សេដ្ឋកិច្ច

រយៈពេល១១ខែ កម្ពុជាបាននាំចេញគ្រាប់ស្វាយចន្ទីក្នុងទំហំទឹកប្រាក់ជិត២ពាន់លាន ដុល្លារអាមេរិក

បានផុស

៣ years មុន

នៅ

ថ្ងៃចន្ទ ១៣ ធ្នូ ២០២១

ដោយ

ការនាំចេញគ្រាប់ស្វាយចន្ទីនៅ១១ខែដំបូងឆ្នាំ២០២១នេះ សម្រេចបានការនាំចេញក្នុងទំហំទឹកប្រាក់ប្រមាណជិត២ពាន់លានដុល្លារអាមេរិកកើនឡើងដល់ទៅជាង៣០០% ឯណោះ បើធៀបនឹងរយៈពេលដូចគ្នាកាលពីឆ្នាំមុន នេះបើយោងតាមរបាយការណ៍របស់សមាគមស្វាយចន្ទីកម្ពុជា។

នៅក្នុងរយៈពេល ១១ខែដំបូង ឆ្នាំ២០២១ ការនាំចេញស្វាយចន្ទីទៅកាន់ទីផ្សារក្រៅប្រទេសសម្រេចបានក្នុងបរិមាណជាង ៩២ ម៉ឺនតោន ដែលបានកើនឡើងដល់ទៅជាង ៣០០%ឯណោះ បើធៀបនឹងរយៈពេលដូចគ្នាកាលពីឆ្នាំមុន។ ក្នុងនោះទឹកប្រាក់ដែលបានមកពីការនាំចេញគ្រាប់ស្វាយចន្ទីនៅ ១១ ខែដំបូងឆ្នាំនេះ មានដល់ទៅជាង ១,៨០០លានដុល្លារអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ុយ កុកធាន ដែលជាអនុប្រធាននិងជាអ្នកនាំពាក្យនៃសមាគមស្វាយចន្ទីកម្ពុជាបានរៀបរាប់ប្រាប់សារព័ត៌មានថា ការកើនឡើងទាំងនេះ គឺដោយសារតែនៅពេលនេះការនាំចេញស្វាយចន្ទីកម្ពុជានៅតែមានតម្រូវការខ្លាំងពីបណ្ដាប្រទេសផ្សេងៗជាពិសេសក្រៅពីទីផ្សារប្រទេសវៀតណាមនិងចិន មានប្រទេសឥណ្ឌាក៏កំពុងតែមានតម្រូវ ការខ្លាំងណាស់ដែរ ។ កត្តាទាំងនេះបានធ្វើឲ្យសន្ទុះការនាំចេញគ្រាប់ស្វាយចន្ទីមានការកើនឡើងខ្លាំងនៅឆ្នាំ២០២១នេះ។

អ្នកនាំពាក្យសមាគមន៍ស្វាយចន្ទីកម្ពុជាបានរំពឹងទុកថា គ្រាប់ស្វាយចន្ទីនឹងក្លាយជាដំណាំកសិកម្មនាំចេញលេខ១ នៅក្នុងប្រទេសកម្ពុជានៅពេលខាងមុខនេះហើយក៏អាចនឹងនឹងក្លាយជាប្រទេសលំដាប់ទី១ក្នុងការនាំចេញស្វាយចន្ទីបានច្រើនជាងទៅកាន់ទីផ្សារពិភពលោកផងដែរដោយសារតែនៅរយៈ៥ ទៅ៦ឆ្នាំចុងក្រោយនេះ អត្រានៃការដាំដុះស្វាយចន្ទីនៅតាមបណ្ដាប្រទេសផ្សេងៗមានការថយចុះ ខណៈបច្ចុប្បន្ននៅកម្ពុជាកំពុងតែមានកំណើននៃការដាំដុះស្វាយចន្ទីកាន់តែច្រើនឡើងដើម្បីជាកាបំពេញតម្រូវ ការទីផ្សារក្រៅប្រទេសដែលកំពុងកើនឡើង៕

ដោយ ៖ ណារី