារគ្មានលាភសំណាងទាល់តែសោះ។
តើមានមូលហេតុអ្វីទើបគេចាត់ទុកលេខ ១៣ ជាលេខសំណាងអាក្រក់?
ទ្រឹស្តីនានាទាក់ទងទៅនឹងមូលហេតុដែលលេខ ១៣ ជាលេខគ្មានសំណាង
១/ នៅអំឡុងរជ្ជកាលនៃអធិរាជអាឡិចសាន់ឌឺ (Alexander) ក្រិកបុរាណជឿថាមានព្រះ ១២ ដែលតំណាងឱ្យខែនីមួយៗ។ ឯកសារនិយាយថា អាឡិចសាន់ឌឺ មានបំណងចង់ធ្វើជាព្រះ ដូច្នេះទ្រង់សង់រូបសំណាកមួយនៅកណ្ដាលទីក្រុង បាប៊ីឡូន ដើម្បីឲ្យមនុស្សគោរពបូជា។ ប៉ុន្តែមិនយូរប៉ុន្មានទ្រង់បានសុគតទៅ។ មនុស្សម្នាគិតថា ដោយសារ អាឡិចសាន់ឌឺ មានបំណងចង់ក្លាយជាព្រះទី ១៣ ទើបជាមូលហេតុដែលនាំឲ្យទ្រង់សោយទិវង្គត។

២/ នៅប្រទេសចិន ១៣ ជាលេខចង្រៃបំផុត ព្រោះបើគេបូកលេខ ១ + ៣ វានឹងស្មើ៤ ដែលភាសាចិនអានថា ស៊ឺ(死) ដែលន័យស្រដៀងគ្នានឹងពាក្យថា ស្លាប់។

តើអ្នកដឹងទេថា…?
ពាក្យ Triskaidekaphobia មានន័យថា ការភ័យខ្លាចនៃលេខ ១៣ ។ ពាក្យនេះត្រូវបានប្រើនៅដើមឆ្នាំ ១៩១០ ដោយចិត្តវិទូលោក Isador Coriat ។ រីឯពាក្យ Paraskevidekatriaphobia មានន័យថា ការភ័យខ្លាចថ្ងៃសុក្រទី ១៣ ។
ក្នុងមួយឆ្នាំៗ យ៉ាងហោចណាស់តែងតែមានថ្ងៃសុក្រទី ១៣ ម្ដង និងឆ្នាំខ្លះមានពីរដង ហើយម្តងម្កាលមានបីដង។ ក្នុងនោះនៅឆ្នាំ ២០០៩ និងឆ្នាំ ២០១២ មានថ្ងៃសុក្រទី ១៣ រហូត ៣ ដង ក្នុងមួយឆ្នាំ។
ដោយសារតែវាជាលេខដែលគ្មានសំណាង ទីក្រុងជាច្រើនមិនមានផ្លូវលេខ ១៣ ឬអគារលេខ ១៣ ឡើយ។ ជណ្តើរយន្តជាច្រើនគ្មានជាន់ទី ១៣ ទេ ចំណែកសណ្ឋាគារទៀតសោតក៏មិនមានបន្ទប់លេខ ១៣ ដែរ ហើយគេរមែងជំនួសដោយលេខ ១២ ពីរដង (12A)។
ទិនានុប្បវត្តិវេជ្ជសាស្ដ្រអង់គ្លេសមួយក្នុងឆ្នាំ ១៩៩៣ មានចំណងជើងថា “ថ្ងៃសុក្រទី ១៣ ពិតជាថ្ងៃមិនល្អសម្រាប់សុខភាពអ្នក?” បានរកឃើញថា មនុស្សកម្របើកបរណាស់នៅថ្ងៃសុក្រទី ១៣ ប៉ុន្តែចំនួនអ្នកជំងឺចូលសម្រាកទៅមន្ទីរពេទ្យនៅថ្ងៃនោះ មានភាគរយខ្ពស់ បើប្រៀបធៀបទៅនឹងថ្ងៃសុក្រធម្មតា។

ក្រុមហ៊ុន Paramount របស់ហូលីវូដ បានថតភាពយន្តរន្ធត់មួយចំណងជើងថា Friday 13th ។ ភាពយន្តនេះក្លាយកុនដែលជោគជ័យបំផុត រហូតមានដល់វគ្គ១២ ក្នុងពេលបច្ចុប្បន្ន៕
ប្រែសម្រួល៖ សន្យា

-
ព័ត៌មានជាតិ៦ ថ្ងៃ ago
កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៤ ថ្ងៃ ago
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ៤ ថ្ងៃ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ៦ ថ្ងៃ ago
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៧ ថ្ងៃ ago
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម១ សប្តាហ៍ ago
មន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
សន្តិសុខសង្គម៦ ថ្ងៃ ago
សមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់
-
សេចក្ដីជូនដំណឹង៤ ថ្ងៃ ago
ការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស