វប្បធម៌ ជំនឿ

បុរាណថា រៀប៣យ៉ាងក្នុងផ្ទះពេលឆ្នាំចិន ទាក់ទាញលុយហូរចូលពេញមួយឆ្នាំ

បានផុស

៥២ វិនាទី មុន

នៅ

ថ្ងៃអង្គារ ២១ មករា ២០២៥

ដោយ

យោងតាមជំនឿពីបុរាណ ប្រសិនបើលោកអ្នកចង់ឲ្យបុណ្យចូលឆ្នាំចិនឆ្នាំ ២០២៥ ពោរពេញដោយសំណាងល្អនិងទ្រព្យសម្បត្តិ នោះម្ចាស់ផ្ទះត្រូវរៀបចំវត្ថុទាំងបី ដើម្បីស្វាគមន៍បុណ្យចូលឆ្នាំចិន។ ជាពិសេស សូមកុំទុកវាឲ្យនៅទទេ ព្រោះអាចនាំលាភសំណាងចេញ ឬអ្វីដែលល្អចេញពីយើងបានដោយងាយ។

ទី១ ពន្លឺ

កាលដែលយើងបើកភ្លើងនៅពេលយប់ លើសពីការបំភ្លឺផ្ទះរបស់អ្នក។ យោងទៅតាមជំនឿបុរាណ ភ្លើងគឺជានិមិត្តរូបនៃក្តីសង្ឃឹម និងសំណាងល្អដែលនឹងនាំមកនូវសុភមង្គល ភាពចម្រុងចម្រើន និងសុខភាពល្អដល់ក្រុមគ្រួសារក្នុងឆ្នាំថ្មី។ វាដូចជាការបណ្តេញភាពងងឹត និងអំពើអាក្រក់ ហើយសូមស្វាគមន៍រឿងល្អៗចូលមកជំនួសវិញ។

ទី២ តុពេញទៅដោយម្ហូប ហើយឆ្នាំងក៏ពេញទៅដោយអាហារ

តាមជំនឿបើមានម្ហូបច្រើនក្នុងផ្ទះក្នុងថ្ងៃចូលឆ្នាំ។ វាប្រៀបដូចជានិមិត្តសញ្ញានៃភាពសម្បូរបែប និងសុភមង្គលក្នុងជីវិត វាមានន័យថា មានអាហារគ្រប់គ្រាន់សម្រាប់ប្រើប្រាស់ពេញមួយឆ្នាំ។ លើសពីនេះ តុពោរពេញដោយអាហារគឺជាជាការបួងសួងឲ្យជីវិតក្នុងឆ្នាំថ្មីពោរពេញទៅដោយភាពស្កប់ស្កល់។

ទី៣ ធុងអង្ករ

មានធុងអង្ករពេញក្នុងផ្ទះ វាជានិមិត្តរូបនៃការធ្វើផែនការ និងការរៀបចំសម្រាប់អនាគត ស្ថេរភាពជីវិត និងការត្រៀមខ្លួនដើម្បីប្រឈមមុខនឹងរឿងនៅក្នុងឆ្នាំថ្មី។

ទោះបីជាយ៉ាងណាក៏ដោយ តាមរយៈការរៀបរាប់ខាងលើនេះគ្រាន់តែផ្អែកតាមជំនឿផ្ទាល់ខ្លួនតែប៉ុណ្ណោះ! សម្រាប់ប្រជាជនខ្មែរកាត់សែស្រឡាយចិន តែងដឹងនិងស្គាល់អំពីទំនៀមទម្លាប់របស់ដូនតាខ្លួន ទើបពួកគេនិយមធ្វើជារៀងរាល់ឆ្នាំដើម្បីនាំលាភសំណាងនិងលុយកាក់ពេញមួយឆ្នាំ៕