សេដ្ឋកិច្ច
វិស័យដឹកជញ្ជូនក្នុងស្រុកជួបបញ្ហា ខណៈទំហំនៃការដឹកជញ្ជូនសកលកើនឡើង
ការកើនឡើងតម្លៃសាំង បាននិងកំពុងជះឥទ្ធិពលមិនល្អដល់វិស័យនានា ជាពិសេសវិស័យដឹកជញ្ជូនក្នុងស្រុក ដែលចាំបាច់ត្រូវតែប្រើប្រាស់សាំង ដើម្បីធ្វើជាមធ្យោបាយ។

ជាក់ស្តែងនៅកម្ពុជា វិស័យដឹកជញ្ជូន កំពុងរងផលប៉ះពាល់ខ្លាំងពីឥទ្ធិពលនៃការកើនឡើងតម្លៃប្រេងឥន្ធនៈនេះ។ លោក ជា ចាន់ដារ៉ា ប្រធានសមាគមពាណិជ្ជករដឹកជញ្ជូន និងខ្សែច្រវាក់ផ្គត់ផ្គង់នៅកម្ពុជា បានប្រាប់កម្ពុជាថ្មី នៅថ្ងៃទី ១៥ ខែ មិថុនាថា វិស័យដឹកជញ្ជូនក្នុងស្រុករងផលប៉ះពាល់ដោយសារវិបត្តិតម្លៃប្រេងឥន្ធនៈឡើងថ្លៃ។ កើតមានវិបត្តិប្រេងក៏ព្រោះតែសង្រ្គាមរវាងរុស្ស៊ី និងអ៊ុយក្រែន។ លោក ជា ចាន់ដារ៉ា បានបន្តថា ការឡើងថ្លៃប្រេងឥន្ធនៈ ធ្វើឱ្យក្រុមហ៊ុនដឹកជញ្ជូន ដំឡើងថ្លៃសេវាដឹកជញ្ជូនផ្លូវគោក ដែលនាំឱ្យវិស័យនេះ ជួបបញ្ហាខ្លះនៅក្នុងស្ថានភាពនេះ។
ប៉ុន្តែសម្រាប់ការដឹកជញ្ជូនពីក្រៅប្រទេស និងលក្ខណៈសកល ពុំមានបញ្ហានោះទេ ពោលគឺមានការកើនឡើង និងឆ្នាំនេះតម្លៃដឹកជញ្ជូនទាប បើប្រៀបធៀបតម្លៃដឹកជញ្ជូនកាលពីឆ្នាំ ២០២០-២០២១ កន្លងទៅ។ នេះបើតាមបញ្ជាក់របស់លោក ជា ចាន់ដារ៉ា។
លោកបានឱ្យដឹងដូច្នេះថា« កាលពីឆ្នាំ ២០២០-២០២១ កន្លងទៅ តម្លៃដឹកជញ្ជូនតាមកប៉ាល់ និងយន្តហោះ មានតម្លៃខ្ពស់ ដោយសារការរិតត្បិតក្នុងវិបត្តិកូវីដ។ លើសពីនេះទៀត ដូចជាប្រទេសចិនជាដើម សម្រុកការនាំចេញ ធ្វើឱ្យកើតមានបញ្ហាកង្វះទូដាក់អីវ៉ាន់ បណ្តាលឱ្យមានការកកស្ទះទំនិញដែលធ្វើឱ្យសេវាដឹកជញ្ជូនមានការឡើងថ្លៃ ខណៈដែលបច្ចុប្បន្នមានការបើកទូលាយ តម្លៃនៃការដឹកជញ្ជូនធ្លាក់ចុះវិញស្ទើ ៥០ភាគរយ»។
ទោះយ៉ាងណា ប្រធានសមាគមពាណិជ្ជករដឹកជញ្ជូន និងខ្សែច្រវាក់ផ្គត់ផ្គង់នៅកម្ពុជា វាយតម្លៃថា នៅថ្ងៃខាងមុខវិស័យដឹកជញ្ជូននៅកម្ពុជា នឹងមានស្ថានភាពកាន់តែល្អប្រសើរ ដោយផ្អែកទៅលើហេដ្ឋារចនាសម្ព័ន ដែលរៀបចំដោយក្រសួងសាធារណការ និងដឹកជញ្ជូន បានកែសម្រួលផ្លូវថ្នល់ កំពង់ផែ បង្កើតព្រលានយន្តហោះថ្មីៗ និងពង្រីកបន្ថែម ដែលទាំងអស់នេះ បានទាក់ទាញអ្នកវិនិយោគពីក្រៅប្រទេស តាមរយៈការផ្តល់ភាពងាយស្រួលដល់វិស័យដឹកជញ្ជូន និងរួមចំណែកជួយកំណើនសេដ្ឋកិច្ចផងដែរ៕ ទួន សុផល

-
ព័ត៌មានជាតិ៤ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ៣ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៤ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ១៦ ម៉ោង ago
Breaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ