សេដ្ឋកិច្ច
លោកបណ្ឌិត អ៉ិន ចាន់នី៖ គិតត្រឹមបំណាច់ខែមីនា មានអតិថិជនជាង ២ លាន ៣ សែននាក់ ប្រើប្រាស់ប្រព័ន្ធឌីជីថល
លោកបណ្ឌិត អ៉ិន ចាន់នី ប្រធាននាយកប្រតិបត្តិនៃធនាគារអេស៊ីលីដាភីអិលស៊ីបានមានប្រសាសន៍ថា គិតត្រឹមបំណាច់ខែមីនាឆ្នាំ២០២២កន្លងទៅនេះមានអតិថិជនរបស់ធនាគារអេស៊ីលីដាប្រមាណជាង២លាន៣សែននាក់ហើយបានប្រើប្រាស់ប្រពន្ធឌីជីថលក្នុងការធ្វើប្រតិបត្តិការផ្សេងៗ។
ថ្លែងក្នុងកិច្ចប្រជុំលើកទី២នាយក នាយិកាសាខាធនាគារអេស៊ីលីដាភីអិលស៊ី«ការលក់ចម្រុះកាន់តែឆ្លាតវៃគ្រប់សេវាហិរញ្ញាវត្ថុក្នុងយុគ្គសម័យឌីជីថល»កាលពីថ្ងៃទី២៩មេសានៅខេត្តព្រះសីហនុ លោកបណ្ឌិត បានបន្តថានៅឆ្នាំ២០២២នេះយើងជំរុញឱ្យប្រើប្រាស់ប្រព័ន្ធទូទាត់ឌីជីថលឱ្យបានដល់៩៧ភាគរយក្នុងចំណោមអតិថិជនដែលមានគណនីក្នុងធនាគារជាង៣លាននាក់ក្នុងនោះទុក៣ភាគរយសម្រាប់ធ្វើប្រតិបត្តិការនៅតាមបញ្ជរក្នុងការដកសាច់ប្រាក់ធំៗដែលត្រូវការប្រើប្រាស់បញ្ជរជាចាំបាច់។
លោកបណ្ឌិតបានបន្តទៀតថាគិតត្រឹមដំណាច់ខែមីនាឆ្នាំ២០២២កន្លងទៅនេះ មានអតិថិជនដែលបានចុះបញ្ជីប្រើប្រាស់ប្រព័ន្ធឌីជីថលប្រមាណជាង២លាន៣សែននាក់ហើយមានពេលខ្លះនិងថ្ងៃខ្លះបានចូលប្រើ ជាង១លាននាក់រាល់ថ្ងៃដូចជាការដកលុយប្រចាំថ្ងៃជាដើម។
លោកបណ្ឌិតបានកត់សម្គាល់ថាកំណើននៃការប្រើប្រាស់ឌីជីថលនេះគឺចាប់តាំងពីកម្ពុជាមានការឆ្លងរាតត្បាតជំងឺកូវីដ១៩ដោយសារពួកគាត់មានការភ័យខ្លាចនិងព្រួយបារម្ភពីបញ្ហាសុខភាពធ្វើឱ្យពួកគាត់មិនហ៊ានធ្វើដំណើរមកកាន់បញ្ជរជួបជុំមនុស្សច្រើនខ្លាចឆ្លងជំងឺកូវីដ១៩ពិសេសកាលពីខែមេសាឆ្នាំ២០២១មានការបិទខ្ទប់ធ្វើឱ្យគាត់ប្រើប្រាស់ប្រព័ន្ធឌីជីថលច្រើនដូចជាការទិញឬកុម្មង់ទំនិញផ្សេងៗនិងការទូទាត់តាមអនឡាញហើយឥឡូវនេះក្លាយជាទំលាប់ទៅហើយបើឱ្យគាត់មកបញ្ជរក៏មិនមកដែរដោយសារគាត់ប្រើតាមឌីជីថលងាយស្រួលជាង។
លោកបណ្ឌិត បានបញ្ជាក់ថាយ៉ាងណាក៏ដោយលោកចង់ឱ្យអតិថិជនប្រមាណជាង៣លាននាក់ដែលមានគណនីធនាគារប្រើប្រាស់ប្រព័ន្ធឌីជីថលនេះឱ្យបាន១០០ភាគរយតែម្តង។ព្រោះថាការប្រើប្រាស់ប្រព័ន្ធឌីជីថលកាន់តែច្រើនវានឹងធ្វើឱ្យយើងមិនចាំបាច់ត្រូវការមានធនធានមនុស្សច្រើនទេពោលគឺយើងប្រើធនធានមនុស្សដដែលតែធ្វើការច្រើនមុខឬលក់ចម្រុះ។
លោកបណ្ឌិត អ៉ិន ចាន់នី បានពន្យល់ថាកន្លងមកបុគ្គលិកធ្វើការទៅតាមឯកទេសរៀងៗខ្លួនដូចជាអ្នកទីផ្សារគឺដឹងតែលក់តែមួយមុខ ផ្នែកឥណទានធ្វើការឥណទាននិងរដ្ឋបាលធ្វើការរដ្ឋបាល។
លោកបណ្ឌិត បានឱ្យដឹងទៀតថា« ឥឡូវនេះយើងចង់ឱ្យមានការលក់បែបចម្រុះ។មានន័យថាគ្រប់មុខតំណែងនិងតួនាទីទាំងអស់ត្រូវចូលរួមលក់ទូទៅដើម្បីបម្រើជូនដល់អតិថិជនគ្រប់ពេលវេលាទាំងអស់មិនថាពេលធ្វើការ ពេលសម្រាកក្រៅម៉ោង នៅពេលលំហែកាយ គ្រប់ម៉ោងនិងគ្រប់ទីកន្លែងទាំងក្នុងការិយាល័យនិងក្រៅការិយាល័យ»។
លោកបណ្ឌិត បានបន្ថែមទៀតថាការលក់ចម្រុះនេះនឹងជួយធ្វើឱ្យការលក់កើនឡើងហើយក៏នឹងជួយក្នុងការចូលរួមចំណែកកាត់បន្ថយផលប៉ះពាល់ដោយសារសង្គ្រាមអ៊ុយក្រែនដែលធ្វើឱ្យប៉ះពាល់ដល់សេដ្ឋកិច្ចពិភពលោកក្នុងនោះក៏ប៉ះពាល់ដល់វិស័យធនាគារផងដែរ៕
-
ចរាចរណ៍១ ថ្ងៃ ago
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៤ ថ្ងៃ ago
ទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ ago
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម១ ថ្ងៃ ago
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៥ ថ្ងៃ ago
ភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៤ ថ្ងៃ ago
លោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ ago
ឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៥ ថ្ងៃ ago
អ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ