សេដ្ឋកិច្ច

សមាគមជប៉ុន JCA សន្យាកៀរគរវិនិយោគិនមកបោះទុនអភិវឌ្ឍន៍ខេត្តបាត់ដំបងបន្ថែម

បានផុស

៣ years មុន

នៅ

ថ្ងៃព្រហស្បតិ៍ ៣ កុម្ភៈ ២០២២

ដោយ

ខេត្តបាត់ដំបង៖ សមាគមជប៉ុន(JCA)សន្យាថានឹងកៀងគរវិនិយោគិនជប៉ុនមកបោះទុនដើម្បីអភិវឌ្ឍន៍ក្នុងភូមិសាស្ត្រខេត្តបាត់ដំបងបន្ថែមទៀត។ ការសន្យានេះបានធ្វើឡើងក្នុងដំណើរទស្សន:កិច្ចការងារជាផ្លូវការនៅខេត្តបាត់ដំបងរបស់លោក តាមឺរ៉ាក់ សឺតុមឺ នាយកសមាគមជប៉ុន-កម្ពុជា (JCA) កាលពីថ្ងៃទី០២ ខែកុម្ភៈនេះ ក្នុងគោលបំណងរឹតចំណងសម្ព័ន្ធភាពមេត្រីភាពបន្ថែមទៀតរវាងប្រជាជនកម្ពុជា-ជប៉ុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនាយកសមាគមជប៉ុន-កម្ពុជា បានបញ្ជាក់ថា ក្រៅពីការរឹតចំណងសម្ព័ន្ធមេត្រីភាពរវាងប្រជាជនជប៉ុន និងប្រជាជនក្នុងមូលដ្ឋានខេត្តបាត់ដំបង គណៈប្រតិភូក៏មានគោលបំណងសិក្សាឈ្វេងយល់បន្ថែមទៀត ដើម្បីស្វែងរកឱកាសកៀងគររកដៃគូវិនិយោគិនរបស់ជប៉ុនឱ្យមកបោះទុននៅក្នុងខេត្តបាត់ដំបងបន្ថែមទៀត ដើម្បីលើកកម្ពស់សេដ្ឋកិច្ចដល់ប្រជាជនឱ្យកាន់តែមានភាពប្រសើរឡើង។

ស្របតាមការលើកឡើងរបស់លោកនាយកសមាគមជប៉ុន (JCA) លោក សុខ លូ អភិបាលខេត្តបាត់ដំបង បានលើកឡើងថា រដ្ឋបាលខេត្តមានគម្រោងរៀបចំបង្កើតនូវតំបន់សេដ្ឋកិច្ចពិសេស និងចង់ឱ្យមានក្រុមហ៊ុនរបស់ជប៉ុនមកបណ្ដាក់ទុនវវិនិយោគន សំដៅលើកកម្ពស់សេដ្ឋកិច្ចសង្គមក៏ដូចជាជីវភាពគ្រួសាររបស់ប្រជាពលរដ្ឋ។

លោកអភិបាលខេត្តបាត់ដំបង បានបញ្ជាក់ដល់ JCA អំពីសក្ដានុពលដ៏សម្បូរបែបរបស់ខេត្តដូចជា វិស័យដំណាំកសិឧស្សាហកម្ម រួមទាំងផលិតផលកសិកម្មច្រើនប្រភេទទៀតដែលមិនទាន់មានរោងចក្រកែច្នៃ៕

អត្ថបទ៖ សៅ សារិទ្ធ