សេដ្ឋកិច្ច

៦ សណ្ឋាគារនៅភ្នំពេញ គេង ១ យប់ ថ្លៃជិត ៥ ពាន់ដុល្លារ

បានផុស

៣ years មុន

នៅ

ថ្ងៃពុធ ៥ មករា ២០២២

ដោយ

លោកស្រី ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា (CATA) មានប្រសាសន៍ប្រាប់ “កម្ពុជាថ្មី” ថាសណ្ឋាគារនៅរាជធានីភ្នំពេញ ដែលទទួលភ្ញៀវជាតិ និងអន្តរជាតិ មានថ្លៃបន្ទប់ គឺចន្លោះពី ១២០ ដុល្លារ ដល់ ៤ ៨០០ ដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ឆាយ ស៊ីវលីន បង្ហាញឈ្មោះសណ្ឋាគារចំនួន ៦ ដែលមានតម្លៃបន្ទប់ខ្ពស់នៅភ្នំពេញ មានដូចជា៖

សណ្ឋាគារ Rosewood

សណ្ឋាគារ Raffle Le Royal

សណ្ឋាគារ Sokha Hotel

សណ្ឋាគារ Marriot Courtyard

សណ្ឋាគារ Hyatt Regency Phnom Penh

និង សណ្ឋាគារ Sofitel Phnom Penh Phokeethra។

ប្រធានសមាគមទីភ្នាក់ងារទេសចរណ៍កម្ពុជា រូបនេះលើកឡើងថា តម្លៃខាងជាតម្លៃទូទៅ ដោយតារាងសណ្ឋាគារទាំងអស់អត់អាចបង្ហាញជាសាធារណៈទេ។ លោកស្រីបញ្ជាក់ថា មានសណ្ឋាគារខ្លះបានបង្ហាញតម្លៃតាមគេហទំព័ររបស់ខ្លួន ហើយសណ្ឋាគារខ្លះមានការប្រែប្រួលតម្លៃ ឬបញ្ចុះតម្លៃ តាមពេលវេលា ឬឱកាសបុណ្យទាននានា។

បើតាមគេហទំព័រនៃសណ្ឋាគារ ចំនួន ៤ ក្នុងចំណោមសណ្ឋាគារខាងលើ បានបង្ហាញតម្លៃស្នាក់នៅមួយយប់ ដោយសណ្ឋាគារ Rosewood តម្លៃពី ៣៥០ – ៤ ៨០០ ដុល្លារ, សណ្ឋាគារ Raffle Le Royal តម្លៃពី ២១៥ – ១ ៩០០ ដុល្លារ, សណ្ឋាគារ Marriot Courtyard តម្លៃពី ១៣៥ – ១៩២ ដុល្លារ, និង សណ្ឋាគារ Sofitel Phnom Penh Phokeethra តម្លៃពី ២៨៨ – ៧៦៨ ដុល្លារ៕

សូមរង់ចាំអានបន្ត! “កម្ពុជាថ្មី” នឹងបង្ហាញឈ្មោះសណ្ឋាគារដែលមានតម្លៃបន្ទប់ខ្ពស់ នៅខេត្តសៀមរាប ជាបន្តទៀត។

អត្ថបទ៖ ច័ន្ទ វីរៈ