សេដ្ឋកិច្ច
សមាគមម្រេចកំពតរំពឹងថាឆ្នាំនេះគ្រោងនាំចេញម្រេចឱ្យបានលើសពី៧០តោន ដោយសារមានតម្រូវការទីផ្សារខ្ពស់
សមាគមលើកស្ទួយម្រេចកំពតរំពឹងថា នៅឆ្នាំនេះសមាគមនឹងពង្រីកការនាំចេញម្រេចទាំងបីប្រភេទឱ្យបានលើសពី៧០តោន ដោយសារមានតម្រូវការទីផ្សារទូលាយ និងមានការបញ្ជាទិញច្រើនជាងមុន។
លោក ងួន ឡាយ សមាគមលើកស្ទួយម្រេចកំពតបានប្រាប់កម្ពុជាថ្មីនៅរសៀលថ្ងៃទី៥មិថុនាឱ្យដឹងថា «សម្រាប់ទីផ្សារកំពតមកដល់ថ្ងៃនេះយើងមានទីផ្សារល្អទេព្រោះយើងមានធ្វើកិច្ចសន្យាកុងត្រាជាមួយក្រុមហ៊ុនដែលភាគច្រើនយើងផ្តោតទៅលើកសិករខ្នាតតូចៗដែលមានកសិករជុំវិញ២៨៧គ្រួសារដែលធ្វើកុងត្រាហ្នឹង»។

លោក បានបន្តទៀតថា ក្នុងនោះចុះកុងត្រាជាមួយក្រុមហ៊ុនអ៊ីយូលែនជាង១៧០គ្រួសារ ក្រុមហ៊ុនហ្វាមលីងជាង៧០គ្រួសារ ក្រុមហ៊ុនផារ៉ាដាយ២០គ្រួសារ និងក្រុមហ៊ុនឡាផ្លែន ថេសិនប្រមាណជាង២០គ្រួសារសម្រាប់នាំចេញទៅលក់នៅក្រៅប្រទេស។
លោកប្រធានសមាគមបានបន្ថែមទៀត«ដូច្នេះសរុបមកវិញសម្រាប់ទីផ្សារម្រេចកំពតឆ្នាំនេះយើងមិនមានអ្វីគួរឱ្យព្រួយបារម្ភទេទៅលើកសិករខ្នាតតូចនិងមធ្យម»។

លោក បានឱ្យដឹងទៀតថាសមាគមក៏បានសម្របសម្រួលជាមួយកសិករខ្នាតធំដែលមានជាង១០០គ្រួសារនិងកសិករខ្នាតមធ្យមខ្លះដែលកន្លងមកការផលិតខុសពីស្តង់ដាដោយសមាគមបានជួយរៀបចំជាមួយក្រុមហ៊ុនអ៊ីយូលែនបង្កើតជាវេបសាយដើម្បីលក់នៅតាមអនឡាញដែលគ្រោងនឹងចេញឆាប់ៗនេះ។
លោក បានបញ្ជាក់បន្ថែមថាជំងឺកូវីដ‑ ១៩មិនបានធ្វើឱ្យប៉ះពាល់ដល់ទីផ្សារម្រេចកំពតនោះទេពោលគឺតម្លៃទីផ្សារនៅតែល្អប្រសើរដដែលទេបើទោះបីជាកន្លងទៅយើងពឹងផ្អែកទីផ្សារអ្នកទេសចរណ៍៣០ភាគរយក៏ដោយ។
លោក ប្រធានសមាគមបានបញ្ជាក់ថាបច្ចុប្បន្ននេះសមាគមមានម្រេចចំនួនបីប្រភេទសម្រាប់លក់នាំចេញទៅក្រៅប្រទេសទី១ម្រេចក្រហមមានតម្លៃប្រមាណ២៥ដុល្លារក្នុងមួយគីឡូក្រាម ទី២ម្រេចស មានតម្លៃ២៨ដុល្លារ និងទី៣ម្រេចខ្មៅមានតម្លៃ១៥ដុល្លារក្នុងមួយគីឡូក្រាម។
គួរបញ្ជាក់ថាបច្ចុប្បន្ននេះសមាគមលើកស្ទួយម្រេចកំពតមានសមាជិកជាកសិករដាំម្រេចចំនួន៤០៤គ្រួសារទាំងកសិករខ្នាតតូច កសិករខ្នាតមធ្យមនិងកសិករខ្នាតធំ៕ អត្ថបទ៖សំអឿន

-
ព័ត៌មានអន្ដរជាតិ៨ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៨ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?