សេដ្ឋកិច្ច

ខណៈអតិផរណាខ្ពស់បំផុត តម្លៃប្រេងនឹងដល់១០០ដុល្លារក្នុង១បារ៉ែល

បានផុស

៣ years មុន

នៅ

ថ្ងៃព្រហស្បតិ៍ ២០ មករា ២០២២

ដោយ

វិបត្តិសេដ្ឋកិច្ចកាន់តែអាក្រក់ទៅនៅពេលអតិផរណាបានឈានដល់កម្រិតខ្ពស់បង្កើតជាបញ្ហាឈឺក្បាលដល់ធនាគារកណ្តាល ខណៈតម្លៃប្រេងត្រូវបានគេព្យាករនឹងកើនឡើងដល់១០០ដុល្លារក្នុងមួយបារ៉ែលដែលលើសពីការរំពឹងទុក។

ប្រេងឆៅ Brent ដែលបានឡើងថ្លៃ៥០%កាលពីឆ្នាំ២០២១បានបង្កើនតម្លៃ១៤%បន្ថែមទៀតរួចហើយនៅឆ្នាំ២០២២នេះដែលជាការឡើងខ្ពស់បំផុតក្នុងរយៈពេល៧ឆ្នាំចុងក្រោយ ខណៈឥឡូវនេះ តម្លៃដល់៨៩ដុល្លារអាមេរិកក្នុង១បារ៉ែល។

ដោយសមត្ថភាពផលិតមានភាពបញ្ហាស្មុគស្មាញ ការស្តុកប្រេងទុកមានកម្រិតទាប និងភូមិសាស្ត្រនយោបាយតានតឹង ឥឡូវនេះតម្លៃប្រេងហាក់ដូចជាកំពុងបោះពួយទៅរក១០០ដុល្លារអាមេរិកក្នុង១បារ៉ែលដែលជាកម្រិតមួយត្រូវបានក្រុមហ៊ុន Goldman Sachs ទាយថា នឹងកើតមាននាពាក់កណ្តាលឆ្នាំនេះ។

ក្រុមហ៊ុន JPMorgan បានព្យាករថា តម្លៃប្រេងអាចឡើងដល់១២៥ដុល្លារក្នុងមួយបារ៉ែល និងបន្តឡើងរហូតដល់១៥០ដុល្លារក្នុងមួយបារែលនាឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វាអាចទៅរួចដែលផលប៉ះពាល់សុទ្ធនៃការកើនឡើង១២ដុល្លារចាប់ពីពេលនេះមិនធំធេងខ្លាំងទេ ដោយសារអត្រាអតិផរណាបានបង្ហាញពីការងើបឡើងតម្លៃប្រេងតាំងពីឆ្នាំមុនមកម្ល៉េះ។ ជាពិសេស សេដ្ឋកិច្ចលោកខាងលិច ដែលកំពុងមានថាមពលប្រើប្រាស់តិចជាងមួយទសវត្សរ៍កន្លងទៅ។

ការដំឡើងអត្រាការប្រាក់នៅក្នុងប្រទេសដូចជា ចក្រភពអង់គ្លេស និងន័រវេស ព្រមទាំងធនាគារកណ្តាលដូចជា ធនាគារកណ្តាលអាមេរិក ប្រហែលជាសញ្ញានាសប្តាហ៍ខាងមុខនេះ ពួកគេមានផែនការរឹតបណ្តឹងគោលនយោបាយបែបណាដើម្បីពិនិត្យមើលអតិផរណាតាមការរំពឹងពីតម្លៃប្រេងកើនឡើង។

ប៉ុន្តែអ្នកបង្កើតគោលនយោបាយបានគិតគូរដោយផ្អែកលើផលប៉ះពាល់ជាមូលដ្ឋាននៅក្នុងការកើនឡើងតម្លៃប្រេងឆ្នាំ២០២១បានថយចុះអតិផរណាជាបណ្តោះអាសន្នពីមួយឆ្នាំទៅមួយឆ្នាំ។

មនុស្សជាច្រើនក៏បានវែកញែកពីផលប៉ះពាល់ផ្លូវចិត្តនៃតម្លៃប្រេងកើនឡើង១០០ដុល្លារក្នុងមួយបារ៉ែលមិនអាចប៉ាន់ស្មានបាន ជាពិសេសនៅពេលអ្នកប្រើប្រាស់ ពាណិជ្ជករ និងអ្នកនយោបាយព្រួយបារម្ភជុំវិញអតិផរណាជាច្រើនទសវត្សរ៍ទៀត ឬខ្ពស់ជាប់កំណត់ត្រា ហើយតម្លៃការប្រើប្រាស់ប្រេងកើនឡើងដល់៧%នៅអាមេរិកក្នុងរយៈពេល៤០ឆ្នាំចុងក្រោយ។

ទិន្នន័យកាលពីថ្ងៃពុធបង្ហាញថា អតិផរណាប្រើប្រាស់ចក្រភពអង់គ្លេសបានឈានដល់កម្រិតខ្ពស់ក្នុងពេល៣០ឆ្នាំចុងក្រោយដែលនេះក៏គូសបញ្ជាក់ថា វានឹងមានឥទ្ធិពលលើតម្លៃម្ហូបអាហារ និងបដិសណ្ឋារកិច្ចថែមទៀត។

លោក rederik Ducrozet អ្នកយុទ្ធសាស្ត្រនៅក្រុមហ៊ុនគ្រប់គ្រងទ្រព្យសម្បត្តិ Pictet បាននិយាយថា ៖«វាអាចដូចជាផ្លែឈើរីនៅលើនំខួបក៏កើតមានអតិផរណា ប្រសិនបើយើងមិនទទួលបានតម្លៃប្រេងមធ្យមទេនោះ»។

លោកប្រាប់ថា ៖«ពេលនេះ វាខុសប្លែកធំ ពីព្រោះយើងស្ថិតនៅចំណុចដែលហានិភ័យត្រូវបានផ្អៀងឡើង ហើយធនាគារកណ្តាលព្រួយបារម្ភអំពីការកើនឡើងប្រាក់ឈ្នួល ចាប់តាំងពីតម្លៃថាមពលរួមចំណែកប៉ះពាល់កម្រិតទី២»។

អតិផរណាក៏បានឈានដល់កម្រិតខ្ពស់បំផុតជាប់កំណត់ត្រាក្នុងរយៈពេលជាច្រើនឆ្នាំកន្លងទៅនេះនៅអឺរ៉ុប និងកន្លែងផ្សេងៗទៀតដែលកំពុងបង្ហាញពីកម្រិតខ្ពស់ហួសពីការរំពឹងទុក៕

ប្រែសម្រួល៖ វីរបុត្រ
ប្រភព៖ reuters

Related Topics:តម្លៃប្រេង