ទីក្រុង ​ប៉ាតាយ៉ា ​រៀបចំ​ព្រឹត្តិការណ៍​សិល្បៈ​ដើម្បី​ទាក់ទាញ​តំបន់​ ទេសចរណ៍​របស់​ខ្លួន

ទីក្រុងថៃប៉ាតាយ៉ាបានរៀបចំព្រឹត្តិការណ៍ធំៗចំនួន ៨ សប្តាហ៍ ដែលធ្វើឡើងពីខែវិច្ឆិកា រហូតដល់ថ្ងៃចូលឆ្នាំសកល ។

ទីក្រុងនេះបានវិនិយោគជាទឹកប្រាក់ចំនួន ៣០ លានបាត (ប្រហែល ០.៩លានដុល្លារ) ដើម្បីរៀបចំព្រឹត្តិការណ៍ចំនួន ៥ នេះដែលមានដូចជា មហោស្រពតន្ត្រីប៉ាតាយ៉ា ឆ្នាំ២០២១ ពិធីបុណ្យបណ្តែតប្រទីប កាំជ្រួចអន្តរជាតិ ពិធីបុណ្យអាហារ “Dern Gin Thin Na Klue” និង Pattaya Countdown ។

តាមរយៈការរៀបចំព្រឹត្តិការណ៍ទាំងនេះ ប៉ាតាយ៉ាមានគោលបំណង ដើម្បីបង្ហាញសក្តានុពលរបស់ខ្លួនដែលជាគោលដៅមួយក្នុងចំណោមគោលដៅ ផ្សេងៗនៃប្រទេសថៃ និងជាឱកាសរបស់ទីក្រុង ។

ទន្ទឹមនោះជនបរទេសក៏បានសម្តែងភាពរីករាយក្នុងការចូលរួមក្នុងពិធីបុណ្យប៉ាតាយ៉ានេះផងដែរ ទោះបីជាភាសា និងវប្បធម៌ខុសគ្នាក៏ដោយ ។

ជាមួយគ្នានេះ លោក Jeerawat Sukonthasup ប្រធានផ្នែកសណ្តាប់ធ្នាប់ សន្តិសុខ និងការិយាល័យអ្នកគ្រប់គ្រងនៅ ប៉ាតាយ៉ា បានសង្កត់ធ្ងន់លើការទទួលខុសត្រូវរបស់គាត់ក្នុងការរក្សាសណ្តាប់ធ្នាប់ និងសន្តិសុខផ្អែកតាមការិយាល័យអ្នកគ្រប់គ្រងទីក្រុងប៉ាតាយ៉ា ដោយប្រមូលផ្តុំកម្លាំងពីប៉ូលិស ប៉ូលិសទេសចរណ៍ អ្នកស្ម័គ្រចិត្ត និងស្ថាប័នផ្សេងទៀតនៅ ក្នុងទីក្រុងប៉ាតាយ៉ា ដើម្បីល្បាត សម្របសម្រួល និងគ្រប់គ្រងវិធានការកូវីដជុំវិញកន្លែងប្រគុំតន្ត្រី ខណៈអ្នកចូលរួមស្ទើរតែ ១០០ ភាគរយ ប្រកាន់ខ្ជាប់នូវវិធានការការពារ ៕

ប្រភព ៖ A24 News Agency