Connect with us

សេដ្ឋកិច្ច

បាត់ដំបង រំពឹងស្រូបទាញចំណូលពីអគារ​សំណង់បុរាណ និងហាមពលរដ្ឋ​កែលម្អខុសទ្រង់ទ្រាយដើម

បានផុស

នៅ

អគារ សំណង់បុរាណ គឺជាផ្នែកមួយជួយស្រូបទាញចំណូលតាមរយៈវិស័យទេសចរណ៍ នៅក្នុងខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុខ លូ អភិបាលខេត្តបាត់ដំបង បានឱ្យដឹងថា កន្លងមករដ្ឋបាលខេត្ត បានហាមឃាត់ប្រជាពលរដ្ឋជួសជុលផ្ទះ ដែលជាសំណង់បុរាណខុសពីទម្រង់ដើមនៃអគារ និងបានពិនិត្យចំពោះផ្ទះដែលបានកែប្រែខុសពីទម្រង់ដើម។ លោកបន្តថា រដ្ឋបាលខេត្ត បានខិតខំក្នុងការថែរក្សាសំណង់អគារបុរាណ ដែលមានបញ្ហាមួយចំនួន​ពាក់ព័ន្ធទៅនឹងបច្ចេកទេស និងស្វែងរកថវិកា ដើម្បីអភិវឌ្ឍតំបន់អភិរក្ស។

នៅខេត្តបាត់ដំបង ក៏មានផ្សារមួយ ដែលជាសំណង់តាំងពីសម័យអាណានិគមបារាំង ដែលកំពុងជួបប្រទះហានិភ័យ ត្រូវជួសជុលបន្ទាន់ផងដែរ។ ទន្ទឹមនឹងនេះ លោកអភិបាលខេត្តបាត់ដំបង ក៏បានសំណូមពរដល់ប្រទេសបារាំង តាមរយៈឯកអគ្គរដ្ឋទូតបារាំងប្រចាំប្រទេសកម្ពុជា ដើម្បីពិនិត្យមើលលទ្ធភាពជួយដល់ជួសជុលសំណង់អគារនេះ តាមជាក់ស្ដែង។ ដោយលោករំពឹងថា ថ្ងៃក្រោយតំបន់អភិរក្សបេតិកភណ្ឌ ដែលមានសំណង់អគារបុរាណនេះ នឹងធ្វើឱ្យខេត្តបាត់ដំបងអាចរកចំណូល តាមរយៈភ្ញៀវទេសចរមកទស្សនាកំសាន្តផងដែរ។

ការសំណូមពររបស់លោក សុខ លូ បែបនេះ ធ្វើឡើងនៅក្នុងជំនួបសម្តែងការគួរសម និងពិភាក្សាការងារជាមួយ ឯកអគ្គរដ្ឋទូតបារាំងប្រចាំប្រទេសកម្ពុជា កាលពីថ្ងៃពុធ​ កន្លងទៅ។

ជាការឆ្លើយតប លោក ហ្សាក់ ប៉ឺឡេ (Jacques Pellet) ឯកអគ្គរដ្ឋទូតបារាំងប្រចាំប្រទេសកម្ពុជា បានកោតសរសើរ ដល់រដ្ឋបាលខេត្តបាត់ដំបង ដែលបានខិតខំព្យាយាមថែរក្សាសំណង់អគារបុរាណនានា ដែលកសាងឡើងតាមសម័យ​អាណានិគមនិយមបារាំង និងបានជួសជុលកន្លែងដែលការខូចខាត ដើម្បីរក្សានូវសំណង់អគារបុរាណនោះ​បានល្អ​ប្រសើរ។ លោក ហ្សាក់ ប៉ឺឡេ (Jacques Pellet) បានបន្តទៀតថា « ទាក់ទងទៅនឹងការអភិរក្សសំណង់​បេតិកភណ្ឌក៏យើងបានធ្វើការគិតគូផងដែរ នៅក្នុងប្រទេសកម្ពុជា ដើម្បីទាក់ទាញភ្ញៀវទេសចរមកទស្សនាកាន់តែច្រើន តែអ្វីដែលយើងត្រូវដឹង គឺផែនការអភិវឌ្ឍ និងអភិរក្ស សំណង់បេតិកភណ្ឌ សតវត្សរ៍ទី២០ ដែលយើងត្រូវធ្វើការ​សិក្សាអំពីប្លង់លម្អិតជាមុនសិន នឹងយកទៅពិភាក្សាជាមួយដៃគូនៃប្រទេសបារាំង» ។

សូមបញ្ជាក់ថា ខេត្តបាត់ដំបង មានស្ថានីយបុរាណចំនួន២១ ប្រាសាទដែលនៅមានរូបរាងចំនួន៥ ប្រាសាទ​បាក់បែកសល់គ្រឹះចំនួន១៦ ទួលបុរាណចំនួន៤១៥ និងវត្តបុរាណចំនួន៣២៦។ សំណង់បុរាណទាំងនេះ​បានទាក់ទាញភ្ញៀវទេសចរជាតិ និងអន្តរជាតិជាច្រើន។ ជាក់ស្តែង កាលពីពិធីបុណ្យចូលឆ្នាំប្រពៃណីជាតិខ្មែរកន្លងទៅ ខេត្តបាត់ដំបងទទួលបានភ្ញៀវទេសចរ ទៅកម្សាន្តច្រើនជាងគេ គឺមានចំនួន ៥៦៥ ៦១៨នាក់ ក្នុងនោះ​ភ្ញៀវទេសចរបរទេស ១ ១១១នាក់៕ ទួន សុផល

Old colonial buildings, Battambang province, Battambang, Cambodia
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

​ប្រជាជន​កោះGreenland រៀបចំ​បោះឆ្នោត​ ក្រោម​ការតាមដាន​របស់​ពិភពលោក

ព័ត៌មានអន្ដរជាតិ៤ ម៉ោង មុន

Duterte ត្រូវរាយការណ៍ថា បាន​ចាប់​បញ្ជូន​ទៅ​តុលាការ​ឡាអេ ខណៈប្រជាជន​ក្នុង​ប្រទេស​ផ្តើម​តវ៉ា​ទ្រង់ទ្រាយធំ​

ព័ត៌មានអន្ដរជាតិ៥ ម៉ោង មុន

រដ្ឋមន្ត្រី​ការបរទេស​អ៊ុយក្រែន​និង​អាមេរិក​កំពុងចរចា​​និង​អះអាងថា មានការរីកចម្រើន​ទៅមុខ​​

សន្តិសុខសង្គម៦ ម៉ោង មុន

ប្រទះ​ឃើញ​សាកសព​បុរស​ម្នាក់ កប់​ក្រោម​ដើម​ត្នោត ក្នុង​ដី​វាលស្រែ

ព័ត៌មានជាតិ៦ ម៉ោង មុន

អាជ្ញាធរ​ខណ្ឌ​ឫស្សីកែវ នឹង​ចាត់​វិធានការ​រដ្ឋបាល​ បើ​ម្ចាស់​អាជីវកម្ម​ដាយ​ត្រី​ខុសច្បាប់​មិនរុះ​រើ​ និងសហការ

ព័ត៌មានអន្ដរជាតិ១៨ ម៉ោង មុន

កប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ

ព័ត៌មានអន្ដរជាតិ១២ ម៉ោង មុន

អ៊ុយក្រែន បញ្ជូនដ្រូន បើកការវាយប្រហារខ្នាតធំបំផុតមិនធ្លាប់មាន លើក្រុងមូស្គូ 

ព័ត៌មានអន្ដរជាតិ១០ ម៉ោង មុន

មន្ត្រីអាមេរិកមួយចំនួន ចាប់ផ្តើមស្តាយក្រោយ ដែលបោះឆ្នោតឲ្យលោក ត្រាំ

ព័ត៌មានអន្ដរជាតិ១៦ ម៉ោង មុន

អតីត​ប្រធានាធិបតី​ហ្វីលីពីន លោក Duterte ត្រូវ​​បាន​ចាប់​ខ្លួន ពី​បទ​ឧក្រិដ្ឋកម្ម​ប្រឆាំង​មនុស្ស​ជាតិ

ព័ត៌មានជាតិ៩ ម៉ោង មុន

រដ្ឋមន្ត្រីបរិស្ថានខកចិត្ត ព្រោះចាប់បានរោងចក្របង្ហូរទឹកកខ្វក់ចូលស្ទឹង តែមន្ត្រីធ្វើការយឺតរហូតខូចការណ៍ធំ

Sokha Hotels

ព័ត៌មានពេញនិយម