ត្រូវរក្សាលេខសម្ងាត់ធនាគារបែបណាដើម្បីសុវត្ថិភាព?

លេខសម្ងាត់(Password) ធនាគារប្រៀបដូចជាសោចាក់ផ្ទះ ប្រសិនបើមានការធ្វេសប្រហែសដោយប្រការណាមួយនោះ គឺនឹងមានការខាតបង់។

លោក អ៊ិន ចាន់នី ប្រធាននាយកប្រតិបត្តិនៃធនាគារអេស៊ីលីដា ភីអិលស៊ី បានឱ្យដឹងថា លេខសម្ងាត់របស់ប្រព័ន្ធធនាគារ ដែលយើងប្រើប្រាស់សព្វថ្ងៃត្រូវរក្សាឱ្យបានគង់វង្ស ដូចយើងថែរក្សាសោផ្ទះ សោឡាន សោម៉ូតូ សោទូ កុំឱ្យអ្នកផ្សេងដឹងជាដាច់ខាត ដើម្បីសុវត្ថិភាពថវិកានៅក្នុងធនាគាររបស់យើង។

លោកបន្តថា« ធនាគារមានប្រព័​​ន្ធគ្រប់គ្រាន់ការពារសុវត្ថិភាព ប៉ុន្តែបើពឹងតែទៅលើធនាគារតែម្នាក់ឯងមិនគ្រប់គ្រាន់ទេ បើអ្នកប្រើប្រាស់ធ្វេសប្រហែស​លេខសម្ងាត់ ដូចឱ្យកូនសោទៅគេចូលក្នុងផ្ទះខ្លួនអ៊ីចឹងដែរ»។

លោក អ៊ិន ចាន់នី ប្រធាននាយកប្រតិបត្តិនៃធនាគារអេស៊ីលីដា ភីអិលស៊ី បានឱ្យដឹងថា លេខសម្ងាត់របស់ប្រព័ន្ធធនាគារ ដែលយើងប្រើប្រាស់សព្វថ្ងៃ​ត្រូវរក្សាឱ្យបានគង់វង្ស ដូចយើងថែរក្សាសោផ្ទះ សោឡាន សោម៉ូតូ សោទូ កុំឱ្យអ្នកផ្សេងដឹងជាដាច់ខាត ដើម្បីសុវត្ថិភាពថវិកានៅក្នុងធនាគារ​របស់យើង។

បើតាមលោក ចាន់នី លេខសម្ងាត់ត្រូវតែមាននិមិត្តសញ្ញា អក្សរ លាយជាមួយលេខ ដើម្បីសុវត្ថិភាព។ នៅពេលបង្កើតកុងធនាគារ ភ្នាក់ងារធនាគារ និងណែនាំអតិថិជនពីរបៀបការពារ និងគ្រប់គ្រង។ ចំពោះលេខសម្ងាត់ អ្នកប្រើប្រាស់ជាអ្នកដាក់ដោយខ្លួនឯង តាមចំណង់ចំណូលចិត្ត។

នាយកប្រតិបត្តិនៃធនាគារអេស៊ីលីដា បានសង្កត់ធ្ងន់ថា អ្នកដែលងាយប្រឈមនឹងបាត់បង់ប្រាក់ គឺអ្នកប្រើប្រាស់ដែលធ្វេសប្រហែស​មិនធ្វើតាមការ​ណែនាំរបស់ធនាគារ។ ផ្ទុយទៅវិញ អ្នកដែលអនុវត្តតាមការណែនាំរបស់ធនាគារ គឺមានសុវត្ថិភាពខ្ពស់ ពុំធ្លាប់មានការបាត់បង់ឡើយ៕

អត្ថបទ៖ ទួន សុផល