តាំងលម្អ វត្ថុ ៣ យ៉ាងនេះ ប្រៀបដូចទាក់​ទាញ​លាភ​សំណាង និងវិបុលភាព

ប្រសិនបើអ្នកចង់ទាក់ទាញសំណាងសម្រាប់ខ្លួនឯងនិងគ្រួសារ អ្នកក៏អាចសាកល្បងអនុវត្តគន្លឹះហុងស៊ុយទាំង៣យ៉ាង ដើម្បី​បង្កើន​សំណាងក្នុងឆ្នាំ ២០២៤។​ ទោះយ៉ាងណាក៏ដោយ នេះគ្រាន់តែជំនឿផ្ទាល់ខ្លួនក្នុងការជឿ និងសំរេចចិត្តថា គួរទិញវត្ថុទាំងនោះមកតាំងលម្អនាំហុងស៊ុយឬយ៉ាងណា វាអាស្រ័យលើលោកអ្នកតែប៉ុណ្ណោះ។

រូបសំណាកនាគ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងទៅតាមគោលការណ៍ហុងស៊ុយ រូបសំណាកនាគត្រូវបានគេចាត់ទុកថាជានិមិត្តសញ្ញាដ៏មានឥទ្ធិពលនៃសំណាងល្អ និងតំណាងឲ្យជោគជ័យដ៏អស្ចារ្យ វិបុលភាពប្រកបដោយនិរន្តរភាព អំណាចដ៏អស្ចារ្យ ហើយអាចជាគ្រឿងការពារដ៏រឹងមាំ។ សូមដាក់រូបសំណាកនាគនៅចំកណ្តាលបន្ទប់ទទួលភ្ញៀវ បន្ទប់ទទួលទានអាហារ ឬច្រកចូល ដើម្បីទាក់ទាញសំណាងល្អដល់ខ្លួនឯងនិងក្រុមគ្រួសារ។

ដើមឈើបៃតង

ដើមឈើជួយស្រូបយកថាមពលវិជ្ជមាន​ បង្កើនទ្រព្យសម្បត្តិ ភាពរុងរឿងសម្រាប់ផ្ទះ និងកន្លែងធ្វើការដូចជាដើមឬស្សីនេះក៏ដោយសារតែដើមឬស្សីជានិមិត្តរូបនៃការលូតលាស់ និងសុភមង្គល។ អ្នកគួរដាំនៅទិសខាងកើត ឬភាគអាគ្នេយ៍ ឬ​ដាក់​នៅ​កន្លែង​ផ្សេង​ៗ​ដើម្បី​នាំ​លាភ​សំណាង និង​នាំ​សេចក្តីសុខ​ដល់​គ្រួសារ ។

ត្បូង

Jade ឬត្បូង អាច​ពាក់​ជា​គ្រឿង​អលង្ការ (ខ្សែ​ក ចិញ្ចៀន កងដៃ) ឬ​រក្សា​ទុក​ក្នុង​កាបូប​ដើម្បី​ទាក់ទាញ​សំណាង​ល្អ​។​ ជាពិសេសប្រសិនបើអ្នកដាក់ត្បូង​ក្នុង​ផ្ទះ ឬ​ការិយាល័យ​ដែល​មាន​ខ្យល់​ចេញ​ចូល​ល្អ នោះវាជួយបង្កើនថាមពលវិជ្ជមាន និងវិបុលភាពជាក់ជាមិនខានឡើយ៕

គ្រូ ណុប

ចុចអាន៖យោងតាមជំនឿហុងស៊ុយ តើគួរដាំផ្កាក្រដាសនៅមុខផ្ទះដែរឬទេ?