ថៃ ប្រើផ្លូវដែក ឡាវ-ចិន ដឹកអង្ករ ១,០០០ តោនទៅ ចិន

ពេលនេះប្រទេសថៃបានប្រើការ​ដឹក​ជញ្ជូន​អង្ករ​ចំនួន ​១,០០០​ តោន​ពី​ប្រទេស​របស់ខ្លួន​ទៅ​ប្រទេស​ចិន​តាម​រយៈផ្លូវ​ដែក​ឡាវ​-ចិន ។

យោងតាមសេចក្តីប្រកាសរបស់ក្រសួងកសិកម្ម និងសហករណ៍របស់ប្រទេសថៃបានឲ្យដឹងថា ការដឹកជញ្ជូនអង្ករត្រូវបានបញ្ជូនទៅទីក្រុង Chongqing ប្រទេសចិនក្នុងទូរថភ្លើងចំនួន ២០ ។

កាសែត Bangkok Post បានរាយការណ៍ថា ការ​នាំ​ចេញ​ផលិតផល​កសិកម្ម​ផ្សេង​ទៀត​ក៏ត្រូវធ្វើឡើង និង​ប្រើតាម​ផ្លូវ​ដែក​ថ្មីនេះផងដែរ ។

ទន្ទឹមនោះ លោក Alongkorn Polabutr ទីប្រឹក្សារដ្ឋមន្ត្រីក្រសួងកសិកម្មបាននិយាយថា ប្រទេសថៃសង្ឃឹមថានឹងនាំចេញផ្លែឈើ ផ្កាអ័រគីដេ កៅស៊ូ ដំឡូងមី និងប្រេងដូង រួមជាមួយនឹងត្រី និងផលិតផលបសុសត្វនៅលើផ្លូវរថភ្លើងថ្មីនេះដូចគ្នា ។

ចំណែកផ្លែឈើពីប្រទេសថៃអាចទៅដល់អ្នកប្រើប្រាស់ទីក្រុង Chongqing របស់ចិនក្នុងរយៈពេលតិចជាង ៤៨ ម៉ោងប៉ុណ្ណោះតាមរយៈផ្លូវដែក ឡាវ-ចិន ដោយវាអាចរក្សាផ្លែឈើឲ្យនៅស្រស់ ៕

ប្រែសម្រួលដោយ ៖ ជីវ័ន្ត

ប្រភព ៖ Laotian Times

ចុចអាន ៖ អតីតនាយករដ្ឋមន្ត្រីថៃ ថាក់ស៊ីន ឆ្លង អូមីក្រុង និងប្រាប់រយៈពេលព្យាបាល