សេដ្ឋកិច្ច
លោក លឹម ផារ៉ា ជួយកសិករខ្មែរកែច្នៃផ្លែចេកចេញជាស្ករ និងស្រា
ស្ករចេក និងស្រាចេក គឺជាផលិតផលខ្មែរដែលកែច្នៃចេញពីផ្លែចេកទុំទៅជាស្ករ និងស្រា។ ស្ករចេក និងស្រាចេក បច្ចុប្បន្នត្រូវបានផលិតឡើងនៅក្នុងសហគ្រាសមួយ ដែលមានឈ្មោះថា សហគ្រាសគំនិតថ្មី ស្ថិតនៅស្រុកចម្ការលើ ខេត្តកំពង់ចាម។

លោក លឹម ផារ៉ា នាយកសហគ្រាសគំនិតថ្មី បានប្រាប់កម្ពុជាថ្មីថា មូលហេតុដែលលោកសម្រេចចិត្តបង្កើតសហគ្រាសនេះ ដោយសារកាលពីជិត១០ឆ្នាំមុន កសិករនៅក្នុងស្រុកចម្ការលើ មានការលំបាកនៅក្នុងការរកទីផ្សារលក់ផលិតផលចេក។ លោកថ្លែងដូច្នេះថា« កាលពីមុនចេកនៅតំបន់នេះ(ចំការលើ)សម្បូរខ្លាំងណាស់ នៅពេលរដូវវស្សាប្រជាជនមិនសូវធ្វើបុណ្យទាន ធ្វើឲ្យចេញសល់ពេញចម្ការ…មួយវិញទៀត ការនាំចូលចេកពីបរទេសច្រើន ធ្វើឲ្យចេកកសិករខ្មែរចាល់ សល់ច្រើន ខ្ញុំក៏មានគំនិតចង់ជួយកសិករ ផលិតជាស្រា និងស្ករចេកឡើង»។

នាយកសហគ្រាសគំនិតថ្មី បានគូសបញ្ជាក់ថា ក្នុង១ខែសហគ្រាសប្រើប្រាស់វត្ថុធាតុដើមផ្លែចេកប្រមាណ ១ម៉ឺនស្និត អាចផលិតស្ករចេកបាន ៣តោន ស្រាចេក ៥ពាន់ដប ស្ករគ្រាប់៥តោន តំណាប់ផ្លែឈើ និងផ្សេងៗទៀត ចន្លោះពី ៥ទៅ១០តោន ក្នុង១ខែ។ លោកថា ទីផ្សារស្រាចេក នាំចេញទៅប្រទេសចិន ប្រមាណ១ម៉ឺនដប ក្នុង១ខែ ឯស្ករចេក នាំចេញទៅប្រទេសអាឡឺម៉ងប្រមាណចន្លោះពី ២០០គីឡូ ទៅ ៣០០គីឡូក្រាម ក្នុង១ខែ។
បើតាមលោក លឹម ផារ៉ា បច្ចុប្បន្នស្ករចេក និងស្រាចេក បានដាក់ចូលទីផ្សារ 7Eleven មួយចំនួនហើយ។ ស្ករចេក អាចប្រើប្រាស់ដូចស្ករធម្មតា តែអ្វីដែលពិសេស គឺមានសារសំខាន់ ជួយសុខភាព ជួយគ្រប់គ្រងជាតិស្ករក្នុងឈាម ជួយក្រពះពោះវៀន និងកាត់បន្ថយជំងឺបាក់ទឹកចិត្តជាដើម។
លោក លឹម ផារ៉ា រំលឹកថា សហគ្រាសគំនិតថ្មី បង្កើតឡើងនៅឆ្នាំ ២០១៣ មានទីតាំងស្ថិតនៅ ភូមិតាអុង ស្រុកចម្ការលើ ខេត្តកំពង់ចាម។
បើតាមលោក ផារ៉ា បច្ចុប្បន្នស្ករចេក និងស្រាចេក ធ្លាក់ចុះទីផ្សារ ដោយសារវិបត្តិកូវីដ-១៩។ ទោះយ៉ាងណាលោកមានមហិច្ឆតាអនាគតផលិតស្រាចេក និងស្ករចេក ផ្គត់ផ្គង់តម្រូវការទីផ្សារក្នុងស្រុក និងនាំចេញទៅក្រៅប្រទេសឲ្យបានទូលំទូលាយ៕
អត្ថបទ៖ ទួន សុផល










-
ព័ត៌មានអន្ដរជាតិ២៤ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២២ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ