សេដ្ឋកិច្ច
លោក ប៉ែន សុវិជាតិ៖ បើទោះបីមិននាំចូល ក៏កម្ពុជា នៅមានប្រេងសាំងសម្រាប់ប្រើប្រាស់ពី១៥ទៅ២០ថ្ងៃដែរ
អ្នកនាំពាក្យរបស់ក្រសួងពាណិជ្ជកម្មកម្ពុជា លោក ប៉ែន សុវិជាតិ បានអះអាងថា កម្ពុជាមានប្រេងបម្រុងទុកច្បាស់លាស់ ដោយក្រសួងពាណិជ្ជកម្មសហការជាមួយក្រសួងជំនាញផ្សេងៗ និងមានការចូលរួមពីវិស័យឯកជន។ ដូច្នេះហើយ ទោះបីជាកម្ពុជាមិននាំប្រេងចូលក្នុងរយៈពេល ១៥ទៅ ២០ថ្ងៃ ក៏កម្ពុជាមិនខ្វះខាតប្រេងសាំងសម្រាប់ប្រើប្រាស់ឡើយ។

លោក ប៉ែន សុវិជាតិ បានបញ្ជាក់ថា មុននឹងមានវិបត្តិកូវីដ-១៩ និងវិបត្តិសង្រ្គាមរវាងរុស្ស៊ី និងអ៊ុយក្រែន កម្ពុជា មានការកំណត់នូវសន្និធិពាណិជ្ជកម្ម(ស្តុក) ប្រេងច្បាស់លាស់យ៉ាងហោចណាស់មួយខែ ទោះបីជួបករណីដោយប្រការណាមួយមិនបាននាំចូលប្រេង ក៏កម្ពុជា មានប្រេងស្តុកទុកសម្រាប់ប្រើប្រាស់។ ប៉ុន្តែក្រោយពីមានវិបត្តិទាំងពីនេះកើតឡើង ស្ថានភាពប្រែប្រួល កម្ពុជាមានសន្និធិពាណិជ្ជកម្មរយៈពេល ១៥-២០ថ្ងៃ ទោះគ្មានការនាំចូលប្រេង ក៏កម្ពុជានៅមានប្រេងក្នុងប្រទេស។
លោក ប៉ែន សុវិជាតិ មានប្រសាសន៍ថា៖ “ជារៀងរាល់មួយសប្តាហ៍ ឬ ៤-៥ថ្ងៃម្តង បើប្រេងក្នុងប្រទេសអស់ យើងអាចទិញតពី ថៃ វៀតណាម ឬ សិង្ហបុរី ដែលជាប្រទេសនាំចូលប្រេង មានន័យថា យើងនៅក្នុងចំណុចកណ្តាលនៃប្រភពប្រេង។ ដូច្នេះយើងមានហានីភ័យទាបចំពោះបញ្ហានេះ នៅពេលដែលក្រសួងពាណិជ្ជកម្មនិងក្រសួងជំនាញផ្សេងទៀត និងវិស័យឯកជនចូលរួមគ្នាអនុវត្តន៍និងគ្រប់គ្រងសន្និធិពាណិជ្ជកម្មបានល្អប្រសើរ”។

យ៉ាងណាក៏ដោយ លោក ប៉ែន សុវិជាតិ មិនបានបញ្ជាក់ឲ្យដឹងនោះទេថា នៅពេលនេះ កម្ពុជាមានប្រេងបម្រុងទុកក្នុងឃ្លាំងចំនួនប៉ុន្មាននោះ។ ប៉ុន្តែ លោកបានអំពាវនាវដល់សាធារណជនគ្រប់រូបឱ្យមានស្មារតីសន្សំសំចៃខ្ពស់ចំពោះការធ្វើដំណើរផ្សេងៗ ប្រសិនបើមិនចាំបាច់ទេ កុំប្រើប្រាស់រថយន្ត អាចធ្វើដំណើរដោយកង់ជាដើម៕
អត្ថបទ៖ អុន ស្រីមាន

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៤ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ