វប្បធម៌ ជំនឿ

ចេះតែដាច់លុយ តាមពិតមកពីក្នុងផ្ទះមានកំហុស ៣ យ៉ាងនេះសោះ

បានផុស

៤ ខែ មុន

នៅ

ថ្ងៃព្រហស្បតិ៍ ១៩ កញ្ញា ២០២៤

ដោយ

យោងទៅតាមជំនឿពីហុងស៊ុយពីហោរាស្រ្តចិនបានទស្សទាយថា ប្រសិនបើនៅក្នុងផ្ទះរបស់អ្នកមានវត្ថុឬរបស់រញ៉េរញ៉ៃច្រើន អាចនាំឲ្យមានផលវិបាកដែលមិននឹកស្មានដល់។ មិនថាជាបញ្ហាសុខភាព ទំនាក់ទំនង ហិរញ្ញវត្ថុ ឬសំណាងទេ វាសុទ្ធតែប៉ះពាល់ទាំងអស់ ខណៈដែលយើងជាម្ចាស់ច្រើនតែមិនដឹង។

ទន្ទឹមនោះដែរ រឿងរកាំរកូសច្រើននឹងកើតឡើងដូចគ្នា មិនថាការឈ្លោះប្រកែកសូម្បីតែរឿងតូចតាចកាក់ល្អិតនោះទេ។ រឿងខ្លះយើងមិនអាចមើលដឹងស្មានបានឡើយ ប៉ុន្តែវាបានកើតឡើងដោយសារតែក្នុងផ្ទះស្មុគស្មាញ និងមានវត្ថុស៊ប់ទ្រប់ពេក លុយកាក់ក៏លែងហូរមកដែរ។

១ ព្យួរកញ្ចក់ទល់មុខទ្វារ

យោងទៅតាមគោលការណ៍ហុងស៊ុយ ការព្យួរកញ្ចក់ទល់មុខច្រកចូលផ្ទះរបស់អ្នក មិនមែនជាគំនិតល្អទេ។ ព្រោះគេជឿថា កញ្ចក់នឹងឆ្លុះបញ្ចាំងពីលាភសំណាង ទ្រព្យសម្បត្តិ និងថាមពលល្អ ធ្វើឲ្យមនុស្សក្នុងផ្ទះមានអារម្មណ៍មិនស្រួល និងគេងមិនលក់ នាំឲ្យកើតជំងឺផ្សេងៗ។

២ ទ្វារមុខផ្ទះមានសភាពរញ៉េរញ៉ៃ កខ្វក់ ហើយមានសំរាមនៅមុខផ្ទះ

យោងទៅតាមគោលការណ៍ហុងស៊ុយ ការដាក់ស្បែកជើងរញ៉េរញ៉ៃ និងសំរាមនៅមុខផ្ទះគឺមិនល្អទេ។ ក្រៅពីធ្វើឲ្យផ្ទះមើលទៅរញ៉េរញ៉ៃ និងកខ្វក់ វាក៏ជះឥទ្ធិពលអវិជ្ជមានដល់បរិយាកាសនៅក្នុងផ្ទះផងដែរ។ ផ្ទះជាច្រើនតែងតែដោះស្បែកជើងចេញដាក់ខាងមុខ ដែលធ្វើឲ្យផ្ទះមើលទៅមិនទាក់ទាញ និងខ្យល់អាកាសមិនល្អ។ ធូលី និងភាពកខ្វក់ដែលជាប់នឹងស្បែកជើងរបស់យើង វាអាចនាំរឿងអាក្រក់ចូលក្នុងផ្ទះ។ វាធ្វើឲ្យផ្ទះមានអារម្មណ៍មិនស្រួលជាពិសេសមនុស្សរស់នៅក្នុងផ្ទះ។

៣ បន្ទប់គេងរញ៉េរញ៉ៃ និងគ្មានពន្លឺ

បន្ទប់គេងដែលរញ៉េរញ៉ៃ និងងងឹត វាមិនត្រឹមតែមើលទៅមិនស្អាតប៉ុណ្ណោះទេ ប៉ុន្តែវាក៏មានឥទ្ធិពលអវិជ្ជមានទៅលើគុណភាពនៃការគេងផងដែរ។ យោងទៅតាមគោលការណ៍ហុងស៊ុយ ខ្យល់ ហើយចរន្តខ្យល់នៅក្នុងបន្ទប់មានសារៈសំខាន់ណាស់។ ប្រសិនបើបន្ទប់មានភាពរញ៉េរញ៉ៃវានឹងរារាំងចរន្តខ្យល់ ធ្វើឲ្យអ្នកមានអារម្មណ៍មិនស្រួល និងពិបាកដកដង្ហើម។

លើសពីនេះទៀត បន្ទប់គេងគួរតែមានពន្លឺធម្មជាតិគ្រប់គ្រាន់ និងមានខ្យល់ចេញចូលបានល្អ។ ប្រសិនបើបន្ទប់គេងមិនមានខ្យល់ចេញចូលទេ វានឹងនាំឲ្យមានការថយចុះនៃការស្រូបយកថាមពលសំខាន់ៗ។ គុណភាពនៃការគេងកាន់តែយ៉ាប់យ៉ឺន ហើយនៅទីបំផុតមានឥទ្ធិពលអវិជ្ជមានលើសុខភាព៕