សេដ្ឋកិច្ច
ក្រុមប្រទេស OPEC នៅតែប្រកាន់ជំហរផលិតប្រេង ៤០ ម៉ឺនបារ៉ែល ក្នុងមួយថ្ងៃ ដើម្បីជួយពិភពលោក
អង្គការនៃប្រទេសនាំចេញប្រេង (OPEC) និងសម្ព័ន្ធមិត្តរបស់ខ្លួនដែលគេស្គាល់ថា OPEC+ បានប្រកាសថា នឹងបន្តប្រកាន់ខ្ជាប់នូវផែនការដែលមានស្រាប់សម្រាប់ការដំឡើងទិន្នផលប្រេងក្នុងកម្រិតមធ្យមចំនួន ៤០ ម៉ឺនបារ៉ែលក្នុងមួយថ្ងៃសម្រាប់ខែមីនាខាងមុខ ទោះបីជាតម្លៃប្រេងកើនឡើងក៏ដោយ ។
![](https://www.kampucheathmey.com/wp-content/uploads/2022/02/OPEC-3.jpg)
ក្នុងប៉ុន្មានសប្តាហ៍ថ្មីៗនេះ តម្លៃប្រេងបាននិងកំពុងឡើងជិតដល់កម្រិតខ្ពស់មិនធ្លាប់មានក្នុងរយៈពេលជាច្រើនឆ្នាំ ដែលជំរុញដោយភាពតានតឹងភូមិសាស្ត្រនយោបាយនៅអឺរ៉ុបខាងកើត និងមជ្ឈិមបូព៌ា ។
ទន្ទឹមនោះក្រុមហ៊ុនប្រេងឆៅ West Texas Intermediate (WTI) និងក្រុមហ៊ុន Brent ទាំងពីរក៏កំពុងជួញដូរប្រេងលើសពី ៨៨ ដុល្លារអាមេរិកក្នុងមួយបារ៉ែលផងដែរ មុនពេលកិច្ចប្រជុំរបស់ OPEC+ នៅថ្ងៃពុធ ទី២ ខែមីនា ហើយកាលពីសប្តាហ៍មុនឃើញថា ការជួញដូរប្រេងរបស់ក្រុមហ៊ុនទាំងពីរបានឈានដល់តម្លៃខ្ពស់បំផុត ចាប់តាំងពីខែតុលា ២០១៤ ។
![](https://www.kampucheathmey.com/wp-content/uploads/2022/02/OPEC-1.jpg)
នៅខែកក្កដាឆ្នាំ ២០២១ ប្រទេស OPEC+ បានយល់ព្រមបង្កើនទិន្នផលប្រេងចំនួន ៤០ ម៉ឺនបារ៉ែលក្នុងមួយថ្ងៃជារៀងរាល់ខែ ដើម្បីផ្គត់ផ្គង់តម្រូវការពិភពលោក បន្ទាប់ពីការកាត់បន្ថយការផលិត អំឡុងជំងឺរាតត្បាតកូវីដ ១៩ ក្នុងឆ្នាំ ២០២០ ។
ចាប់តាំងពីពេលនោះមក ក្រុមហ៊ុនជួញដូរប្រេងបានប្រកាន់ខ្ជាប់នូវផែនការនេះ បើទោះបីជាមានការដាក់សម្ពាធពីប្រទេសប្រើប្រាស់ប្រេងធំៗ រួមទាំងសហរដ្ឋអាមេរិកក៏ដោយ ដើម្បីជំរុញការផ្គត់ផ្គង់បន្ថែមទៀត សម្រាប់ទប់ទល់នឹងការកើនឡើងនៃតម្លៃប្រេង ។
![](https://www.kampucheathmey.com/wp-content/uploads/2022/02/OPEC-2.jpg)
ស្របពេលជាមួយគ្នានេះ ប្រទេសសមាជិកមួយចំនួនរបស់អង្គការ OPEC បានព្យាយាមបូមប្រេងបន្ថែមទៀតស្របតាមកូតារបស់ពួកគេ ដោយសារការវិនិយោគមិនគ្រប់គ្រាន់ក្នុងរយៈពេលប៉ុន្មានឆ្នាំចុងក្រោយនេះ ៕
ប្រែសម្រួលដោយ ៖ ជីវ័ន្ត
ប្រភព ៖ XINHUA
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៥ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៤ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម១ សប្តាហ៍ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ៥ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ព័ត៌មានជាតិ២ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ជីវិតកម្សាន្ដ២ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍២ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត