ដំឡូវមីមានហាងឆេងល្អ នៅរដូវប្រមូលផលឆ្នាំនេះ ធ្វើឱ្យកសិករសប្បាយចិត្ត

កសិករដាំដំឡូងមីនៅ ខេត្តឧត្តរមានជ័យ រីករាយសប្បាយចិត្ត ដោយសារតម្លៃលក់ចេញ មានហាងឆេងខ្ពស់ ប៉ុន្តែទទួល​ផលបាន​តិច ដោយសារ ទឹកជំនន់ ធ្វើឲ្យរលួយខូច។

លោក កែវ សេង អាយុ ៤៨ឆ្នាំ រស់នៅ ភូមិឃ្លាំងកណ្តាល ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ បានប្រាប់ឱ្យដឹងនៅ ថ្ងៃទី ១៤ ខែធ្នូ​នេះថា ឆ្នាំនេះដំឡូងមីមានហាងឆេងខ្ពស់​គួរសមជាងឆ្នាំមុន ព្រោះខាង ថៃកំពុងមានតម្រូវការ។ 

តម្លៃដំឡូងមី ឆ្នាំនេះ បើដំឡូងស្រស់ថៃទិញចូល១គីឡូ ២,៧០ រៀល ចំណែកដំឡូងស្ងត​១គីឡូង ៧,៥០រៀល។ បើប្រៀបធៀបនឹងឆ្នាំមុនគឺមានការឡើងថ្លៃជាង ព្រោះឆ្នាំនេះអ្នកកសិករដាំដុះដំឡូងមីមិនសូវកើតបន្មាននោះទេដោយសារទឹកជន់លិចខូចខាតអស់មួយចំនួន។

ដោយឡែក លោក រស់ ផល្លា អាយុ ៤៥ឆ្នាំ ជាកសិករដាំដំឡូង រស់នៅភូមិប្រលាន ឃុំថ្លាត ស្រុកអន្លង់វែងក៏បាន្យឲ្យដឹងថា ចំពោះការដាំដំឡូងមីនេះគឺមានការចំណាយដើមច្រើនទាំងភ្ជួររាស់និងការថទាំ ថ្នាំបាញ់ស្មៅ ដាក់ជីបំប៉នជាដើម។តែបើមិនមានទឹកលិចខូចខាតច្រើននោះទេគឺបានកាក់កបគួរសមជាងដំណាំស្រូវទៅ ទៀត។ ព្រោះដំឡូងប្រើរយះពេលនៃការដាំដុះតែ ១០ខែ ប្រមូលផលបានហើយ។

លោក រស់ ផល្លា បានបន្តឲ្យដឹងទៀតថា បើសិនជាតម្លៃហាងឆេងដំឡូងនៅ តែមានតម្លៃខ្ពស់​ដូចខែនេះគឺធ្វើដំឡូងបានផលចំណេញច្រើនជាងស្រូវ។

ពាក់ព័ន្ធទៅ នឹងបញ្ហានេះដែរលោក សូត្រ ស៊ី សុខឃាង​ប្រធាន មន្ទីរកសិកម្ម ខេត្តឧត្តរមានជ័យ បានបញ្ជាក់ប្រាប់ដឹងថា ចំពោះដំណាំដំឡូងមីនៅ ឆ្នាំនេះនៅ តែមានហាងឆេងល្អ បើទោះបីជាមានទឹកលិចខូចខាតខ្លះក៏ដោយ។ ចំពោះខេត្តឧត្តរមានជ័យឆ្នាំនេះកសិករយើងដាំដំឡូងមីសរុបចំនួន ៦៥,០០០ ហិកតា ហើយជាមធ្យមក្នុង ១ ហិកតាទទួលបានផលក្នុងចន្លោះពី២២ទៅ ២៥តោន៕

អត្ថបទ៖ ចាន់ ធី