៤ ចំណុច​​ពង្រឹង​ហុងស៊ុយ ហៅលុយចូលក្នុងផ្ទះ

ការតុបតែងគេហដ្ឋានដើម្បីបង្កើនហុងស៊ុយ ត្រូវបានគេជឿថា មិនត្រឹមតែអាចផ្លាស់ប្តូររឿងតូចតាចនៅក្នុងផ្ទះប៉ុណ្ណោះទេ តែក៏អាចទាក់ទាញថាមពលល្អ និងបង្កើនទ្រព្យសម្បត្តិរបស់អ្នកផងដែរ។ ជាពិសេសតំបន់ជុំវិញទ្វារ ដែលចាត់ទុកថា ជាចំណុចសំខាន់ក្នុងការនាំលាភសំណាងចូលផ្ទះ។ ជាមួយនឹងធាតុដែលមានតំលៃសមរម្យ ប៉ុន្តែវាក៏មានថាមពលខ្លាំងក្នុងការទាក់ទាញទ្រព្យសម្បត្តិ និងវិបុលភាព។

ការតុបតែងគេហដ្ឋាន ដើម្បីបង្កើនហុងស៊ុយ

បើកទ្វារហើយស្វែងរកពណ៌ក្រហម ដើម្បីបង្កើនទ្រព្យសម្បត្តិរបស់អ្នក។ ពណ៌ក្រហមតំណាងឲ្យសំណាងល្អ ទ្រព្យសម្បត្តិ និងថាមពលវិជ្ជមាន។ ដូច្នេះ សូមតុបតែងតំបន់ទ្វារខាងមុខដោយពណ៌ក្រហម ដូចជាកម្រាលព្រំក្រហម សញ្ញាស្វាគមន៍ ឬការតុបតែងពណ៌ក្រហម វានឹងជួយជំរុញថាមពលនៃទ្រព្យសម្បត្តិឲ្យហូរចូលផ្ទះ។

បើកទ្វារហើយស្វែងរកពណ៌បៃតង ដើម្បីបង្កើនភាពស្រស់ស្រាយនិងសំណាងល្អ

ពណ៌បៃតង តំណាងឲ្យភាពស្រស់ ការលូតលាស់ និងភាពរឹងមាំ។ ដូច្នេះការដាក់រុក្ខជាតិបៃតងតូចមួយនៅមុខទ្វាររបស់អ្នក វានឹងជួយបង្កើតបរិយាកាសសម្រាកកាយ និងមិត្តភាព ខណៈពេលដែលក៏ទាក់ទាញថាមពលនៃភាពរុងរឿង។

កម្រាលព្រំគឺការច្រោះថាមពល

កម្រាលព្រំមិនត្រឹមតែជួយរក្សាអនាម័យប៉ុណ្ណោះទេ ប៉ុន្តែវាក៏ជាជំហានដំបូងក្នុងការត្រងថាមពលជាវិជ្ជមានចូលដល់ក្នុងផ្ទះ។ អ្នកគួរតែជ្រើសរើសកម្រាលព្រំ ដែលមានពណ៌ត្រូវនឹងធាតុ ដើម្បីបង្កើនភាពរុងរឿងនិងសិរីសួស្ដី ហើយក៏ត្រូវលាងសម្អាតឲ្យបានទៀងទាត់ ដើម្បីទប់ស្កាត់ការប្រមូលផ្តុំថាមពលអវិជ្ជមានចូលមកដល់ក្នុងផ្ទះផងដែរ។

រូបភាព​ដ៏​ល្អ​បង្កើត​បរិយាកាស​នៃ​សន្តិភាព និង​វិបុលភាព

ក្រៅពីពណ៌តំណាងឲ្យលាភសក្ការ និងវត្ថុច្រោះភាពកខ្វក់យើងក៏ត្រូវតែព្យួររូបភាពដែលមានអត្ថន័យល្អទៅជាមួយដែរ។ វាបង្ហាញពីភាពរុងរឿង ការមានកូន ឬសន្តិភាពដូចជាទេសភាពធម្មជាតិ រូបភាពផ្កាសំណាង ឬរូបភាពដែលមានពាក្យល្អ ៗ សរសេរនៅលើវា នៅមុខទ្វារ វានឹងជួយបង្កើតបរិយាកាសសន្តិភាព និងទាក់ទាញថាមពលនៃទ្រព្យសម្បត្តិយ៉ាងច្រើនមិនខាន៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រូ ណុប

ចុចអាន៖ខ្សែដៃអង្កាំ គួរពាក់យ៉ាងម៉េច ទើបនាំហុងស៊ុយដល់ម្ចាស់