សេដ្ឋកិច្ច

កម្ពុជា ចិន ឯកភាពជំរុញពាណិជ្ជកម្មទ្វេកើនដល់ ១០ ពាន់លានដុល្លារក្នុង ១ ឆ្នាំ

បានផុស

៣ years មុន

នៅ

ថ្ងៃអង្គារ ១៦ វិច្ឆិកា ២០២១

ដោយ

ប្រមុខរាជរដ្ឋាភិបាលកម្ពុជាសម្តេចតេជោ ហ៊ុន សែន និង លោក លី ខឺឈាំង នាយករដ្ឋមន្ត្រីនៃសាធារណរដ្ឋប្រជាមានិតចិនបានឯកភាពគ្នាក្នុងការជំរុញពាណិជ្ជកម្មទ្វេ រវាងប្រទេសទាំងពីរឱ្យកើនឡើងដល់ ១០ ពាន់ដុល្លារក្នុង ១ឆ្នាំ និងបានឯកភាពគ្នាដាក់ឱ្យចូលជាធរមាននូវកិច្ចព្រមព្រៀងពាណិជ្ជកម្មសេរីកម្ពុជាចិន នៅក្នុងខែមករា ឆ្នាំ ២០២២ នេះ។នេះបើយោងតាមលោក អ៊ាង សុផល្លែត ជំនួយការផ្ទាល់ សម្តេចតេជោ នាយករដ្ឋមន្ត្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងជំនួបនោះ សម្ដេចតេជោ និងលោក លី ខឺឈាំង បានពិភាក្សាគ្នាទាក់ទងនឹងទំនាក់ទំនងកិច្ចសហប្រតិបត្តិការទ្វេភាគីរវាងប្រទេសទាំងពីរ ដោយបានពិភាក្សាគ្នាលើបញ្ហាសេដ្ឋកិច្ច និងពាណិជ្ជកម្ម បញ្ហាកសិកម្ម និងបញ្ហាទំនាក់ទំនងរវាងប្រជាជន និងប្រជាជន។ ពាក់ព័ន្ធនឹងករណីនេះ សម្ដេចតេជោ និងលោក លី ខឹឈាំង បានឯកភាព គ្នាក្នុងការជំរុញពាណិជ្ជកម្មរវាងប្រទេសទាំងពីរ ឱ្យបានកើតឡើងដល់ ១០ ពាន់លាន ដុល្លារក្នុង១ឆ្នាំ ហើយក៏បានឯកភាពគ្នាដាក់ឱ្យចូលជាធរមាននូវកិច្ចព្រមព្រៀងពាណិជ្ជកម្មសេរី រវាងកម្ពុជា និងចិន នៅខែមករា ឆ្នាំ២០២២។

ដោយឡែកលើវិស័យកសិកម្ម លោក លី ខឺឈាំង បានយល់ស្របនឹងជំរុញឱ្យមានការធ្វើការរួមគ្នារវាងភាគីទាំងពីរ ធ្វើយ៉ាងណាពិភាក្សាចរចាគ្នាលើកូតានាំអង្ករចូលទៅប្រទេសចិន និងកសិផលកម្ពុជាចូលទៅប្រទេសចិន ដោយផ្ទាល់តែម្ដងតាមរយៈការបង្កើតយន្តការរួមគ្នាមួយពិនិត្យមើលកសិផលទាំងឡាយណាដែលត្រូវនាំចេញពីកម្ពុជាទៅកាន់ប្រទេសចិន៕

អត្ថបទ៖ ណារី