វប្បធម៌ ជំនឿ
ប្រវត្តិនៃពិធីបុណ្យ «សែននំព្រះខែ» ក្នុងជំនឿជនជាតិ ចិន
បុណ្យសែនព្រះខែជាពិធីបុណ្យមួយ នៅពាក់កណ្ដាលសរទរដូវ ហើយត្រូវបានគេស្គាល់ថាជាបុណ្យសែនព្រះខែ ឬចុងឈីវជៀ ជាពិធីបុណ្យសម្រាប់អបអររដូវប្រមូលមួយ ដែលត្រូវបានប្រារព្ធធ្វើឡើងដោយជនជាតិ ចិន ជប៉ុន, វៀតណាម, សិង្ហបុរី, កម្ពុជា, ម៉ាឡេស៊ី, ហ្វីលីពីន និងកូរ៉េខាងត្បូងជាដើម។
យ៉ាងណាមិញមកដល់ពេលនេះ បុណ្យសែនព្រះខែត្រូវប្រារព្ធឡើងទូទាំងពិភពលោកឲ្យតែមានកូនចៅចិនរស់នៅឬតាំងលំនៅឋាន។ ជាធម្មតាបុណ្យប្រពៃណីមួយនេះ តែងធ្វើនៅថ្ងៃទី ១៥ ក្នុងខែទី ៨ របស់ចិន ហើយត្រូវនឹងខែ កញ្ញា ឬ តុលានៃប្រក្រតិទិនសុរិយគតិរបស់ខ្មែរវិញ។
ក្នុងពិធីសែននំព្រះខែយោងតាមជំនឿជនជាតិចិន គឺមានរឿងព្រេងនិទានមួយដូចតទៅ ៖
ក្នុងអតីតកាលបុរាណរបស់ចិន មានវីរបុរសម្នាក់ឈ្មោះមួយ Hou Yi មានស្នាដៃល្អបំផុតក្នុងការបាញ់ធ្នូ។ Hou Yi មានប្រពន្ធឈ្មោះថា Chang’e ។ កាលសម័យនោះ កើតមានព្រះអាទិត្យ ១០ នៅលើមេឃ បណ្ដាលឲ្យមានគ្រោះមហន្តរាយដល់ប្រជាជន។ Hou Yi បានបាញ់ព្រះអាទិត្យទាំង៩ ឲ្យនៅសល់តែមួយគត់ ដើម្បីផ្ដល់នូវពន្លឺដល់ប្រជានុរាស្ត្រ។ ពេលនោះហើយដែល Hou Yi បានក្លាយទៅជាវីរបុរសរបស់ប្រជាជនចិន។
កាលណោះ ស្ដេចមានការកោតសរសើរដល់ Hou Yi យ៉ាងខ្លាំង និងបានផ្ដល់ថ្នាំអមតដែលអាចឲ្យគាត់ហោះហើរទៅលើមេឃបាន។ ប៉ុន្តែអ្វីដែលជាបញ្ហា គឺទឹកនោះមានតែមួយដប ហើយសម្រាប់តែមនុស្សម្នាក់។ Hou Yi មិនចង់ចាកចេញពីប្រពន្ធជាទីស្រលាញ់របស់គាត់ឡើយ គាត់ក៏បានឲ្យ Chang’e រក្សាថ្នាំនេះទុក។ ប៉ុន្តែ Peng Meng ដែលជាសិស្សក្នុងចំណោមសិស្សរបស់គាត់ បានដឹងការសម្ងាត់នេះ។ នៅថ្ងៃទី ១៥ នៃខែសីហា នៅក្នុងប្រតិទិន នៅពេល Yi បានទៅបរបាញ់ Peng Meng បានចូលទៅក្នុងផ្ទះរបស់ Hou Yi និងបង្ខំ Chang’e ប្រគល់ថ្នាំអមតនោះមកគេ។ Chang’e មិនព្រម ហើយនាងបានផឹកចូលទៅក្នុងពោះ រួចហោះឡើងទៅលើមេឃបាត់ទៅ។
នាងស្រឡាញ់ស្វាមីខ្លាំងណាស់ ហើយសង្ឃឹមថានឹងរស់នៅក្បែរគ្នាជារៀងរហូត ទើបនាងជ្រើសរើសព្រះចន្ទសម្រាប់ជាលំនៅឋាន។ នៅពេល Hou Yi ត្រឡប់មកវិញ គាត់បានដឹងពីអ្វីដែលបានកើតឡើង គាត់មានអារម្មណ៍សោកស្ដាយជាខ្លាំង ។ ដើម្បីជាការរំលឹកដល់ភរិយា គាត់បាននាំយកផ្លែឈើនិងនំដែល Chang’e ចូលចិត្តទៅឧទ្ទិសដល់នាងដែលរស់នៅក្នុងព្រះចន្ទ។
មនុស្សដែលបានដឹងអំពីសកម្មភាពទាំងនេះ ក៏ចាប់ផ្ដើមចូលរួមនៅក្នុងការបូជាសែនទាំងនេះជាមួយ Hou Yi ។ ចាប់តាំងពីនោះមក ទម្លាប់នៃការបូជាដល់ព្រះចន្ទ ឬសែននំព្រះខែ ត្រូវបានរីករាលដាលពាសពេញជំនាន់នោះ មនុស្សបានថ្វាយបូជាដល់ Chang’e ដើម្បីរំលឹកដល់នាង ដែលមានភក្ដីភាពចំពោះស្វាមី និងរស់នៅលើក្នុងព្រះចន្ទតែម្នាក់ឯង ហើយក៏បួងសួងសុំសេចក្ដីសុខនិងសំណាងល្អ ដល់អ្នកជំនាន់ក្រោយផងដែរ៕
គ្រូ ណុប
ចុចអាន៖គ្រឿងតុបតែងផ្ទះ ៥ ប្រភេទ ជួយនាំលាភសំណាង និងពង្រឹងហុងស៊ុយសុមង្គល
ចុចអាន៖រូបភាពហុងស៊ុយទាញលាភសំណាង ៦ ប្រភេទ គួរតាំងលម្អក្នុងផ្ទះ ឬហាងលក់ដូរ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ