ទិន្នន័យថ្មី តម្លៃប្រេងសាំងនៅ អាស៊ាន ខណៈ កម្ពុជា ឡើងដល់ ៥,៦៥០ រៀលក្នុងមួយលីត្រ

ស្របពេលដែលសង្គ្រាមរវាងរុស្ស៊ី និងអ៊ុយក្រែនអូសបន្លាយពេលដល់ ៣ ខែទៅហើយនោះ តម្លៃប្រេងសាំងនៅលើពិភពលោករឹតតែមានការប្រែប្រួល ។

ទន្ទឹមនោះតម្លៃប្រេងសាំងនៅបណ្ដាប្រទេសមួយចំនួននៅតំបន់អាស៊ីអាគ្នេយ៍ (អាស៊ាន) ក៏នៅតែឡើងថ្លៃដូចគ្នា ខណៈកម្ពុជាបន្តឡើង ៥០ រៀលទៀតសម្រាប់លក់ក្នុងមួយលីត្រ ហើយនេះគឺជាតម្លៃប្រេងសាំងធម្មតាលក់ក្នុងមួយលីត្រនៅបណ្ដាប្រទេសអាស៊ាន ៖

១. ព្រុយណេ តម្លៃ ០.៣៨ ដុល្លារ (១,៥៥០​ រៀល) ក្នុងមួយលីត្រ

២. ម៉ាឡេស៊ី តម្លៃ ០.៤៧ ដុល្លារ (១,៩០០​ រៀល) ក្នុងមួយលីត្រ

៣. ឥណ្ឌូណេស៊ី តម្លៃ ១.២០ ដុល្លារ (៤,៩០០ រៀល) ក្នុងមួយលីត្រ

៤. វៀតណាម តម្លៃ ១.២៨ ដុល្លារ (៥,១៥០ រៀល) ក្នុងមួយលីត្រ

៥. ថៃ តម្លៃ ១.៣០ ដុល្លារ (៥,២០0 រៀល) ក្នុងមួយលីត្រ

៦. មីយ៉ាន់ម៉ា តម្លៃ ១.៣០ ដុល្លារ (៥,២០០ រៀល) ក្នុងមួយលីត្រ

៧. កម្ពុជា តម្លៃ ១.៣៩ ដុល្លារ (៥,៦៥០ រៀល) ក្នុងមួយលីត្រ

៨. ហ្វីលីពីន តម្លៃ ១.៤៨ ដុល្លារ (៦,០០០ រៀល) ក្នុងមួយលីត្រ

៩. ឡាវ តម្លៃ ១.៦៥ ដុល្លារ (៦,៦០០ រៀល) ក្នុងមួយលីត្រ

១០. សិង្ហបុរី តម្លៃ ២.២៦ ដុល្លារ (៩,០៥០ រៀល) ក្នុងមួយលីត្រ

គួរបញ្ជាក់ថា តម្លៃប្រេងសាំងទាំងនេះគឺគិតត្រឹមថ្ងៃទី ០១ ខែមិថុនា ឆ្នាំ ២០២២ ហើយយើងឃើញថា ប្រទេសព្រុយណេមិនមានការប្រែប្រួលតម្លៃនោះទេ ខណៈសិង្ហបុរីនៅតែជាប្រទេសមានតម្លៃប្រេងសាំងខ្ពស់ជាងគេដដែលនៅតំបន់អាស៊ាន ៕

ប្រែសម្រួលដោយ ៖ ជីវ័ន្ត

ប្រភព ៖ Global Petrol Price

ចុចអាន ៖ ប្រទេសជាប់ កម្ពុជា រកឃើញករណីជំងឺអុតស្វាលើកដំបូង លើអ្នកដំណើរ ឆ្លងកាត់ប្រទេស