វប្បធម៌ ជំនឿ

តាមក្បួនហុងស៊ុយ៖ រឿងគួរចៀសវាង ពេលជួលផ្ទះគេដើម្បីស្នាក់នៅ

បានផុស

១ ខែ មុន

នៅ

ថ្ងៃអាទិត្យ ២៣ កុម្ភៈ ២០២៥

ដោយ

នៅពេលជ្រើសរើស និងរស់នៅក្នុងផ្ទះជួល ការយកចិត្តទុកដាក់លើធាតុហុងស៊ុយ និងបរិស្ថានជុំវិញមានសារៈសំខាន់ខ្លាំងណាស់ ដើម្បីធានាបាននូវសុខភាព ស្មារតី និងសំណាង។ នេះគឺជារឿងដែលអ្នកគួរចៀសវាងឬប្រសិនបើមានរឿងមិនល្អទេ ចូរកុំរស់នៅទីនោះឲ្យសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចៀសវាងការជួលផ្ទះនៅជិតទីបញ្ចុះសព ឬមន្ទីរពេទ្យ

តំបន់ដូចជាទីបញ្ចុះសព មន្ទីរពេទ្យ និងពន្ធនាគារ តែងតែមានថាមពលអវិជ្ជមានខ្លាំង ដែលយោងទៅតាមហុងស៊ុយ អាចជះឥទ្ធិពលអវិជ្ជមានដល់សុខភាព និងស្មារតីរបស់អ្នករស់នៅ។ ដូច្នេះហើយ អ្នកគួរតែចៀសវាងការជួលផ្ទះនៅជិតកន្លែងទាំងនេះ ដើម្បីធានាបាននូវបរិយាកាសរស់នៅប្រកបដោយសុខភាពល្អ។

ផ្ទះដែលមានព្យួរ Amulet ឬកញ្ចក់៨ទិស

ប្រសិនបើអ្នកឃើញផ្ទះដែលព្យួររណេងរណោងនូវគ្រឿង Amulet ឬកញ្ចក់នៃយ័ន្ត៨ទិស នេះអាចជាសញ្ញាថាម្ចាស់ផ្ទះ ឬអ្នកជួលមុនមានបញ្ហាហុងស៊ុយ ឬខាងវិញ្ញាណ។ ការជួលបន្ទប់បែបនេះ អាចមានអារម្មណ៍អសន្តិសុខ និងមិនស្រួលនៅក្នុងការរស់នៅឡើយ។

ផ្ទះមិនមានបង្អួច

បង្អួចជួយចរាចរខ្យល់ និងអនុញ្ញាតឲ្យមានពន្លឺធម្មជាតិ បង្កើតបរិយាកាសរស់នៅស្រស់ថ្លា និងមានខ្យល់អាកាស។ ផ្ទះដែលមិនមានបង្អួចច្រើនតែសើម និងខ្វះពន្លឺ ដែលអាចមានផលប៉ះពាល់អវិជ្ជមានដល់សុខភាព និងស្មារតីអ្នករស់នៅ។

ផ្ទះដែលមានធ្នឹមនៅចំកណ្តាលផ្ទះ ឬពីលើគ្រែ

របារឈើឆ្កាងដាក់នៅកណ្តាលផ្ទះ ឬពីលើគ្រែ ត្រូវបានចាត់ទុកថាជាធាតុហុងស៊ុយមិនល្អ ដែលអាចបង្កសម្ពាធ រារាំងលំហូរនៃថាមពល និងប៉ះពាល់ដល់សុខភាព និងទ្រព្យសម្បត្តិរបស់អ្នករស់នៅ។ អ្នកគួរតែចៀសវាងការជួលផ្ទះ ដែលមានការរចនាបែបនេះ។

ផ្ទះជួលដែលទ្វារធំទល់មុខបង្គន់

តាមហុងស៊ុយ ទ្វារធំដែលបែរមុខទៅបង្គន់ផ្ទាល់ អាចនាំឲ្យមានការជ្រៀតចូលនៃថាមពលអាក្រក់ក្នុងលំហរស់នៅ ប៉ះពាល់ដល់សុខភាព និងទ្រព្យសម្បត្តិ ។ ដូច្នេះ គួរចៀសវាងផ្ទះសំណាក់ដែលមានប្លង់បែបនេះ។

ផ្ទះមានទ្វារមេ ដែលតម្រង់ទៅទ្វារក្រោយ

ប្លង់នេះត្រូវបានគេហៅថាច្រកទ្វារខ្មោច តាមហុងស៊ុយ ធ្វើឲ្យមានថាមពល និងទ្រព្យសម្បត្តិហូរចេញយ៉ាងងាយស្រួល មិនកកកុញនៅក្នុងផ្ទះ។ ការជួលផ្ទះជាមួយនឹងការរចនានេះ អាចនាំឲ្យខាតបង់ប្រាក់និងសំណាងអាក្រក់កើតឡើង។

ផ្ទះមានរូបរាងមិនស៊ីមេទ្រី

ផ្ទះដែលមានរាងមិនរាងការ៉េដែលខូចទ្រង់ទ្រាយ អាចបណ្តាលឲ្យមានអតុល្យភាពថាមពល ប៉ះពាល់ដល់ការងារ និងជីវិតរបស់អ្នករស់នៅ។ ជ្រើសរើសបន្ទប់ដែលមានរាងការ៉េ ដើម្បីធានាបាននូវភាពសុខដុម និងស្ថេរភាព។ឮ

ផ្ទះចាស់ពេក ឬនៅទំនេរយូរ

ផ្ទះចាស់តែងតែមានគ្រឿងបរិក្ខារខូចគុណភាព មិនមានអនាម័យ និងគ្មានសុវត្ថិភាព។ ជាងនេះទៅទៀត ផ្ទះដែលនៅទំនេរយូរមកហើយ អាចប្រមូលផ្តុំថាមពលមិនល្អ ប៉ះពាល់ដល់សុខភាព និងស្មារតីអ្នករស់នៅ។ អ្នកគួរតែចៀសវាងការជួលកន្លែងស្នាក់នៅបែបនេះ ដើម្បីធានាបាននូវបរិយាកាសរស់នៅល្អ។

កន្លែងស្នាក់នៅជិតតំបន់ដែលមានសំលេងរំខាន

តំបន់នៅជិតបារ ខារ៉ាអូខេ ផ្សាររាត្រី ឬកន្លែងមានមនុស្សកកកុញច្រើនតែមានសំឡេងខ្លាំង ដែលប៉ះពាល់ដល់ដំណេក និងសន្តិភាពរបស់អ្នក។ លើសពីនេះ ទីតាំងទាំងនេះក៏អាចបង្កបញ្ហាសុវត្ថិភាពដែលអាចកើតមានផងដែរ។ អ្នកគួរជ្រើសរើសផ្ទះជួលក្នុងតំបន់ស្ងប់ស្ងាត់ និងសុវត្ថិភាព ដើម្បីធានាគុណភាពជីវិត។

យ៉ាងណាមិញ ការយកចិត្តទុកដាក់លើបម្រាមខាងលើនឹងជួយអ្នកជ្រើសរើសកន្លែងស្នាក់នៅបានត្រឹមត្រូវ នាំមកនូវភាពសុខស្រួល សន្តិភាពផ្លូវចិត្ត និងសំណាងក្នុងជីវិតប្រចាំថ្ងៃរបស់អ្នក៕