កំណាត់ផ្លូវជាតិ ២ ខ្សែ ក្នុងខេត្តក្រចេះ ​ជួសជុល​ពង្រីក​​ទទឹងតួ​​ផ្លូវ​បន្ថែម​​​ឲ្យ​ធំទូលាយ

មន្ទីសាធារណការ និងដឹកជញ្ជូនខេត្តក្រចេះ​បាន​ដំណើរការ​ជួសជុល​កំណាត់ផ្លូវជាតិ​ពីរខ្សែ​ដោយ​ពង្រីកទទឹងតួផ្លូវ​បន្ថែម​ ដោយសារកំណេីនមធ្យោបាយដឹកជញ្ជូនបានកេីនឡេីងជារៀងរាល់ឆ្នាំ រីឯផ្លូវមានលក្ខណៈតូចចង្អៀតធ្វេី​ឲ្យ​មានការលំបាកក្នុងការធ្វេីចរាចរណ៍។

យោងតាមរបាយការណ៍មន្ទីសាធារណការ និងដឹកជញ្ជូនខេត្តក្រចេះបានឱ្យដឹងថា ផ្លូវ​ដែល​ស្ថាបនា​ពង្រីក​ ខ្សែទី១គឺកំណាត់ផ្លូវជាតិលេខ ៧៣ ដោយក្រាលកៅស៊ូ DBST ប្រវែង ១៧០០ម៉ែត្រ មានទទឹង ១០ម៉ែត្រ ចាប់ពីគីឡូម៉ែត្រ ៨៣+០០០ ដល់គីឡូម៉ែត្រ ៨៤+៧០០ ស្ថិតក្នុងភូមិបុសលាវ ឃុំបុសលាវ ស្រុកចិត្របុរី ខេត្តក្រចេះ ដែល​សម្រេចបាន ២៥%។

កំណាត់ខ្សែទី២ គឺកំណាត់ផ្លូវជាតិលេខ ៧៦ ដោយ​ក្រាលកៅស៊ូ DBST បន្ថែមពីលើ (Reseal DBST) ប្រវែង ៥ ០០០ ម៉ែត្រ មានទទឹង ១០ ម៉ែត្រ ចាប់ពីគីឡូម៉ែត្រ ៣៣-៨៨០ ដល់គីឡូម៉ែត្រ ៣៨+៨៨០ ស្ថិតក្នុងឃុំគ្រញូងសែនជ័យ ស្រុកស្នួល ខេត្តក្រចេះ ដែល​បច្ចុប្បន្ន​សម្រេចបាន ១៤%។

កំណាត់ផ្លូវជាតិទាំង២ខ្សែនេះ បានចាប់ដំណើការស្ថាបនានាអំឡុងខែធ្នូ ឆ្នាំ២០២៥ ដោយបច្ចុប្បន្ននេះ ក្រុមការងារ បាននឹងកំពុងដំណើរការស្ថាបនា ពង្រីកទ្រូងផ្លូវ និងត្រៀមចាក់កៅស៊ូ ប្រភេទ DBST បន្ថែម​ពីលើទៀត ដើម្បីលើកកម្ពស់សោភណ្ឌ័ភាព គុណភាពផ្លូវ និងផ្ដល់ភាពងាយស្រួលជូនដល់ពលរដ្ឋពេលធ្វើដំណើរ៕

អត្ថបទ៖ ប្រុញ វិធិន