សេដ្ឋកិច្ច

ក្រោយចូលឆ្នាំ ចិន តម្លៃសាច់ជ្រូកនៅ ថៃ ធ្លាក់ចុះជាង ៧ ដុល្លារ

បានផុស

៣ years មុន

នៅ

ថ្ងៃសុក្រ ៤ កុម្ភៈ ២០២២

ដោយ

នាយកដ្ឋានពាណិជ្ជកម្មផ្ទៃក្នុងថៃ (DIT) បានរាយការណ៍កាលពីថ្ងៃព្រហស្បតិ៍ថា តម្លៃសាច់ជ្រូកបានធ្លាក់ចុះ ក្រោយបញ្ចប់ការប្រារព្ធពិធីបុណ្យចូលឆ្នាំចិន ខណៈដែលមន្ត្រីនៅតែបន្តត្រួតពិនិត្យលើការផ្គត់ផ្គង់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គនាយក DIT លោក Wattanasak Sur-iam បាននិយាយថា តម្លៃសាច់ជ្រូកនៅទីក្រុងបាងកកនាពេលនេះគឺប្រហែល ១៧០ ទៅ ១៨០ បាត (៥ ទៅជិត ៥.៥០ ដុល្លារ) ក្នុងមួយគីឡូក្រាម ពោលធ្លាក់ចុះពី ២៥០ ទៅ ៣០០ បាត (៧.៥០ ទៅ ៩ ដុល្លារ) ក្នុងមួយគីឡូក្រាម នៅមុនថ្ងៃចូលឆ្នាំ ។

លោកបញ្ជាក់ថា ចំណែកតម្លៃសាច់ជ្រូកនៅតាមខេត្តផ្សេងៗវិញបានធ្លាក់ចុះមកនៅប្រហែល ២០០ បាត (៦ ដុល្លារ) ក្នុងមួយគីឡូក្រាម ។

ជាចុងក្រោយលោកបានចាត់ទុកការធ្លាក់ចុះតម្លៃនេះ គឺដោយសារការត្រួតពិនិត្យរបស់មន្ត្រីលើការផ្គត់ផ្គង់សាច់ជ្រូកទូទាំងប្រទេស ។ លោកបានបន្តថា កត្តានេះបានជំរុញឲ្យមានការបញ្ចេញសាច់គ្រប់គ្រាន់ពីស្តុកទៅទីផ្សារ ហើយតម្លៃសាច់ជ្រូកអាចធ្លាក់ចុះក្រោម ១០០ បាត (៣ ដុល្លារ) ក្នុងមួយគីឡូក្រាម ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ អតីតនាយករដ្ឋមន្ត្រីថៃ ថាក់ស៊ីន ថា លោកជាអ្នកចុះហត្ថលេខាតែងតាំង លោក ប្រាយុទ្ធ ជាឧត្តមសេនីយ៍