ព័ត៌មានជាតិ

សម្តេចតេជោ៖ ចុះបញ្ជីពាណិជ្ជកម្ម ប្រើពេល ៨ ថ្ងៃ អាចបើកក្រុមហ៊ុនបាន

បានផុស

៤ years មុន

នៅ

ថ្ងៃសុក្រ ២៧ វិច្ឆិកា ២០២០

ដោយ

សម្ដេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងក្នុងពិធីបើកពិព័រណ៍ ចិន-អាស៊ាន លើកទី១៧ ក្រោមប្រធានបទ ” កសាងខ្សែក្រវាត់ និងផ្លូវ និងពង្រឹងកិច្ចសហប្រតិបត្តិការសេដ្ឋកិច្ចឌីជីថល ” តាមរយៈប្រព័ន្ធវីដេអូ។

សម្តេចអគ្គមហាសេនាបតីតេជោ ហ៊ុន សែន អញ្ជើញចូលរួមបើកពិព័រណ៍ចិន-អាស៊ាន លើទី១៥ កាលពីឆ្នាំ ២០១៨

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសន្ទរកថាតាមប្រព័ន្ធវីដេអូ សម្តេចតេជោបានលើកឡើងថា រាជរដ្ឋាភិបាលកម្ពុជាបានលើកកម្ពស់ការធ្វើឌីជីថលនូបនីយកម្ម ទាំងក្នុងវិស័យផលិតកម្ម ឧស្សាហកម្ម សេវាកម្ម និងរដ្ឋាភិបាលឌីជីថល។ កម្ពុជានឹងដាក់ចេញក្របខណ្ឌគោលនយោបាយសេដ្ឋកិច្ច និងសង្គមឌីជីថលនាពេលឆាប់ៗខាងមុខនេះ។

ដើម្បីកែលម្អបរិយាកាសធុរកិច្ចនិងវិនិយោគនៅក្នុងប្រទេសកម្ពុជា រាជរដ្ឋាភិបាលក៏បានដាក់ចេញវិធានការកែទម្រង់មុតស្រួចជាបន្តបន្ទាប់ មានដូចជា៖

ទី១/ ការដាក់ឲ្យអនុវត្តថ្នាលចុះបញ្ជីពាណិជ្ជកម្មតាមប្រព័ន្ធអេឡិចត្រូនិក ដោយចំណាយពេលតែ ៨ ថ្ងៃក្នុងការបើកក្រុមហ៊ុនអាជីវកម្ម។

ទី២/ ការចុះកិច្ចព្រមព្រៀងពាណិជ្ជកម្មសេរីកម្ពុជា ចិន ដែលនឹងចូលជាធរមាននៅថ្ងៃទី ១ មករា ២០២១។

ទី៣/ ការរៀបចំផែនការមេដើម្បីអភិវឌ្ឍខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង។

សម្តេចតេជោបន្តថា កម្ពុជានឹងដាក់ចេញច្បាប់វិនិយោគថ្មី ដែលមានលក្ខណៈគ្រប់ជ្រុងជ្រោយនិងមានភាពទាក់ទាញតាមរយៈការលើកទឹកចិត្តជាកញ្ចប់ដល់ការវិនិយោគលើវិស័យឧស្សាហកម្មអេឡិចត្រូនិកបង្គំ កសិឧស្សាហកម្ម គ្រឿងបន្លាស់ បច្ចេកវិទ្យា និងហេដ្ឋារចនាសម្ពន្ធឌីជីថល៕

Related Topics: